JOSUA 2:12 - Tanou Moonsoi Timugon

¹² Raino pagibot no ralalom inggalan ru Tuhan ra moonsoi pamakuan min ra sasambaloi kuno koson ra moonsoi pamakuan kuno ramuyun. Anii' aku ra rondo' tatandu' ra maintopot maa' raginio mangintopot aku ramuyun.

JOSUA 2:12 Iomraidhean Croise

KASAUKAN 21:23

Ginio ra pagibot no ragiti ra saang ri Aki Kapuuno' ra kalo mamparuung kou raki', anak-anak kuno kapoam papag kuno. Koson raki' minonsoi rirun, koonsoi niayuk raki' am tana' inayanan muti.”

KASAUKAN 24:3

Pagiboton tokou ralalom inggalan ru Tuhan i Aki Kapuuno' ondo' manguasa' ra limbowon am tana' ti, ra kalo tambiliin mu anak ungkuyon kutu ra andu' intor ra ruandu' ru libung Kanaan ti.

KASAUKAN 24:9

Poompoyo' boo ru ulipon no kalindu' nano ra lolot ru karuruo puun ru paa ri Abragam tuan nano, am pagibot io ra suguton no atan ayuk kitaakon ri Abragam.

KASAUKAN 40:14

Kaa' karaa' aku paat ra okou moonsoi noyo. Posoboyo' tunung intor raki' ra raja' no am indangano' aku mingkual intor ra pangaputan ti.

2 TUNUNG RU BANSA' ISRAIL 36:13

Raja' Jidikia giminuor ra Raja' Nibukadnijar, ondo' nampajajal riso nagibot ralalom inggalan ri Aki Kapuuno' ra gumagaya' io ra Raja' Nibukadnijar. Raja' Jidikia bambalingatan am marara' tumalikur intor ra tula am niayuk sumaguli' ra Tuhan, i Aki Kapuuno' ru Israil.

ESTER 8:6

Ati kulaan lair ru aku tumaan magilong ra karaat ondo' masauk ra bansa' kuno, am magilong ra pabukat-pabukat kuno potoyon?”

KAINGKUALAN 12:13

Raraa' ra lugu' ru kulobon ru baloi masauk ra tatandu' tayar intok inayanan min. Makito Ku raraa' no, sumail Aku ramuyun, am kalo mangukum ramuyun paat ra Aku mangukum ra ulun ru Misir.

JIRIMIA 12:16

Amon ru totopot guang nilo masaga' mangapu ra ugama ru ulun Kuno am magibot ra mindagu, ‘Ralalom inggalan ru Tuhan ondo' maayag,’ – koson mangila' ilo ra ulun Kuno magibot ralalom inggalan ru Baal ragili – ilo no pana makasimpung ra ulun Kuno am masauk ra moonsoi.

MARKUS 14:44

Ulun nampataak Riso nambaal kalalair ra rondo' tatandu' risilo: “Ulun ondo' umaan am alakin kuno, Io ginio. Rokopo' am ibito' min Io am alungi' toojo,” kono risilo.

ROMA 1:31

jajajou ilo, lumungkang ilo am kalo makaasi' ra ulun bokon.

1 TIMOTIUS 5:8

Kaa' osoi ayuk kalo magalung ra pabukat nano, mulu' poyo pinongkotob nano galama', ulun ragitio karaan ra nagali' noyo ra pangintapatan am mulu' poyo malaat io ka ulun ondo' kalo mangintopot ri Kristus.

JAKUBUS 2:13

Sabap ra kalo noyo makaasi' i Aki Kapuuno' ra ulun ondo' kalo makaasi' ra ulun bokon. Kaa' ilo ondo' makaasi' ra bokon, asi' ri Aki Kapuuno' risilo no mauli' poyo intor ra ukum Nano.

JOSUA 2:13

Bantuo' noyo raki' ra bayagon min matuo kuno am pabukat kuno ra ungkuyon am ruandu', am niayuk ngaangai' sasambaloi nilo. Pai' polosoo' akai potoyon!”

JOSUA 2:18

Baalo' noyo baal ragitio. Paat bulunsaron mai pagun min, pobongkoso' tali malia' ti ra gigimpalan ru intok napatuunan muno ramon. Timungo' noyo ina' ama' muno, pabukat-pabukat muno am ngaangai' pabukat ru ama' muno ra baloi mutu.

JOSUA 2:19

Osoi intor risilo ondo' mingkual intor ra baloi ti, patayan nano sala' ka akai ra sala, ginio kasalaan nano galama'. Kaa' amon ru sasangulun ondo' soroi ra baloi mutu mapilatan, akai noyo ondo' mansaan ra kinibit no.

JOSUA 6:22

Indagu i Josua ra ruo ngaulun ondo' ragili nangandoi koson ulun pansigo, “Ongoi noyo ra baloi ru mantalan ra inan no, am ibito' io am sasambaloi nano mingkual koson ondo' binantu' min riso.”

JOSUA 9:15

Nakimabantu' i Josua ra nabantuan pabansayan ra ngaangai' ulun ru Gibion no am nambantu' ra kalo mamatoi risilo. Nagibot ulun ru Israil koson mampaguut ra nabantuan no.

TINGGANAI RU BANSA' 1:24

nakauma' ra sangulun ungkuyon ondo' minatong intor ra bandar no. Konilo riso, “Tului' akai ra ralan mumpos ra bandar ti, am moonsoi pamakuan mai ramuyun.”

1 SAMUIL 30:15

Pangkuot i Daut riso, “Masaga' kou kia magibit ramon ra intok ru ulun raginilo?” Taam io, “Masaga' aku. Kaa' musiti' kou magibot ralalom inggalan ri Aki Kapuuno' ra kalo mamatoi kou raki' kapoam mapataak raki' ra tuan kuli.”