JOSUA 24:10 - Tanou Moonsoi Timugon

¹⁰ Kaa' kalo nangiou Aku ra kitaak ri Biliam. Kaa' nambarakat io ramuyun; namayag Aku ramuyun intor ra Raja' Balak.

JOSUA 24:10 Iomraidhean Croise

JISAYA 54:17

Kaa' moonong kinandoi mangayou ondo' tinitip koson gumula' rirun, kalo masauk. Ra am moonong panguwan ralalom pangakiman mampainono' kou ra kalo motopot. Pataakon Ku kamanangan koson tangguang ra ulipon-ulipon Kuno.” Ginio noyo ragu ru Tuhan.

MIKA 6:5

Ulun Ku ngai', karaa' noyo atan inatangan ri Balak, raja' ru Moab no ramuyun, am taam ri Biliam anak ri Bior riso. Karaa' noyo kasaukan-kasaukan ondo' nasauk ralalom pangkiralanan intor ra pangkiman giu' ra Sitim saboi ra Gilgal. Karaa' noyo baal-baal raginio, am akau pana makaliman ra atan ondo' binaal Kuno koson mamayag ramuyun.”

UNTABAN 22:35

Kaa' indagu malaikat ru Tuhan, “Ongoi no mabaya' ra ngaangai' ulun ti, kaa' raguo' ayuk atan ondo' panusuban kuno raguon mu.” Ginio ra rinayus i Biliam pangkiralanan nano nabaya' ra ngaangai' ulun no.

SAGULION 23:5

Kaa' Tuhan i Aki Kapuuno' min kalo masaga' rumongog ri Biliam. Kaa' nangulau Io ra ulas no nasauk ra barakat, sabap ra motogom Io ramuyun.

JOSUA 24:11

Liminaup kau ra Sungoi Jordan am nakasaboi giu' ra bandar Jiriko. Mamagun ru Jiriko nangayou ramuyun; koson niayuk ra ulun ru Amori, Piris, Kanaan, Git, Girgasi, Giwi am Jibusi. Kaa' nanaak Aku ramuyun ra kamanangan risilo ngai'.