JOSUA 22:5 - Tanou Moonsoi Timugon

⁵ Tutuno' noyo ra akau giminagaya' ra ukum ondo' tinaakan ri Musa: Tagami' noyo Tuhan i Aki Kapuuno' min, baalo' noyo kasagaan Nano, gagayaa' parinta Nano, gagaya' no Riso, am pangandoi ayuk Riso ra sototopot ru guang am salibuor.”

JOSUA 22:5 Iomraidhean Croise

MAZMUR 106:3

Pakaansuk noyo ulun ondo' mambaal ra matimpok, ondo' masalok mambaal ra motopot.

MAZMUR 78:7

Koson raginio malansan ilo ri Aki Kapuuno', am kalo mampalilian ra binaal Nali, kaa' masalok gumagaya' ra panusuban Nano.

KAINGKUALAN 15:26

Indagu Io, “Amon ru totopot kau gumagaya' Raki', Tuhan i Aki Kapuuno' mino, am mambaal ra ngaangai' atan ondo' motopot ra pagilayan Kuno, am niayuk sumugut ra ngaangai' susuban Kuno, kalo mangukum Aku ramuyun ra maruol ondo' pinatiu' Kuno ra ulun ru Misir. Aku noyo Tuhan ondo' mamabas ramuyun.”

KAINGKUALAN 20:6

Kaa' mapakito Aku ra togom Ku ra riribu papag ru ulun ondo' motogom Raki' am gumagaya' ra ukum Kuno.

KAINGKUALAN 23:13

“Iningo' noyo ngaangai' bala' ondo' pinasaboi ru Aku, Tuhan ramuyun. Pai' pakiasi' ra tuhan-tuhan ra bokon; am mulu' poyo ra pai' noyo sabito' inggalan ru tuhan-tuhan no.”

KAINGKUALAN 23:25

Amon ru sumamba kau Raki', Tuhan i Aki Kapuuno' min, mambarakat Aku ramuyun ra akanon am inumon, am mamuso ra ngaangai' maruol mino.

AMSAL 4:23

Totomolo' noyo atan karaan mino, sabap ra pangkaraan mino mangatang ra kaayagan mino.

JISAYA 55:2

Atan pakuan manimpulus ra ruit amon kolondo' pakuan, am atan pakuan mangandoi amon kalo makaasug Gagayaa' noyo panusuban Kutu, am mangakan kau ra moonsoi, am makaakan ra pasulungon ra mangaamis.

JIRIMIA 12:16

Amon ru totopot guang nilo masaga' mangapu ra ugama ru ulun Kuno am magibot ra mindagu, ‘Ralalom inggalan ru Tuhan ondo' maayag,’ – koson mangila' ilo ra ulun Kuno magibot ralalom inggalan ru Baal ragili – ilo no pana makasimpung ra ulun Kuno am masauk ra moonsoi.

MATIUS 22:37

Taam i Jisus, “ ‘Tagami' noyo i Aki Kapuuno' Tuhan muno ra totopot ru guang, kaayagan am pangkaraan muno.’

MATIUS 4:10

Taam i Jisus, “Pagiru' no, okou Tingganai ru riwato. Mokoondo' tinulisan ra Buuk Kitab, ‘Sambaa' ayuk Tuhan, i Aki Kapuuno' muno, am pangandoi kou ayuk Riso!’ ”

MATIUS 6:24

“Kolondo' sangulun pana ulipon makapangandoi ra ruo tuan: sangulun kasisangin no am sangulun tagamin no; kapoam gumagaya' io ra sangulun am magasab ra bokon no. Koson niayuk ramuyun ra kalo makapangandoi ri Aki Kapuuno' magampan ra kalangkayaan.

JUANIS 12:26

Osoi ayuk mangandoi Raki' musiti' io maya' Raki', maa' raginio ati ayuk angayan Kuno, soroi mangangandoi Kuno. I Ama' Kuno mangurumat ra osoi ayuk ondo' mangandoi Raki'.”

JUANIS 14:15

“Amon ru motogom kau Raki', suguton min panusuban Kuno.

RINALATAN 11:23

Paat ra io nakasaboi ra giu' i, nakakito io ra ati kulaan i Aki Kapuuno' nambarakat ra ulun ra giu' no am naansukan io. Panusub io risilo gumagaya' toojo ra Tuhan.

RINALATAN 27:23

Sabap ra mokoondo' malaikat minatong raki' ra rondom i. Sinusub io ri Aki Kapuuno' ondo' sambaan kuno am ondo' masalok sumimpung raki'.

ROMA 1:9

I Aki Kapuuno' noyo sasi' ra atan ondo' raguon kutu motopot. Io no i Aki Kapuuno' ondo' pangandayan kuno ra sotopot-topot ru guang ra mampasaboi ra Tanou Moonsoi intor ra Anak Nano. Moonong ra aku makiasi' karaan takamin am makitaak ri Aki Kapuuno' ra poongoyon No aku ramuyun maya' ra kasagaan Nano.

ROMA 12:9

Tagami' noyo ulun bokon ra totopot ru guang min. Kasisangi' min baal ra malaat am rayuso' min mambaal ra moonsoi.

