JOSUA 3:10 - Tanou Moonsoi Timugon

¹⁰ Paat ra akau jumalai ra maagu no, maaru' pagiruon No ulun ru Kanaan, Git, Giwi, Piris, Girgasi, Amori am Jibusi. Makapandai kau ra i Aki Kapuuno' ondo' maayag soroi ra tatanga' min

JOSUA 3:10 Iomraidhean Croise

KASAUKAN 15:21

ulun ru Amori, ulun ru Kanaan, ulun ru Girgasi am ulun ru Jibusi.”

1 RAJA'-RAJA' 22:28

Kon ri Mika, “Amon ru makasaguli' kou raja' ra maayag, maaru' Tuhan no kalo mindagu pinabala' galing raki'!” Kon poyo ri Mika, “Rongogo' noyo, akau ngaangai' ulun, ra atan ondo' rinagu kutu.”

2 RAJA'-RAJA' 19:4

Nanusub raja' ru Asyur ra pagawai masawat kaga' nano koson magasab ri Aki Kapuuno' ondo' maayag. Gama' ru Tuhan, i Aki Kapuuno' muno mangkirongog ra pagasaban no am mangukum risilo ondo' mindagu raginio. Ginio ra pakiasi' no ri Aki Kapuuno' koson ra mamagun takau ondo' lakat poyo maayag.”

1 TUNUNG RU BANSA' ISRAIL 1:14

I Kanaan niayuk kinamatuaan ru ulun ru Jibusi, Amori, Girgasi,

MAZMUR 42:2

Koson ra tambang moondom ra timug ru sungoi, koson niayuk ra salibuor kuno moondom Rirun, iou Aki Kapuuno'.

MAZMUR 9:16

Bansa'-bansa' ondo' kalo makaulig Rirun maratu' ilo ra luang ondo' kinali nilo galama'; napataan ilo ra paninigot, kaa' ilo galama' siminulung.

KAINGKUALAN 17:7

Intok no ininggalanan ra Masa am Miriba sabap ra mambubutok ulun ru Israil am mangkinam ra Tuhan paat ra ilo mangkuot, “Maya' kia Tuhan no ritakau kapoam kalo?”

KAINGKUALAN 3:8

Ginio ra tumuun Aku mongoi pampalabus risilo intor ra ulun ru Misir, am magibit risilo mingkual intor ra pagun no am mongoi ra rondo' pagun ondo' mapila', langkaya' am malabung. Paat ragitio pagun no inayanan ru ulun ru Kanaan, Git, Amori, Piris, Giwi am Jibusi.

KAINGKUALAN 33:2

Mangator Aku rondo' malaikat koson maningganai ramuyun. Pagiruon Ku ulun ru Kanaan, Amori, Git, Piris, Giwi am Jibusi.

JISAYA 7:14

Raino, Tuhan galama' manaak rirun ra tatandu': sangulun ralaa ondo' maapang maganak ra sangulun anak ungkuyon ondo' inggalanin ri ‘Imanuil’.

JIRIMIA 10:10

Kaa' Okou, Tuhan, i Aki Kapuuno' ondo' motopot, Okou i Aki Kapuuno' ondo' maayag, raja' ondo' mantilayun. Paat ra Okou sumangit, monontol tana' ti, bansa'-bansa' kalo maikang manguma' ra sangit Muno. (

GOSIA 1:10

Ulun ru Israil masauk ra masuang koson ra kinasuang ru agis giu' ra raat, kalo maalap kauntob kapoam tukuon. Raino mindagu i Aki Kapuuno' risilo, “Akau sala' ka ulun Kuno, kaa' masaboi paat no ra mindagu Io risilo, “Aku noyo i Aki Kapuuno' ondo' naayag am akau noyo anak-anak Kuno.”

UNTABAN 13:29

Minayan ulun ru Amalik ra tampilon rabugus ru tana' no; ulun ru Git, ulun ru Jibusi am ulun ru Amori minayan tampilon ra kabuluran; ulun ru Kanaan minayan tampilon ra nagas ru Raat Tanga' am giu' ra gawar ru Sungoi Jordan.”

MATIUS 16:16

Taam i Simon Pitrus, “Okou no Mamamayag ondo' sinusub i, Anak ri Aki Kapuuno' Ondo' Maayag.”

JUANIS 6:69

Raino mangintopot akai toojo ra Okou no Matulai ondo' sinusub ri Aki Kapuuno'.”

