JOSUA 22:9 - Tanou Moonsoi Timugon

⁹ Ginio ra ulun intor ra bansa' ru Rubin, Gad am Manasi Sirangon minuli'. Iniruanan nilo ulun ru Israil ra bokon giu' ra Silo, giu' ra tana' ru Kanaan, am minongoi ilo ra Giliad, giu' ra tana' longgom nilo galama', ondo' inapu nilo sumugut ra susuban ru Tuhan ondo' pinabala' galing ri Musa.

JOSUA 22:9 Iomraidhean Croise

2 SAMUIL 2:9

Giu' no, pinili' ri Abnir i Isbosit nasauk ra raja' tampilon ra Giliad, Asyir, Jijriil, Ipraim am Binjamin, am poyo ra titikop ru Israil.

1 TUNUNG RU BANSA' ISRAIL 5:9

Mokoondo' ilo ra masuang kaga' bibiag tinambiag giu' ra libung Giliad. Ginio ra minayan ilo ra tana' giu' ra tampilon sirangon saboi ra tana' kaagisan, ondo' malimparang saboi ra Sungoi Iprat.

MAZMUR 60:7

Bayago' akai no ra kuasa' Muno; iowo' noyo pakiasian mai, maa' raginio ulun ondo' tagamin Muno maayag.

UNTABAN 32:1

Bansa' ru Rubin am bansa' ru Gad mokoondo' ra masuang bibiag tinambiag. Paat ilo nakakito ra mapara' bonsoi ru tana' Jaijir am Giliad ra intok panambiagan,

UNTABAN 32:20

Taam i Musa, “Amon ru totopot kau manugut ra bantu' mino, tampos kano koson mangayou ra tayar ru Tuhan.

UNTABAN 32:22

am magaau tana' no. Mopongo raginio makauli' kau, sabap ra sinugut min noyo pinalansanan ramuyun ra Tuhan am ra gino ngai' bansa' min ulun ru Israil. Ginio ra mangiou Tuhan ra tana' tampilon ra sirangon ru Sungoi Jordan ti akau tatangan.

UNTABAN 32:26

Anak andu' maino am niayuk sapi' am domba maino paayanon ragiti, ra bandar-bandar Giliad ti.

UNTABAN 32:29

“Amon ru ulun ru Gad am ulun ru Rubin sumandaup ra Sungoi Jordan am nakatampos mangayou sabap ra susuban ru Tuhan, am amon ru mabaya' ra indangan nilo, makasugut kau mampagaau ra tana' no, taaki' noyo risilo tana' Giliad koson ra tungkuson nilo.

SAGULION 3:18

Paat raginio niayuk nanusub aku risilo, ‘Tuhan i Aki Kapuuno' takau nanaak noyo ritakau ra tana' tampilon ra sirangon ru Sungoi Jordan koson masauk ra intok ayanan min. Raino ukapi' noyo saujor mino ra kinandoi mangayou, am susubo' ilo mongoi ra sandaup ru Sungoi Jordan, maa' raginio sumigulu ilo ra bansa' ru Israil ra bokon koson mangindangan risilo mayan ra tana' raginio.

SAGULION 3:20

Pangindangan noyo ra gino ngai' ulun ru Israil saboi mayan ilo ra tana' ondo' tinaakan ru Tuhan risilo giu' ra tampilon kalasaan ru Sungoi Jordan, am saboi mangiou Tuhan risilo mayan ra giu' ra mamimio, koson ra ondo' binaal Nano ramuyun. Mopongo ginio bagu no iowon kau muli' ra tana' ondo' tinaakan kuno ramuyun.’

SAGULION 34:1

Iruani' boo ri Musa tana' marata' ru Moab am pagaloi ra Gunung Nibo, mongoi ra tampak ru Gunung Pisga tampilon ra sirangon ru bandar Jiriko. Giu' no nanulu' Tuhan ra titikop ru tana' no riso: wilayah Giliad saboi ra bandar Dan giu' ra ralayo;

JOSUA 13:11

nakasimpung niayuk libung Giliad, libung giu' ra liliut ru Gisur am Maakga, titikop intok ru Gunung Girmon am titikop libung ru Basan saboi ra Salka.

JOSUA 13:25

Wilayah nilo nakasimpung Jaijir, ngaangai' bandar Giliad, sampiruo intor ra tana' Amon saboi ra Aroir giu' ra tampilon sirangon Raba.

JOSUA 13:31

Intok nilo niayuk nakasimpung sampiruo ra libung Giliad nakaaya' Asytarot am Idrii, ruo pusor ru bandar pamarintaan Raja' Og giu' ra libung Basan. Titikop intok raginio tinaakan ra sampiruo intor ra sasambaloi ru papag ri Makgir anak ri Manasi.

JOSUA 22:10

Paat ra bansa' ru Rubin, Gad am Manasi Sirangon nakasaboi giu' ra Gililot, paat ra lakat poyo giu' ra tampilon kalasaan ru Sungoi Jordan, nambaal ilo rondo' altar ondo' maayo am moonsoi kaga' giu' ra igig ru sungoi no.

TINGGANAI RU BANSA' 20:1

Ngaangai' ulun ru Israil intor ra Dan ra tampilon ralayo, saboi ra Birsyiba ra tampilon rabugus, am niayuk intor ra Giliad ra tampilon sirangon, naninong ra piau no. Timinimung ilo koson santimungan ulun ra saang ru Tuhan ra Mijpa.

TINGGANAI RU BANSA' 5:17

Bansa' ru Gad minayan giu' ra tampilon sirangon ru Sungoi Jordan, bansa' ru Dan minayan mamaar ra kapal-kapal. Bansa' ru Asyir minayan giu' ra gawar ru nagas; nagulayun ilo minayan ra giu' no.