JOSUA 24:6 - Tanou Moonsoi Timugon

⁶ Nagibit Aku ra kinamatuaan min miningkual intor ra Misir. Nangilou ulun ru Misir risilo ra kurita' kuda am saujor nangkuda. Kaa' paat kinamatuaan min nakasaboi ra Raat Galaga,

JOSUA 24:6 Iomraidhean Croise

NIGIMIA 9:11

Linapak Mu raat koson nambaal ra ralan ru ulun Muno mongoi ra sandaup, nangator Kou risilo ra sandaup nansail ra lonor ru raat ondo' mapua'. Ulun ondo' nangilou risilo nolosor giu' ra raat ondo' malandom, koson ilo ra batu ondo' liminosor giu' ra raat ondo' makalalaa'.

MAZMUR 78:13

Linapak No raat am naningganai risilo lumaup; sinauk No timug no koson ra timbok.

KAINGKUALAN 12:37

Ugar noyo ulun ru Israil ra mantana' intor ra bandar Ramsis mongoi ra bandar Sukot. Suang nilo 600,000 ngaulun ungkuyon, kalo nakaaya' ruandu' am lalaing.

KAINGKUALAN 12:51

Paat orou raginio magibit Tuhan ra ngaangai' bansa' ru Israil mingkual intor ra Misir.

MIKA 6:4

Akau inibit Ku miningkual intor ra Misir. Namayag Aku ramuyun intor ra inulipon. Nanusub Aku ri Musa, i Arun, am i Miriam koson maningganai ramuyun.

RINALATAN 7:36

Io ti noyo ondo' nagibit ra bansa' ru Israil miningkual intor ra Misir nabaya' ra kukula' kaimuagan sinauk no giu' ra Raat Malia' am poyo giu' ra tana' kaagisan saboi apat ngoopor ngambilor buoi.

IBRANI 11:29

Sabap ra pangintapatan noyo, ulun ru Israil nakalaup ra Raat Malia' koson mantana' ayuk ra ralan mapua'. Kaa' ulun ru Misir nongolosor ngai' paat ra ilo liminaup siminunu' ra ulun ru Israil.