SAGULION 31:17

Paat baal raginio masauk, sumangit Aku risilo. Mangiruan Aku risilo am mapuso ilo. Masuang karaat makalumpa' risilo; am makaliman ilo boo ra ngaangai' no masauk risilo sabap Aku, i Aki Kapuuno' nilo, kalo boo mabaya' risilo.

SAGULION 5:26

Igondo' kia ulun magulayun maayag malupus mokorongog ri Aki Kapuuno' ondo' maayag intor ra apui?

SAGULION 7:1

“Ibiton kau ru Tuhan i Aki Kapuuno' min mongoi ra tana' ondo' ayanin min, am mapagiru' Io ra masuang bansa' intor ra tana' raginio. Paat akau jumalai, mapagiru' Io ra tulu' bansa' ondo' maayo poyo am maikang poyo intor ramuyun: ulun ru Git, Girgasi, Amori, Kanaan, Piris, Giwi am Jibusi.

SAGULION 7:21

Ginio ra pai' kalaa' ra bansa'-bansa' raginio. Tuhan i Aki Kapuuno' min mabaya' ramuyun; Io i Aki Kapuuno' ondo' matulai, am ondo' musiti' kalaanin.

1 TISALONIKA 1:9

Sabap ra ilo galama' mantunung boo ra ati kulaan nangapuan min ramon paat ra akai minongoi ramuyun gili. Mantunung ilo ati kulaan timinalikur kau intor ra sumamba ra sinungkalalaing, am mangandoi boo ri Aki Kapuuno' ondo' maayag am motopot.

IBRANI 10:31

Aibui boo risilo ondo' akimin ri Aki Kapuuno' ondo' maayag no!

JOSUA 11:3

Raja' Jabin niayuk nambilin ra ulun ru Kanaan tampilon ra sirangon am tampilon ra kalasaan ru Sungoi Jordan, am niayuk ra ulun ru Amori, Git, Piris; ra ulun ru Jibusi giu' ra kabuluran am ulun ru Giwi giu' ra lonson toojo ru Gunung Girmon giu' ra libung Mijpa.

JOSUA 12:8

Tana' raginio nakasimpung intok kabuluran, lonson toojo ru bulur tampilon ra kalasaan, Limayak Jordan am lonson toojo ru bulur ra giu' no, pipilon-pipilon ru bulur tampilon ra sirangon am tana' mapua' tampilon ra rabugus. Intok raginio inayanan ru ulun ru Git, Amori, Kanaan, Piris, Giwi am Jibusi ragili.

JOSUA 21:45

Sinugut ru Tuhan moonong bantu' Nano ra ulun ru Israil.

JOSUA 22:31

Indagu i Pinigas anak ru Imam Iliajar risilo, “Raino nakapandai akai ra nabaya' Tuhan ritakau. Kalo giminuor kau Riso. Namayag kau ra ulun ru Israil intor ra ukuman ru Tuhan.”

JOSUA 24:11

Liminaup kau ra Sungoi Jordan am nakasaboi giu' ra bandar Jiriko. Mamagun ru Jiriko nangayou ramuyun; koson niayuk ra ulun ru Amori, Piris, Kanaan, Git, Girgasi, Giwi am Jibusi. Kaa' nanaak Aku ramuyun ra kamanangan risilo ngai'.

JOSUA 3:9

I Josua pana mindagu ra ulun raginio, “Ibok, rongogo' ragu ru Tuhan i Aki Kapuuno' min.

JOSUA 9:1

Tanou ra namanangan ru ulun ru Israil norongog ru ngaangai' raja' ru pagun tampilon ra kalasaan ru Sungoi Jordan: giu' ra kabuluran, giu' ra ragana' ru bulur, am giu' ra igig ru tampilon ra nagas ru Raat Tanga', saboi ra Libanon giu' tampilon ra ralayo. Ilo noyo raja' ru ulun ru Git, Amori, Kanaan, Piris, Giwi am Jibusi.

1 SAMUIL 17:26

Nangkuot i Daut ra saujor ondo' soroi ra mamaar riso, “Atan kia ondo' taakin ra ulun ondo' makapamatoi ra ulun ru Palistin no am mapalabus ra Israil intor ra pagasaban? Makakau' kaga' ulun ru Palistin no, ulun ondo' kalo makaulig ri Aki Kapuuno', manggal ra saujor ri Aki Kapuuno' ondo' naayag!”

1 SAMUIL 26:6

I Daut pana nangkuot boo ri Agimilik ulun ru Git no, am ri Abisai pabukat ri Joab, (ina' nilono iono i Jiruya), “Osoi ondo' baani mumpos ra pangkiman ru Raja' Saul no mabaya' raki'?” Taam i Abisai, “Aku.”