JOSUA 2:14 - Tanou Moonsoi Timugon

¹⁴ Indagu ulun-ulun pansigo no riso, “Polosoon noyo i Aki Kapuuno' mamatoi ramon amon ru kalo suguton mai bantu' maiti. Amon ru kalo mambala' kou ra ulun intor ramon, mambantu' akai ra paat manaak Tuhan ramon ra pagun ti ra maagu no, moonsoi pamakuan mai ramuyun.”

JOSUA 2:14 Iomraidhean Croise

KASAUKAN 24:49

Raino, amon ru nakatampos kano manugut ra baalon maatang mino ra tuan kuno am moonsoi pamakuan min riso, pambala' kano raki', kaa' amon ru kalo, pambala' kau niayuk maa' raginio makapandai aku ra atan baalon kuno.”

KASAUKAN 47:29

Paat ra mamaar noyo io matoi, piawo' no anak nano i Jusup am indagu riso, “Poompoyo' kalindu' muno ra lolot ru karuruo puun ru paa kutu, am pagibot noyo ra kalo mompolobong kou raki' ra pagun ru Misir ti.

2 SAMUIL 2:5

nangator Raja' Daut ra ulun sinusub ra giu' no nabaya' ra bilin, “Gama' ru Tuhan no mambarakat ramuyun sabap ra napakito ra gagaya' min ra raja' mino ra linobong baangkai nano.

2 SAMUIL 2:6

Ginio ra, gama' ru Tuhan niayuk mapakito ra togom am gagaya' Nano ramuyun. Moonsoi pamakuan kuno ramuyun sabap ra binaal mino.

2 SAMUIL 9:1

Paat ra sangarawan pangkuot Raja' Daut, “Mokoondo' kia osoi-osoi intor ra sasambaloi ru Raja' Saul ondo' lakat poyo maayag? Amon ru mokoondo', masaga' aku makibonsoi riso sabap ri Jonatan.”

1 RAJA'-RAJA' 20:39

Paat ra raja' sumail, pampiau nabi no riso am indagu, “Raja' kuno, paat ra aku mangayou, mokoondo' ulun nagibit ra sangulun rinakop raki'. Kon ru ulun no, ‘Ilai' ulun ti! Amon ru magiru' io, musiti' kou mambayar riso ra painawo muno, kapoam tagion ra suang talu ngaribu ngampila' ruit pirok.’

AMSAL 14:22

Ulun ondo' mambaal ra moonsoi maintopot am urumaton, kaa' ulun ondo' mambaal ra malaat mambaal ra kasalaan.

AMSAL 18:24

Mokoondo' rangan ra kalo gumagaya', mokoondo' niayuk rangan ra moonsoi toojo ka pongkotob.

MATIUS 5:7

Pakaansuk noyo ulun ondo' maluoi makaasi' ra ulun ra bokon, sabap ra i Aki Kapuuno' niayuk makaasi' risilo.

RINALATAN 23:22

Indagu tingganai maayo ru saujor no, “Pai' pambala' ra osoi ayuk pana ra ondo' pinabala' muno raki' ra raitii' ni.” Susubo' no boo tuu'-bagu i muli'.

JOSUA 2:13

Bantuo' noyo raki' ra bayagon min matuo kuno am pabukat kuno ra ungkuyon am ruandu', am niayuk ngaangai' sasambaloi nilo. Pai' polosoo' akai potoyon!”

JOSUA 2:15

Baloi ri Ragab binaal ra timbok ru bandar. Ginio ra pinatuun no ulun-ulun pansigo no namakai ra tali ra liwar ru timbok mansail ra gigimpalan.

JOSUA 6:17

Bandar no am ngaangai' ra giu' no musiti' pusoon lingono' koson taak ra Tuhan. I Ragab ayuk am sasambaloi nano ondo' bayagon, sabap pinasibuni no ulun pansigo takau.

JOSUA 6:22

Indagu i Josua ra ruo ngaulun ondo' ragili nangandoi koson ulun pansigo, “Ongoi noyo ra baloi ru mantalan ra inan no, am ibito' io am sasambaloi nano mingkual koson ondo' binantu' min riso.”

JOSUA 6:25

Kaa' binayag ri Josua i Ragab, ruandu' mantalan ra inan no am ngaangai' sasambaloi nano sabap binuni no ruo ngaulun pansigo ondo' sinusub ri Josua minongoi ra bandar Jiriko. (Papag ri Ragab minayan ra pagun ru Israil saboi ra orou raiti'.)

1 SAMUIL 20:8

Makiindangan aku rirun sabap ra naigot tano ru nabantuan ra saang ru Tuhan. Kaa' amon ru aku makasala, potoyo' aku no, kaa' pai' aku pataako' ra ama' muno.”