JOSUA 17:11 - Tanou Moonsoi Timugon

¹¹ Ralalom ru wilayah Isakar am Asyir, bansa' ru Manasi tatangan ra bandar Bit-Sian am Jibliam nabaya' ra ngaangai' pekan ra liliut nano, nakaaya' niayuk bandar Dor (ondo' igig ru nagas), Indor, Taanak, Migido am bandar-bandar giu' ra liliut no.

JOSUA 17:11 Iomraidhean Croise

2 SAMUIL 21:12

Raja' Daut minongoi pangalap ra bungul-bungul ru Raja' Saul am anak ungkuyon nano i Jonatan, intor ra mamagun ru bandar Jabis giu' ra Giliad. (Mamagun ru Jabis nantakou ra bungul-bungul no intor ra padang ru bandar giu' ra Bit-San, intok napatairan ru ulun ru Palistin ra baangkai-baangkai no paat ra orou ilo namatoi ra Raja' Saul giu' ra Gunung Gilboa.)

1 RAJA'-RAJA' 9:15

Raja' Salomo namakai ra kuli' koson mambaal ra Baloi ru Tuhan am istana ru raja', am koson mamumpun ra tana' giu' ra tampilon sirangon ru bandar, am niayuk mambaal ra timbok ru bandar. Io niayuk namakai ra kuli' koson mambaal saguli' ra bandar Gajor, Migido am Gijir. (

2 RAJA'-RAJA' 9:27

Nakakito Raja' Agajia ra atan ondo' nasauk no. Ginio ra pagiru' io ra kurita' kuda nano minongoi ra tampilon ru bandar Bit-Gagan. Nangilou Raja' Jigu ra Raja' Agajia. “Potoyo' raja' raginio niayuk!” nanusub Raja' Jigu ra ulun nano. Namanah ilo ra Raja' Agajia ra io tatanga' nagiru' ra kurita' kuda nano ralalom pangkiralanan mongoi ra Gur, mamaar ra bandar Jibliam. Kaa' Raja' Agajia nakapagiru' saboi ra Migido am patoi ra giu' no.

1 TUNUNG RU BANSA' ISRAIL 6:70

Giu' ra wilayah ru bansa' ru Manasi Kalasaan, nangapu ilo ra bandar Anir am Biliam nabaya' ra padang sakot giu' ra liliut ru bandar.

1 TUNUNG RU BANSA' ISRAIL 7:29

Papag ri Manasi nanguasa' ra bandar Bit-Sian, Taanak, Migido am Dor am niayuk pekan-pekan giu' ra liliut ru bandar. Ngaangai' ru intok raginio noyo intok inayanan ru papag ri Jusup anak ri Jakub.

2 TUNUNG RU BANSA' ISRAIL 35:22

Kaa' Raja' Josia jajajal koson mongoi pangayou. Kalo linio no ragu ri Aki Kapuuno' ondo' rinagu ru Raja' Niko. Siminalu Raja' Josia am nangayou giu' ra tana' marata' ru Migido.

MAZMUR 83:10

Ondo' poyo pamakuan Muno ra ulun ru Midian, am Sisira am niayuk Jabin giu' ra sungoi ru Kisyon, ginio niayuk pamakuan Muno risilo.

JIRIMIA 49:2

Kaa' masaboi paat no ra Aku mangkinibit ra mamagun ru bandar maayo Raba mokorongog ra bolos ru pangayawan, am bandar no mokoloso masauk ra malunsai. Pekan-pekan ra liliut no makai' kosolob. Kopongo raginio Israil makaalap saguli ra tana' no intor risilo ondo' nampagaau no.

JAKARIA 12:11

Paat raginio mokoondo' manulaboi giu' ra Jirusalim koson ra manulaboi ri Gadad-Rimon giu' ra Limayak Migido.

JOSUA 11:2

am niayuk raja'-raja' intor ra bandar-bandar giu' ra kabuluran ra ralayo, giu' ra Limayak Jordan tampilon ra rabugus ru Tasik Galilia, giu' ragana' toojo ru bulur, am giu' ra nagas maar ra bandar Dor.

JOSUA 12:21

Taanak, Migido,

JOSUA 12:23

Dor (giu' ra kiing ru nagas), Goyim (giu' ra Galilia)

JOSUA 16:9

nabaya' ra ngaangai' pekan am ngaangai' kampung ondo' nakasimpung ralalom wilayah Manasi, kaa' ondo' tinaakan ra bansa' ru Ipraim.

JOSUA 17:10

Wilayah Ipraim nokosor tampilon rabugus, am wilayah Manasi nokosor tampilon ralayo; Raat Tanga' nasauk ra balitan ru karuo-ruo wilayah ragitio giu' ra tampilon kalasaan. Wilayah Asyir nokosor tampilon ra kalasaan ralayo am wilayah Isakar nokosor tampilon ra sirangon ralayo.

JOSUA 17:16

Taam papag ri Jusup, “Kabuluran no kalo sama' gayo no ramon, kaa' ulun ru Kanaan giu' ra tana' marata' makakarita' kuda intor ra basi' – iou ra ulun ru Kanaan giu' ra Bit-Sian am giu' ra ngaangai' pekan ra liliut no, am pana ra mamagun ru Limayak Jijriil.”

TINGGANAI RU BANSA' 1:27

Bansa' ru Manasi kalo napagiru' ra mamagun ru bandar Bit-Sian, Taanak, Dor, Jibliam, Migido am mamagun ru ngaangai' pekan giu' ra liliut no. Ginio ra nagulayun ulun ru Kanaan minayan ra giu' no.

TINGGANAI RU BANSA' 5:19

Giu' ra Taanak, mamaar ra sungoi giu' ra Migido, raja'-raja' minatong koson mangayou; raja'-raja' ru Kanaan nangayou, kaa' kalo nangalap ilo ra pirok koson tinalingaau.

1 SAMUIL 28:7

Ginio ra indagu Raja' Saul ra pagawai-pagawai nano, “Paguyum kano ra sangulun ruandu' mampiau ra ambiluo ru ulun minatoi. Masaga' aku tumuum riso koson makitulu'.” Taam ilo, “Giu' ra In-Dor mokoondo' sangulun mampiau ra ambiluo ru ulun minatoi.”

1 SAMUIL 31:10

Kopongo raginio bayang pangayawan ru Raja' Saul no binulian ra ralalom ru Kuil Dewi Asyitorit, am inan nano pinakuan ra timbok ru bandar Bit-Sian.

1 SAMUIL 31:12

kukula' ngaulun ondo' baani kaga' minugar am nangkiralan ra buoi ru rondom minongoi ra Bit-Sian. Pinatuun nilo baangkai ru Raja' Saul am anak-anak ungkuyon nano intor ra timbok ru bandar, am inibit ginilo saguli' ra Jabis, am sinolob ngaangai' baangkai no ra giu' no.