JOSUA 2:1 - Tanou Moonsoi Timugon

¹ I Josua pana nangator ra ruo ngaulun pansigo intor ra pangkiman giu' ra Sitim mongoi ra Kanaan. Sinusub ilo maa' raginio lumiput ra tana' ru Kanaan koson mangintutun ra sinokon, mulu' poyo toojo bandar Jiriko. Pakasaboi ilo ra bandar no, minayan ilo ra sangulun ruandu' mantalan ra inan inggalan no i Ragab.

JOSUA 2:1 Iomraidhean Croise

KASAUKAN 42:16

Sangulun intor ramuyun musiti' mongoi pangalap riso. Bokon-bokon no aputon saboi atan rinagu mini motopot toojo. Amon ru kalo motopot, magibot aku ralalom inggalan ru raja' ra mansisigo kau.”

KASAUKAN 42:9

Kakara' boo ri Jusup inupi nali risilo, am indagu io boo, “Akau ti mansisigo. Minatong kau ragiti mongoi pangintutun ra kalawaan ru pagun maiti.”

MIKA 6:5

Ulun Ku ngai', karaa' noyo atan inatangan ri Balak, raja' ru Moab no ramuyun, am taam ri Biliam anak ri Bior riso. Karaa' noyo kasaukan-kasaukan ondo' nasauk ralalom pangkiralanan intor ra pangkiman giu' ra Sitim saboi ra Gilgal. Karaa' noyo baal-baal raginio, am akau pana makaliman ra atan ondo' binaal Kuno koson mamayag ramuyun.”

UNTABAN 13:1

Indagu Tuhan ri Musa,

UNTABAN 13:2

“Pilio' sangulun ra popolos ru tingganai intor ra moonong bansa' ru Israil, am susubo' ilo mansigo ra tana' ru Kanaan ondo' masaga' Kuno pataakon ra ulun ru Israil.”

UNTABAN 25:1

Paat ra ulun ru Israil nangkim giu' ra Limayak Sitim, bala ru ungkuyon nilono tumalimpuun makimarulug ra ruandu' ru Moab ondo' minayan ra giu' no.

MATIUS 1:5

i Salmon ama' ri Boas; (ina' nali i Ragab); i Boas ama' ri Obid (ina' nali i Rut); i Obid ama' ri Isai;

MATIUS 10:16

“Karaa' min! Susubon takamin koson ra domba giu' ra tatanga' ru taani. Akau musiti' no mapintar koson ra kukuo am moonsoi guang koson ra susuit asang.

IPISUS 5:5

Karaa' min gitio: osoi ayuk makapaliso ra makauyuyu', malaat, kapoam mangangkum (gitio mogondo' ayuk koson sumamba ra sinungkalalaing), ulun koson raginilo kalo makaliman ra pamarintaan ri Kristus am i Aki Kapuuno'.

IBRANI 11:31

Sabap ra pangintapatan noyo, i Ragab, ondo' ragili nantalan ra inan nali, kalo minatoi nabaya' ra mamagun ru bandar Jiriko ondo' kalo giminagaya' ri Aki Kapuuno', sabap ra nangapu io ra ulun ru Israil ondo' minongoi pansigo ra bandar i.

JAKUBUS 2:25

Koson niayuk i Ragab ragili, sangulun ruandu' mantatalan ra inan. Inapu io ri Aki Kapuuno' sabap ra binaal moonsoi nali. Nambuni io giu' ra baloi nali kukula' ngaulun ru Jaudi ondo' minongoi pansigo i, am nanulu' io poyo risilo ra ralan pagiruan.

JOSUA 1:18

Moonong ulun ondo' marara' kumuku' ra kuasa' muno kapoam kalo gumagaya' rondo' ra susuban muno ukumin ra matoi. Musiti' kou mangintopot am baani!”

JOSUA 2:2

Binalaan raja' ru Jiriko ra kukula' ngaulun ru Israil minatong rondom raginio koson mansigo ra pagun nano.

JOSUA 21:31

Gilkat am Rigob nabaya' ra padang sakot no.

JOSUA 3:1

Tawang ra suabon no, kiminarat mataki' i Josua am ngaangai' ulun ru Israil. Nangiruan ilo ra pangkiman giu' ra Sitim, am ongoi ra Sungoi Jordan. Nangkim ilo ra giu' no liliwa' naginaa koson lumaup ra sungoi no.

JOSUA 5:10

Paat ra ulun ru Israil nangkim giu' ra Gilgal giu' ra tana' marata' maar ra bandar Jiriko, nangiantak ilo ra Paska paat ra palunggai', paat orou koopor am apat sila' raginio.

TINGGANAI RU BANSA' 18:14

Kopongo raginio limo ngaulun ondo' nansigo ra pagun giu' ra liliut ru Lais mindagu ra rangan-rangan nilo, “Nakapandai kau kia ra ralalom ru rondo' ra baloi ti mokoondo' rondo' sinungkalalaing intor ra tataun ondo' inangkupan ra pirok? Mokoondo' niayuk kukula' sinungkalalaing ra bokon am rondo' efod. Kinami' karaa' atan ondo' musiti' baalon takau.”

TINGGANAI RU BANSA' 18:17

Kalimo-limo ngaulun pansigo no narayus minumpos ra baloi, am nangalap ra sinungkalalaing intor ra tataun ondo' inangkupan ra pirok no, sinungkalalaing ra bokon am efod. Tatanga' ungkuyon mamulok ru Liwi no migor nababaya' ra onom ngaatus ngaulun saujor no giu' ra kulobon garabang.

TINGGANAI RU BANSA' 18:2

Ginio ra nampili' bansa' ru Dan ra limo ngaulun ondo' baani ra ngaangai' ru bansa' ralalom bansa' nilono ondo' minayan giu' ra Jora am Isytaol, am nangani' risilo ra kandoi koson mansigo ra pagun no. Ngaangai' ulun pinili' no minugar, am nakasaboi ra kabuluran Ipraim. Giu' no minayan ilo ra baloi ri Mika.