JOSUA 22:6 - Tanou Moonsoi Timugon

^6-8 I Josua nambarakat risilo am napaugar risilo ra ragu ragitio, “Raino langkaya' kau am minuli' kau nagibit ra masuang bibiag tinambiag, pirok, mas, gangsa', basi' am bayang. Tatayaro' noyo kuliamos ginaau ondo' inalap min intor ra pantula', ra gino ngai' min.” Kopongo raginio minuli' ilo. Tinaakan ri Musa tana' giu' ra tampilon sirangon ru Sungoi Jordan ra sampiruo intor ra bansa' ru Manasi, am tinaakan ri Josua tana' tampilon ra kalasaan ru Sungoi Jordan ra sampiruo poyo bansa' ru Manasi, nabaya' ra bansa'-bansa' ra bokon.

JOSUA 22:6 Iomraidhean Croise

KASAUKAN 14:19

Nambarakat io ri Abram, kono, “Gama' ru i Aki Kapuuno' Ondo' Masawat Kaga' no, ondo' napasauk ra limbowon am tana' ti mambarakat ri Abram!

KASAUKAN 47:10

Anii' ri Jakub raja' no ra barakat pantuliaran am ugar.

KASAUKAN 47:7

Pauligo' niayuk ri Jusup ama' nano ra raja'. Pambarakat i Jakub ra raja',

2 SAMUIL 6:18

Kopongo Raja' Daut napataak ra taak simbalui, barakato' no mamagun ru Israil ralalom inggalan ru Tuhan Ondo' Maayo Kaga' Kuasa',

2 SAMUIL 6:19

am nantayar ra akanon risilo ngaangai'. Nangani' io ra rondo' ruti', sangkinis kual pinanggang, am kismis ra moonong ungkuyon am ruandu' giu' ra Israil. Kopongo raginio uli' ilo ra baloi ru sigagama'.

2 SAMUIL 6:20

Kopongo raginio, paat ra Raja' Daut nakauli' koson mamujak ra sasambaloi nano, tuum i Mikgal riso. Kon ri Mikgal, “Paat ra orou raiti' totopot raja' ru Israil nambaal ra inan nano urumaton kaga'! Nagibabaang raja' koson ra ulun sasambungon ondo' kalo mapandai mauyu' ra saang ru ulipon-ulipon ruandu' ru pagawai-pagawai istana!”

1 RAJA'-RAJA' 8:66

Paat ra orou kabalu', Raja' Salomo nanusub ra ngaangai' ru ulun no muli'. Minuli' ilo ra naansukan, liliwa' mongompor ra raja' ra tayar ru ngaangai' barakat ondo' tinaakan ru Tuhan ra Raja' Daut, ulipon Nano, am ngaangai' ru ulun Nano Israil.

2 TUNUNG RU BANSA' ISRAIL 30:18

Suai raginio, masuang niayuk ulun intor ra bansa' ru Ipraim, Manasi, Isakar am Jibulon ondo' kalo poyo namasau ra inan. Ginio sabap ra ilo nangiantak ra Paska ra kalo nabaya' ngai' ondo' inaru'. Kopongo raginio pakiasi' Raja' Gijkia ra tayar nilo,

KAINGKUALAN 39:43

Inilayan ri Musa ngaangai' no, am ilai' no ra binaal nilo totopot koson ra nanusuban ru Tuhan. Ginio ra barakato' ilo ri Musa.

LUKAS 2:34

Barakati' ilo ri Simion am indagu io ri Maria, ina' ru lalagang no, “Anak ragitio pinili' noyo ri Aki Kapuuno' koson mangukum am niayuk mamayag ra masuang ulun ru Israil. Masauk Io ra tatandu' intor ri Aki Kapuuno' kaa' masuang poyo manggal Riso.

LUKAS 24:50

Kopongo ragili ibito' ilo ri Jisus mongoi ra lisar ru bandar mamaar sumaboi ra pamagunan Bitania. Pakasuku' ra giu' i, kakato' No kalindu' Nali am pambarakat risilo.

JOSUA 14:13

I Josua nambarakat ri Kalib anak ri Jipuni am nanaak riso ra bandar Gibron koson longgom nano.

JOSUA 24:28

Kopongo raginio nanusub i Josua ra ulun raginio muli', am sigagama' minuli' giu' ra wilayah galama'.

1 SAMUIL 10:25

Kopongo raginio nambala' i Samuil intor ra katapatan am kandoi ru raja', am tulisi' no ra rondo' buuk. Binulian no buuk no ra rondo' intok ondo' mapasau. Kopongo raginio sinusub ri Samuil ulun-ulun no minuli' ra baloi ru sigagama'.

1 SAMUIL 13:2

nampili' io ra talu ngaribu ngaulun ru Israil; intor ru suang ragitio, ruo ngaribu ngaulun minayan simpung riso giu' ra Mikmas am giu' ra kabuluran ru Bitil. Suang saribu ngaulun ra bokon minongoi nababaya' ri Jonatan, anak ungkuyon nano giu' ra Gibia, giu' ra wilayah ru bansa' ru Binjamin. Ulun ra suwo no sinusub ru Raja' Saul minuli' ra baloi ru sigagama'.

1 SAMUIL 2:20

Barakato' boo ri Ili no i Ilkana am andu' nano, am niayuk mindagu ri Ilkana, “Gama' ru Tuhan no manaak rirun ra anak ra bokon intor ra andu' muno ragitio, koson suali ru anak ondo' pinataak min noyo ra Tuhan.” Kopongo raginio minuli' ilo ra Rama.