JOSUA 23:13 - Tanou Moonsoi Timugon

¹³ maaru' Tuhan i Aki Kapuuno' min kalo napagiru' ra bansa'-bansa' raginio paat akau nangayou risilo. Bansa'-bansa' raginio makalalaa' kaga' ramuyun sabap ra masauk ilo koson ra pamalandak kapoam koson pangambi' ramuyun. Mangkinibit ilo niayuk ramuyun maimbolo' kaga' sabap ra masauk ilo koson ra pitol lalapos ra bakulung min, kapoam koson ra ruui ralalom ru mato min. Marayus kau maimbolo' saboi kolondo' sangulun pana mayan ra tana' ragitio ondo' tinaakan ru Tuhan ramuyun.

JOSUA 23:13 Iomraidhean Croise

1 RAJA'-RAJA' 11:4

saboi ra ilo nakasugut nanusuk riso sumamba ra tuhan-tuhan ra bokon paat ra Raja' Salomo matutuo noyo. Raja' Daut, ama' ru Raja' Salomo gumagaya' ra Tuhan, i Aki Kapuuno' nano, kaa' Raja' Salomo kalo nogondo' koson ra ama' nali.

2 RAJA'-RAJA' 17:18

Siminangit Tuhan ra ulun ru Israil saboi pinatiran ilo intor ra tana' ondo' tinaakan Nali risilo; ondo' soroi ayuk am pamarintaan ru Jiuda.

2 RAJA'-RAJA' 17:20

Inimpayan ru Tuhan ngaangai' ulun ru Israil. Nangukum Io risilo am pinataak ra pantula' ondo' malaat, saboi pupus no pinatiran No ilo intor ra tana' ondo' tinaakan Nano risilo.

2 RAJA'-RAJA' 25:21

giu' ra wilayah Gamat. Giu' no inimbolo' ilo am tauli no inukum ra matoi. Koon raginio noyo mamagun ru Jiuda rinakop intor ra tana' nilo am pinatiran ra pagun.

2 RAJA'-RAJA' 25:26

Kopongo raginio ngaangai' ulun ru Jiuda, ondo' langkaya' am niayuk musikin, nababaya' ra pagawai-pagawai ru saujor, nangiruan ra intok no am nagiru' ra Misir sabap ra malaa' ilo ra ulun ru Babilonia.

MAZMUR 69:22

Bulintok ra aku maitilan, pasulungon nilo tuuwo paakanin raki'; bulintok ra aku paason pasulungon nilo suka' painumin raki'.

KAINGKUALAN 10:7

Indagu pagawai no ra raja', “Kula' poyo buoi ru ulun no mantipagon ritakau? Polosoon noyo ulun ru Israil no mugar maa' raginio makasambayang ilo ra Tuhan i Aki Kapuuno' nilo. Ilai' noyo, jajajou ayuk boo pagun takau ti!”

KAINGKUALAN 23:33

Pai' min paayano' ilo ra pagun min, maa' raginio kalo sumamba kau ra tuhan-tuhan nilono am makatula Raki'. Amon ru sumamba kau ra tuhan-tuhan nilono, makasubo kau ra landak ru kapatayan.”

KAINGKUALAN 34:12

Pai' pambaal ra nabantuan ra ulun giu' ra pagun ayanan mino, sabap ra baal raginio masauk ra pamalandak ondo' mangkinibit ra kapusaan min.

KAINGKUALAN 34:16

Anak ungkuyon mino maaru' maguot ra anak ruandu' nilono, ondo' mangkinibit ra anak ungkuyon mino kalo boo gumagaya' Raki', am sumamba ra tuhan ra bokon.

YEHEZKIEL 28:24

Indagu Tuhan, “Ngaangai' pagun ra paginggaar ondo' igondo' nagasab ra Israil kalo boo nasauk ra ruui kapoam bulungkut makaruui ondo' mampakaruol ra Israil. Makapandai ilo boo ra Aku noyo Tuhan Raja'.”

UNTABAN 33:55

Kaa' amon ru kalo pagiruon min mamagun ru tana' raginio, ulun ondo' minayan ra giu' no mantipagon ramuyun koson ra tipolon ralalom ru mato mino am ruui ra tiagang mino. Ilo pana manggal ramuyun.

LUKAS 21:24

Mokoondo' ulun potoyon ra ilang, am mokoondo' poyo ibiton am uliponon ra ati ayuk pagun ra bokon; am bandar Jirusalim kikinjangin ru bansa' ondo' kalo makaulig ri Aki Kapuuno' saboi paat ra inaru' no risilo maukop.”

SAGULION 29:28

Sangit ru Tuhan no moporos kaga' saboi bubulon No ulun ru Israil intor ra pagun nilo, am patirin ilo ra tana' ru bansa' ru bokon saboi ra orou raiti'.’

SAGULION 30:18

maaru' pusoon kau. Umur min kalo maawar giu' ra tana' ra sandaup ru Sungoi Jordan, ondo' kalo boo mabuoi am ayanin min. Karaa' noyo! Mapakara' aku toojo ramuyun ra orou raiti' ra intok ragitio.

SAGULION 4:26

Paat ra orou raiti' manusub aku ra limbowon am tana' ti masauk ra sasi' ramuyun ra amon kalo gumagaya' kau raki', mataki' kau maliom intor ra tana' ti. Kalo mabuoi akau mayan giu' ra tana' ra sandaup ru Sungoi Jordan, ondo' mataki' min ayanin. Mapuso kau kalingon.

SAGULION 7:16

Pusoo' noyo ngaangai' bansa' ondo' pataakon ru Tuhan i Aki Kapuuno' min ralalom ru kuasa' min, am pai' pakaasi' risilo. Pai' samba ra tuhan-tuhan nilo, sabap binaal raginio makaratong ra karaat.

2 TIMOTIUS 2:26

Koson raginio boo makatutun am makalabus ilo intor ra kuasa' ru tingganai ru riwato no, ondo' namparakop am nampajajal risilo mambaal ra kasagaan nano.

TINGGANAI RU BANSA' 2:21

Ginio ra raino kalo boo pagiruon Ku bansa' ra ati pana ondo' lakat poyo minayan ra pagun ti paat i Josua minatoi.