JOSUA 24:21 - Tanou Moonsoi Timugon

²¹ Taam ulun raginio, “Kalo. Magulayun akai mangandoi ayuk ra Tuhan.”

JOSUA 24:21 Iomraidhean Croise

KAINGKUALAN 19:8

Taam ngaangai' ulun no ra nagagampan, “Baalon mai ngaangai' ondo' rinagu ru Tuhan.” Pabalaa' ri Musa baal ragitio ra Tuhan.

KAINGKUALAN 20:19

Konilo ri Musa, “Amon ru mindagu kou ramon, iningon mai. Kaa' amon ru mindagu i Aki Kapuuno' ramon, matoi akai.”

KAINGKUALAN 24:3

Ugar i Musa am pambala' ra ulun no ra ngaangai' susuban am aturan ru Tuhan. Taam ngaangai' ulun ra nagagampan, “Baalon mai ngaangai' ondo' rinagu ru Tuhan.”

KAINGKUALAN 24:7

Kopongo raginio alapo' ri Musa kitab nabantuan ondo' tinulisan ra susuban ru Tuhan, am ra bolos matangil binasa' no ginio ra ulun raginilo. Konilo, “Gumagaya' akai ra Tuhan am mambaal ra ngaangai' susuban Nano.”

JISAYA 44:5

“Moonong ulun mindagu, ‘Aku ti longgom ru Tuhan.’ Mararatok ilo ra ulun ru Israil. Moonong ulun tulisin nilo longon nano; Longgom ru Tuhan, am niayuk ilo galama' manabit ra inan nilo koson ra ulun ri Aki Kapuuno'.”

SAGULION 26:17

Paat ra orou raiti' nangiou kau ra Tuhan koson i Aki Kapuuno' min. Nambantu' kau noyo koson gumagaya' Riso, am niayuk gumagaya' ra ngaangai' ukum am susuban Nano.

JOSUA 24:20

Amon ru mangiruan kau Riso am mangandoi ayuk ra tuhan-tuhan ru bansa' ru bokon, manggal Io ramuyun am mangukum ramuyun. Mamuso Io ramuyun, kabalu' pana ragili moonsoi Io ramuyun.”

JOSUA 24:22

Indagu i Josua risilo, “Akau masauk ra sasi' min galama' ra akau nampili' ra mangandoi ayuk ra Tuhan.” Taam ilo, “Iou. Masauk akai ra sasi'.”