JOSUA 23:7 - Tanou Moonsoi Timugon

⁷ Koson raginio noyo kalo makalatok kau ra bansa' ondo' lakat poyo soroi ra gino ngai' min; kalo manabit kau ra inggalan ru dewa-dewa nilo am kalo mamakai ra inggalan raginio ra magibot; kalo sumambayang kau kapoam sumamba ra dewa-dewa no.

JOSUA 23:7 Iomraidhean Croise

2 RAJA'-RAJA' 17:12

am kalo giminagaya' ra Tuhan ondo' nanginggalar risilo sumamba ra sinungkalalaing.

2 RAJA'-RAJA' 5:18

Malansan aku maa' raginio Tuhan no mangampun raki' paat ra aku mamaya' ra raja' mongoi sambayang giu' ra kuil Rimon, dewa ru pagun ru Siria. Gama' ru mangampun Tuhan no raki'!”

2 TUNUNG RU BANSA' ISRAIL 7:19

Kaa' amon ru okou am mamagun muno kalo gumagaya' ra ukum am susuban ondo' tinaakan Ku noyo ramuyun, am sumamba ra tuhan-tuhan ra bokon,

MAZMUR 16:4

Ulun ondo' sumamba ra dewa-dewa rumuang kapaganan nilono. Kalo maya' aku mapatutui ra taak simbalui; kalo masaga' aku sumamba ra dewa nilono.

KAINGKUALAN 20:5

Pai' samba ra sinungkalalaing ru atan pana, sabap ra Aku noyo Tuhan i Aki Kapuuno' min, am kalo masaga' Aku pogondoon ra atan pana. Ukumin Ku ulun masisang Raki'. Ukumin Ku niayuk papag nilo polos ra papag ra katalu am kaapat.

KAINGKUALAN 23:13

“Iningo' noyo ngaangai' bala' ondo' pinasaboi ru Aku, Tuhan ramuyun. Pai' pakiasi' ra tuhan-tuhan ra bokon; am mulu' poyo ra pai' noyo sabito' inggalan ru tuhan-tuhan no.”

KAINGKUALAN 23:33

Pai' min paayano' ilo ra pagun min, maa' raginio kalo sumamba kau ra tuhan-tuhan nilono am makatula Raki'. Amon ru sumamba kau ra tuhan-tuhan nilono, makasubo kau ra landak ru kapatayan.”

AMSAL 4:14

Pai' bayaa' ralan ru ulun malaat, am pai' tiluo' binaal nilono.

JIRIMIA 12:16

Amon ru totopot guang nilo masaga' mangapu ra ugama ru ulun Kuno am magibot ra mindagu, ‘Ralalom inggalan ru Tuhan ondo' maayag,’ – koson mangila' ilo ra ulun Kuno magibot ralalom inggalan ru Baal ragili – ilo no pana makasimpung ra ulun Kuno am masauk ra moonsoi.

JIRIMIA 5:7

Indagu Tuhan, “Kua kia musiti' Aku mangampun ra tula ru ulun Kuno? Nangiruan ilo Raki' am sumamba ra tuhan ondo' kalo motopot. Aniin Ku ulun Kuno ra akanon saboi ilo maasug, kaa' nansawa' ilo am minongoi ra baloi ru ulun mantalan ra inan.

GOSIA 2:17

Paat raginio mambaal Aku ra nabantuan ra ngaangai' bibiag masigo am susuit, maa' raginio kalo rualin nilo ulun Kuno. Patirin Ku ngaangai' kinandoi ru pamulunsaran intor ra pagun no, ngaangai' ilang am busur, maa' raginio ulun Kuno maayag ra kaansayan.

JIPANYA 1:5

Pusoon Ku osoi ayuk ondo' magaloi ra taap koson sumamba ra mato ru orou, sila' am butitin-butitin. Pusoon Ku niayuk ulun ondo' sumamba Raki' am magibot ra gumagaya' Raki', kaa' niayuk magibot ralalom inggalan ru Dewa Milkom.

UNTABAN 32:38

Nibo, Baal-Mion (inggalan ragitio kinulau noyo) am Sibam. Ininggalanan bagu nilo bandar-bandar ondo' binaal saguli' no.

UNTABAN 33:55

Kaa' amon ru kalo pagiruon min mamagun ru tana' raginio, ulun ondo' minayan ra giu' no mantipagon ramuyun koson ra tipolon ralalom ru mato mino am ruui ra tiagang mino. Ilo pana manggal ramuyun.

1 KORINTUS 15:33

Pai' kau karuung ru ulun. Pangkubayawan ra malaat mampakalaat ra paliso moonsoi.

IPISUS 5:11

Pai' pagibaya' ra sauk ru kalandaman ondo' kolondo' ampos moonsoi. Kaa' pabalaa' noyo baal koson raginio.

SAGULION 10:20

Urumato' noyo Tuhan i Aki Kapuuno' min am sambayang Riso ayuk. Gagaya' noyo Riso am pagibot noyo ralalom ru inggalan Nano ayuk.

SAGULION 6:13

Urumato' noyo Tuhan i Aki Kapuuno' min am samba Riso ayuk am baalo' noyo bantu' min ralalom ru inggalan Nano ayuk.

SAGULION 6:14

Pai' samba ra tuhan-tuhan ra bokon, kapoam tuhan ru ati pana ondo' sambaan ru bansa'-bansa' ondo' minayan ra liliut min.

JOSUA 23:12

Amon ru kalo gumagaya' kau, am kumubayau kau ra ngaangai' bansa' ondo' lakat poyo soroi ra tatanga' min, am naguguot kau risilo,

JOSUA 23:8

Kaa' gagaya' no ra Tuhan koson akau giminagaya' noyo Riso saboi raino.