ROMA 8:28

Mapandayan takau ra ralalom ru ngaangai' baal manangampos i Aki Kapuuno' ra moonsoi risilo ondo' motogom Riso am ondo' piniau Nano maya' ra inatangan Nano galama'.

SAGULION 10:20

Urumato' noyo Tuhan i Aki Kapuuno' min am sambayang Riso ayuk. Gagaya' noyo Riso am pagibot noyo ralalom ru inggalan Nano ayuk.

SAGULION 11:1

“Tagami' noyo Tuhan i Aki Kapuuno' min am magail gumagaya' ra ngaangai' ukum Nano.

SAGULION 11:13

“Ginio ra gagayaa' noyo ukum ondo' taakin kuno ramuyun ra orou raiti'. Tagami' noyo Tuhan i Aki Kapuuno' min am pangandoi noyo Riso ra sotopot ru salibuor.

SAGULION 11:22

“Gagayaa' noyo toojo ngaangai' ukum ondo' tinaakan kuno ramuyun: Tagami' noyo Tuhan i Aki Kapuuno' min, baalo' noyo ngaangai' ondo' nanusuban Nano am gagaya' noyo Riso.

SAGULION 13:4

Baya' noyo ra Tuhan am urumato' noyo Io. Gagayaa' noyo Io am suguto' noyo susuban Riso; samba noyo Riso am mintopot Riso.

SAGULION 4:29

Giu' no ra tauli no maguyum kau ra Tuhan i Aki Kapuuno' min, am amon maguyum kau Riso ra sotopot-topot ru guang, makatuum kau Riso.

SAGULION 4:4

kaa' akau ondo' magulayun giminagaya' ra Tuhan i Aki Kapuuno' min lakat poyo naayag saboi orou raiti'.

SAGULION 4:6

Gagayaa' noyo ukum no ra matanda'. Koson raginio, kapintaran min makito toojo ra ulun ra bokon. Paat akau nokorongog ra ngaangai' ukum no, mindagu kau, ‘Mapara' kinapintar am kinatanda' ru bansa' ondo' maayo no!’

SAGULION 4:9

Pagilalain! Tutunon ra buoi akau maayag, kalo noyo toojo malilianan min baal ondo' nakito min noyo ra mato min galama'. Balai' noyo anak akupu mino

SAGULION 5:10

Kaa' pakitonon Ku togom Kuno ra riribu papag ondo' motogom Raki', am ondo' gumagaya' ra ukum Kuno.

SAGULION 6:17

Tutuno' noyo maa' raginio gumagaya' kau ra ngaangai' ukum ondo' tinaakan Nano ramuyun.

IBRANI 12:15

Ilalai' noyo ra kolondo' sangulun pana tumalikur ra kataawan ri Aki Kapuuno', maa' raginio kolondo' sangulun pana mantipagon ra bokon mogondo' ra tutuu' makatuwo ondo' makaanit ra ulun.

JAKUBUS 1:12

Pakaansuk noyo ulun ondo' tumaan paat ra io makatiu' ra pangkinaman. Sabap ra amon ru magula' no ra io kinamin, makaapu io ra ampos no, ioginio, kaayagan ondo' binantu' ri Aki Kapuuno' ra ulun ondo' motogom Riso.

JAKUBUS 2:5

Pabukat kau ngai' ondo' tagamin ku, karaa' min gitio! Ulun musikin giti ra tana' ti, pinili' noyo ri Aki Kapuuno' sumauk ra langkaya' ru pangintapatan. Makaliman ilo ra pamarintaan ri Aki Kapuuno', sumugut ra atan ondo' binantu' Nali ra ulun ondo' motogom Riso.

JOSUA 23:8

Kaa' gagaya' no ra Tuhan koson akau giminagaya' noyo Riso saboi raino.

PINAINTALANG 15:3

Narimbai ilo ra rimbai ru nabi Musa, ulipon ri Aki Kapuuno' no, ondo' mongompor ra Anak Domba no, “Tuhan, i Aki Kapuuno' Maayo Kaga' Kuasa', mumpara' boo gayo am bonsoi ru binaal Muno! Raja' ru ngaangai' bansa', mumpara' boo banis am topot ru binaal Muno!

1 SAMUIL 12:20

Taam i Samuil, “Pai' kau kalaa'! Kabalu' pana ra nambaal kano ra baal ondo' malaat, pai' talikuri' Tuhan. Pangandoi kano ayuk toojo Riso ra sototopot ru guang mino.

1 SAMUIL 12:24

Gagaya' kano ra Tuhan am pangandoi ayuk toojo Riso am ra sototopot ru guang mino. Karaa' noyo baal maayo ondo' binaal Nano ramuyun.

1 SAMUIL 7:3

Indagu i Samuil ra ulun ru Israil, “Amon ru masaga' kau sumaguli' ra Tuhan am sumamba Riso ra sototopot ru guang min, patiri' noyo ngaangai' dewa ru bansa' ru bokon no am sinungkalalaing Dewi Asyitorit. Pataako' min noyo inan mino lingono' ra Tuhan am pangandoi kano Riso ayuk. Bagu no mapalabus Io ramuyun intor ra kuasa' ru ulun ru Palistin.”