JOSUA 2:16 - Tanou Moonsoi Timugon

¹⁶ Indagu i Ragab, “Ongoi no ra intok kabuluran maa' raginio kalo matuum kau ru ulun-ulun sinusub ru raja' no. Pansibuni kau ra giu' no buoi talu ngoorou saboi ulun-ulun sinusub no sumaguli'. Rayusi' min boo pangkiralanan min.”

JOSUA 2:16 Iomraidhean Croise

MAZMUR 11:1

Ra tingganai ru santimungan maririmbai. Mazmur ri Daut. Malansan aku ra Tuhan noyo manindung raki'. Kolondo' noyo onong ra mindagu raki', “Pansiab no koson ra susuit mongoi ra gunung,

JAKUBUS 2:25

Koson niayuk i Ragab ragili, sangulun ruandu' mantatalan ra inan. Inapu io ri Aki Kapuuno' sabap ra binaal moonsoi nali. Nambuni io giu' ra baloi nali kukula' ngaulun ru Jaudi ondo' minongoi pansigo i, am nanulu' io poyo risilo ra ralan pagiruan.

JOSUA 2:15

Baloi ri Ragab binaal ra timbok ru bandar. Ginio ra pinatuun no ulun-ulun pansigo no namakai ra tali ra liwar ru timbok mansail ra gigimpalan.

JOSUA 2:22

Ulun-ulun pansigo no minongoi giu' ra kabuluran am nansibuni ra giu' no. Naguyum ulun-ulun sinusub ru raja' no risilo ra titikop intok liwar ru bandar buoi talu ngoorou, kaa' kalo natuum nilo. Ginio ra siminaguli' ulun sinusub no ra bandar Jiriko.

1 SAMUIL 23:14

Nansibuni i Daut giu' ra intok-intok panindungan giu' ra kabuluran, giu' ra tana' kaagisan Jiip. Masalok io ilolowon ru Raja' Saul, kaa' Tuhan kalo napataak riso ra Raja' Saul.