JOSUA 2:10 - Tanou Moonsoi Timugon

¹⁰ Nokorongog akai ra kinapua' ru Tuhan Raat Galaga giu' ra saang min paat akau nangiruan ra Misir. Nokorongog akai niayuk ra namatoi kau ra Raja' Sigon am Raja' Og, ruo ngaulun raja' ru bansa' ru Amori tampilon ra sirangon ru Sungoi Jordan.

JOSUA 2:10 Iomraidhean Croise

MAZMUR 74:15

Baalon Mu taur am sungoi tumilis; kinapua' Mu sungoi ra mangaayo.

UNTABAN 20:14

Panusub boo i Musa ra ulun-ulun sinusub intor ra Kadis mongoi uma' ra raja' Idom. Indagu ulun-ulun sinusub no, “Akai ngaangai' intor ra bansa'-bansa' ru Israil ondo' lakat poyo makapabukatan rirun. Nakapandai kou ra kapaganan ondo' nakalumpa' ramon.

UNTABAN 23:22

Naningganai i Aki Kapuuno' risilo miningkual intor ra Misir, Nangayou i Aki Kapuuno' ra tayar nilo koson ra sapi' masigo.

UNTABAN 24:8

Nagibit i Aki Kapuuno' risilo miningkual intor ra Misir; Nangayou Io ra tayar risilo koson ra sapi' masigo. Namuso ilo ra pantula', nomopol ra bungul nilo, am namandak ra panah nilo.

SAGULION 2:30

Kaa' kalo nangiou Raja' Sigon ritakau nansail ra pagun nano. Ginio ra Tuhan i Aki Kapuuno' nangkinibit ra Raja' Sigon bambalingatan am mingkotog manggal ritakau, maa' raginio makapangala takau riso am mampagaau ra wilayah nano, ondo' inayanan takau saboi raino.

JOSUA 24:12

Paat ra akau namulunsar risilo, jinajou Ku ilo koson napagiru' ra ruo ngaulun raja' ru Amori no. Ilang am panah mino kalo napamanang ramuyun.

JOSUA 4:24

Ra sauk raginio, ngaangai' ulun ru tana' makapandai ra mapara' gayo ru kuasa' ru Tuhan. Ginio ra mangurumat kau ra Tuhan i Aki Kapuuno' min ra sabuoi-buoi no.”

JOSUA 5:1

Ngaangai' raja' ru ulun ru Amori tampilon ra kalasaan ru Sungoi Jordan am ngaangai' raja' ru ulun ru Kanaan ra sisil ru nagas Raat Tanga' nokorongog ra kinapua' ru Tuhan Sungoi Jordan saboi ulun ru Israil nakalaup. Raja'-raja' no nalaa' am malawo guang sabap ra ulun ru Israil.

JOSUA 9:10

am atan ondo' binaal Nano ra ruo ngaulun raja' ru Amori tampilon ra sirangon ru Sungoi Jordan: Raja' Sigon namarinta ra Gisybon am Raja' Og namarinta ra Basan ondo' minayan giu' ra Asytarot.