JOSUA 18:16 - Tanou Moonsoi Timugon

¹⁶ Balitan raginio tumuun ra lonson toojo ru gunung ondo' nantaluma' ra Limayak Ginom, giu' ra pompor ru tampilon ralayo ru Limayak Ripaim. Balitan no pana mongoi ra rabugus mansail ra Limayak Ginom saboi ra tana' mangasawat giu' ra rabugus ra tana' ru ulun ru Jibusi, am mongoi ra taur ru timug In-Rogil.

JOSUA 18:16 Iomraidhean Croise

2 SAMUIL 17:17

Liliwa' raginio i Jonatan anak ri Abiatar am i Agimaas anak ri Jadok tatanga' maginaa mamaar ra taur ru timug In-Rogil, giu' ra kiing ru bandar Jirusalim. Kalo baani ilo mumpos ra bandar sabap ra malaa' ilain ru ulun. Koson ra kaindalaman, makaalap ilo ra tanou intor ra sangulun ulipon ruandu' ondo' mampasaboi ra tanou ondo' musiti' pabalaan ra Raja' Daut.

2 SAMUIL 5:18

Nakasaboi ulun ru Palistin giu' ra Limayak Ripaim am ayan ra giu' no.

1 RAJA'-RAJA' 1:9

Paat ra sangarawan nampataak i Adonia ra taak simbalui domba, sapi' gawayan, am anak ru sapi' ondo' molomok. Ngaangai' ru taak simbalui no pinataak giu' ra Batu Kukuo, mamaar ra taur ru timug In-Rogil. Nampiau i Adonia ra anak-anak ungkuyon ru Raja' Daut ra bokon no, am pagawai-pagawai ru raja' intor ra Jiuda mongoi ra bunsag no,

2 RAJA'-RAJA' 23:10

Nampajamol niayuk Raja' Josia ra Topit, intok sambaan ra dewa giu' ra Limayak Ginom, maa' raginio kolondo' osoi pana makapapataak ra anak nano koson ra taak simbalui ondo' solobon ra Dewa Molok.

1 TUNUNG RU BANSA' ISRAIL 14:9

Ulun ru Palistin nakasaboi giu' ra Limayak Ripaim am tumalimpuun mantakou.

2 TUNUNG RU BANSA' ISRAIL 28:3

Nonolob io ra kaminyan giu' ra Limayak Ginom, am poyo nampataak ra anak-anak ungkuyon nano galama' koson ra taak simbalui ondo' solobon ra sinungkalalaing. Minaya' io ra binaal malaat ru bansa' ondo' pinagiru' ru Tuhan paat ra ulun ru Israil siminubol ra pagun no.

2 TUNUNG RU BANSA' ISRAIL 33:6

Pinataak no anak-anak ungkuyon nano giu' ra Limayak Ginom koson ra taak simbalui ondo' solobon. Nangimaya' io ra kapandayan mangilong am sihir, nampiau io ra ulun-ulun mangilong am babalian. Raja' Manasi makatula' toojo ra Tuhan am napasingkual ra sangit Nano.

JISAYA 30:33

Intor poyo ra galing i tinampos noyo apui ra maayo koson monolob ra raja' ru Asyur. Intok no malandom am mapila' am niayuk makasuang ra luton ondo' pariuntur. Tuhan monolob ra luton no mamakai ra angin ru paminawo Nano.

JIRIMIA 19:11

Musiti' aku mambala' risilo ra gitio noyo ragu ru Tuhan Ondo' Maayo Kaga' Kuasa', “Tutukon Ku bansa' am bandar ti saboi masauk koson ra rarapu' ondo' nopoto no am kalo boo mapuna'. Lobongon ru ulun baangkai am poyo giu' ra Topit, sabap ra kolondo' boo intok ra bokon.

JIRIMIA 19:2

koson mababaya' mongoi ra Limayak Ginom mansail ra Kulobon Garabang Poto ru Rarapu'. Musiti' ku potonowon tanou Nano giu' ra intok raginio.

JIRIMIA 19:6

Ginio sabap ra masaboi paat no intok ragitio kalo boo sabiton ra Topit kapoam Limayak Ginom, kaa' Limayak Pamatayan.

JIRIMIA 32:35

Nambaal ilo ra altar-altar ra Baal giu' ra Limayak Ginom, am nampataak ra anak-anak nilo ra Dewa Molok. Sotopot no, kalo igondo' Aku nanusub risilo mambaal raginio, am poyo kalo igondo' tabual ralalom ru pangkaraan Kuno ra baalon nilo baal malaat raginio am nangkinibit ra ulun ru Jiuda makatula.”

JOSUA 15:63

Kaa' bansa' ru Jiuda kalo nakapapagiru' ra ulun ru Jibusi ondo' minayan giu' ra Jirusalim. Ulun ru Jibusi lakat poyo minayan ra giu' no nabaya' ra bansa' ru Jiuda.

JOSUA 18:28

Jila, Ilip, Jibus (kapoam Jirusalim), Gibia am Kiryat-Jiarim; ngaangai' no mopor am apat bandar nabaya' ra pekan giu' ra liput no. Ginio noyo tana' ondo' inapu koson ra longgom ru sasambaloi ralalom ru bansa' ru Binjamin.

TINGGANAI RU BANSA' 1:21

Kaa' bansa' ru Binjamin kalo nakasugut napagiru' ra ulun ru Jibusi intor ra Jirusalim. Ginio sabap ra lakat poyo minayan ulun ru Jibusi nabaya' ra ulun ru Binjamin.

TINGGANAI RU BANSA' 1:8

Namulunsar ulun ru Jiuda ra Jirusalim, am nampagaau am nonolob ra bandar no, am niayuk namatoi ra mamagun nano.

TINGGANAI RU BANSA' 19:10

Kaa' kalo boo masaga' ulun ru Liwi no mayan. Ugar io am ruandu' parulug nano, nabaya' ra ulipon nano am ruo ngainan kaladai ondo' makapalana. Paat lumondom galing noyo, nakasaboi ilo maar ra Jibus (iono Jirusalim). Ginio ra indagu ulipon nano riso, “Tuan, uog takau am pombolong ra bandar ru ulun ru Jibusi ti.”