JOSUA 22:18 - Tanou Moonsoi Timugon

¹⁸ Masaga' kau kia mangiruan ra Tuhan raino? Amon ru orou raiti' gumuor kau Riso, susuab no sumangit Io ra moonong ulun ru Israil.

JOSUA 22:18 Iomraidhean Croise

2 SAMUIL 24:1

Siminangit poyo Tuhan ra ulun ru Israil, am nanusub Io ra Raja' Daut koson mamparatong ra kapaganan ra ulun raginio. Indagu Tuhan ra Raja' Daut, “Paugaro' manguntob ra mamagun ru Israil am Jiuda.”

1 RAJA'-RAJA' 9:6

Kaa' amon ru okou kapoam papag muno kalo boo maya' Raki', am kalo gumagaya' ra ukum am susuban ondo' tinaakan Kuno rirun, am sumamba kou ra tuhan-tuhan ra bokon,

2 RAJA'-RAJA' 17:21

Kopongo Tuhan nampatuliar ra Israil intor ra Jiuda, linantik ru ulun ru Israil i Jirobiam anak ri Nibat nasauk ra raja' nilo. Nangkinibit ilo ra Raja' Jirobiam nangiruan ra Tuhan am nambaal ra tula-tula ra maayo.

1 TUNUNG RU BANSA' ISRAIL 21:1

Masaga' Tingganai ru riwato mantipagon ra ulun ru Israil; ginio boo ra inambi' no Raja' Daut maa' raginio manguntob ra mamagun ru Israil.

1 TUNUNG RU BANSA' ISRAIL 21:14

Ginio ra pinaratong ru Tuhan maruol tumapik ra ulun ru Israil saboi 70,000 ngaulun intor risilo minatoi.

2 TUNUNG RU BANSA' ISRAIL 25:27

Intor ra Raja' Amajia giminuor ra Tuhan, naguguum ulun manggal riso giu' ra Jirusalim. Pupus no, nagiru' io ra bandar Lakgis, kaa' pantula' nano nangilou riso am namatoi riso.

2 TUNUNG RU BANSA' ISRAIL 34:33

Pinuso ru Raja' Josia ngaangai' sinungkalalaing ondo' majamol, ondo' soroi giu' ra titikop wilayah ru ulun ru Israil. Io pana nanusub boo ra mamagun nano musiti' sumambayang ra Tuhan, i Aki Kapuuno' ru kinamatuaan nilo. Ginio ra buoi ru Raja' Josia naayag, narayus ilo giminagaya' ra Tuhan.

IMAMAT 10:6

Kopongo raginio indagu i Musa ri Arun am anak-anak nano, i Iliajar am i Itamar, “Pai' polosoo' masasung abuk mino, am pai' rilako' bayang mino koson tatandu' ra mangulir. Amon ru baalon min ginio, matoi kau am sumangit Tuhan ra ngaangai' ulun ti. Kaa' ngaangai' ulun ru Israil ra bokon no makapangulir ra pinatayan nilo ruo; minatoi ilo sabap natiu' ra apui ondo' pinatuun ru Tuhan.

UNTABAN 16:22

Kaa' kubu i Musa am i Arun am indagu, “Iou Aki Kapuuno', Okou noyo puun ru kaayagan ra ngaangai' ondo' maayag. Amon ru sangulun ayuk makatula, sumangit Kou kia ra ngaangai' ulun?”

UNTABAN 32:15

Amon ru akau, bansa' ru Rubin am bansa' ru Gad kalo gumagaya' ra Tuhan raino, igondo' poyo Tuhan mangiruan ra ulun ru Israil ra tana' kaagisan ti, am akau noyo nangkinibit ra kapusaan nilono.”

SAGULION 7:4

sabap mapainggalur ilo ra anak-anak min intor ra Tuhan, saboi anak-anak min sumamba ra tuhan-tuhan ra bokon. Amon baal ragitio masauk, sumangit Tuhan ramuyun am pulaliin kau pusoo'.

JOSUA 22:15

Nakasaboi ilo ra libung Giliad am minuma' ra bansa' ru Rubin, Gad am Manasi Sirangon.

JOSUA 22:16

Tayar ra bala ru ngaangai' ulun ru Tuhan, indagu ilo, “Kua kia pambaal kau ra baal ondo' malaat ti ri Aki Kapuuno' ru ulun ru Israil? Binaal altar raginio, giminuor kau ra Tuhan! Kalo boo maya' kau Riso!

JOSUA 22:20

Karaa' noyo atan koson i Akgan anak ri Jirag minanggal ra susuban pasal ra kuliamos ondo' musiti' pusoon. Kinibit no, ngaangai' ulun ru Israil inukum; sala' ka ayuk i Akgan sangulun ondo' minatoi sabap ra tula nali.”

JOSUA 7:1

Ragu ru Tuhan ondo' manginggalar ra ulun ru Israil mangalap ra atan pana intor ra bandar Jiriko ondo' sotopot no pusoon, kalo ginagaya'. Sangulun ondo' makainggalan ri Akgan anak ri Karmi minanggal ra susuban no. Ginio ra siminangit Tuhan ra ulun ru Israil. (Akgan anak ri Karmi am akupu ri Jabdi; intor io ra bansa' ru Jirag, santayaran intor ra bansa' ru Jiuda.)

JOSUA 7:11

Makatula noyo ulun ru Israil! Liminungkang ilo ra nabantuan ondo' pinaguutan Kuno risilo. Nangalap ilo ra santayaran kuliamos ondo' pusoon sotopot no. Nantakou ilo ra kuliamos-kuliamos am pagabau poyo. Binulian nilo pabayaa' ra kuliamos nilo galama'.

JOSUA 7:21

Kakito ku rondo' sukub ondo' moonsoi binaal ru Babilonia, pirok ra bagat no maar ruo ngakilogram, am santaun mas ondo' bagat no satanga kilogram intor ra ngaangai' kuliamos ginaau no. Malaai aku kaga' ra kuliamos raginio saboi inalap ku. Kuliamos raginio natanom ra tana' giu' ralalom ru kim kuno; pirok no nakaralalom toojo.”

1 SAMUIL 12:14

Pakaansuk kano amon ru mangurumat kau ra Tuhan, mangandoi ayuk Riso, am rumongog am niayuk gumagaya' ra susuban Nano, am amon ru akau am niayuk raja' mino gumagaya' toojo ra Tuhan i Aki Kapuuno' mino.

1 SAMUIL 12:20

Taam i Samuil, “Pai' kau kalaa'! Kabalu' pana ra nambaal kano ra baal ondo' malaat, pai' talikuri' Tuhan. Pangandoi kano ayuk toojo Riso ra sototopot ru guang mino.