JOSUA 22:16 - Tanou Moonsoi Timugon

¹⁶ Tayar ra bala ru ngaangai' ulun ru Tuhan, indagu ilo, “Kua kia pambaal kau ra baal ondo' malaat ti ri Aki Kapuuno' ru ulun ru Israil? Binaal altar raginio, giminuor kau ra Tuhan! Kalo boo maya' kau Riso!

JOSUA 22:16 Iomraidhean Croise

IJRA 8:22

Manangguang aku makitaak ra pulalai mangkuda intor ra raja' koson magalung ramon intor ra pamulunsaran ru pantula' ralalom ru pangkiralanan. Binaal ku koon raginio sabap ra mambala' aku ra raja' ra i Aki Kapuuno' takau nambarakat ra moonong ulun ondo' lumansan Riso, kaa' sumangit Io am mangukum ra osoi pana ondo' kalo gumagaya' Riso.

IMAMAT 17:8

Paat sangulun Israil kapoam sangulun bansa' ru bokon ondo' minayan ra popolos ru ulun ru Israil mapataak ra taak simbalui koson mapabansuk ra guang ru Tuhan, kapoam taak simbalui ra bokon

UNTABAN 32:15

Amon ru akau, bansa' ru Rubin am bansa' ru Gad kalo gumagaya' ra Tuhan raino, igondo' poyo Tuhan mangiruan ra ulun ru Israil ra tana' kaagisan ti, am akau noyo nangkinibit ra kapusaan nilono.”

SAGULION 12:11

Mampili' Tuhan ra rondo' intok ondo' masauk ra intok sumambayang Riso. Giu' no akau musiti' magibit ra ngaangai' ondo' nanusuban kuno: taak simbalui koson mapabansuk ra guang ru Tuhan am taak simbalui ra bokon, sampiopor am taak ra bokon, am taak ra luntukon ondo' binantu' min ra Tuhan.

JOSUA 22:11

Ulun ru Israil ra bokon binalaan ra baal raginio, “Ulun intor ra bansa' ru Rubin, Gad am Manasi Sirangon nambaal noyo ra altar giu' ra Gililot maar ra Sungoi Jordan, tampilon ra wilayah takau!”

JOSUA 22:15

Nakasaboi ilo ra libung Giliad am minuma' ra bansa' ru Rubin, Gad am Manasi Sirangon.

1 SAMUIL 15:11

“Pansagulian aku nampili' ri Saul nasauk ra raja'. Tinalikuran no Aku am kalo boo gumagaya' ra susuban Kuno.” Siminangit i Samuil, am nosorondom io nakimasi' ra Tuhan.