JOSUA 23:9 - Tanou Moonsoi Timugon

⁹ Napagiru' Tuhan ra bansa' mangaayo am mangaikang paat akau timinula' risilo; kalo igondo' sangulun pana nakaanggal ramuyun.

JOSUA 23:9 Iomraidhean Croise

1 RAJA'-RAJA' 21:26

Nambaal Raja' Agab ra tula ondo' malaat kaga', sabap ra siminamba io ra sinungkalalaing koson ra binaal ru ulun ru Amori, ondo' pinagiru' ru Tuhan paat ra ulun ru Israil nangayan ra tana' ti ragili.)

2 TUNUNG RU BANSA' ISRAIL 20:7

Okou no i Aki Kapuuno' mai. Paat ra ulun Muno Israil minanding ra pagun ti, pinagiru' Mu bansa' ondo' minayan ragiti am nangani' ra tana' ti ra papag ri Abragam, rangan Muno, koson masauk ra tungkuson nilo ra sabubuoi no.

KAINGKUALAN 23:23

Sumigulu malaikat Kuno ramuyun am niayuk magibit ramuyun mongoi ra pagun ru ulun ru Amori, Git, Piris, Kanaan, Giwi am Jibusi; pusoon Ku ilo.

KAINGKUALAN 23:30

Pagiruon Ku ilo ra taganakon saboi sama' suang min mayan ra tana' no.

RINALATAN 7:45

Kopongo ragili kinamatuaan takali nangapu ra Kim ti am inibit nilo paat ra ilo minaya' ri Josua minongoi pampagaau ra pagun takau ti. Ioginio paat ri Aki Kapuuno' nampagiru' ra bansa' ru bokon ondo' nongompong risilo. Kim i siminoroi ra giu' i saboi ra paat ru raja' Daut.

SAGULION 11:23

Pagiruon No boo ngaangai' bansa' no paat akau jumalai, am mayan kau ra tana' ra linonggom ru bansa' ondo' mangaayo poyo am mangaikang poyo intor ramuyun.

SAGULION 7:24

Mapataak Io ra raja' nilono ramuyun. Potoyon min ilo, am lilianin ilo ru ulun. Kolondo' sangulun pana makapanginga' ramuyun; mamuso kau ra moonong ulun.

JOSUA 1:5

Okou Josua, kolondo' sangulun pana makapangala rirun buoi ra okou maayag. Mabaya' Aku rirun koson Aku nabaya' ri Musa. Magail Aku mabaya' rirun, am kalo toojo mangiruan rirun.

JOSUA 15:14

Pinagiru' ri Kalib papag ri Inak, iono bansa' Sisai, Agiman am Talmai miningkual intor ra bandar no.

JOSUA 23:5

Tuhan i Aki Kapuuno' min mangkinibit risilo lumugut am magiru' intor ramuyun paat aku mangayou risilo. Maalap min tana' nilo koson ondo' binantu' ru Tuhan i Aki Kapuuno' min.

JOSUA 23:8

Kaa' gagaya' no ra Tuhan koson akau giminagaya' noyo Riso saboi raino.

JOSUA 24:18

Paat itakau namulunsar ra pagun ragitio, Tuhan napagiru' ra ngaangai' ulun ru Amori ondo' minayan ragiti. Ginio ra, akai niayuk mangandoi ayuk ra Tuhan; Io noyo i Aki Kapuuno' takau.”