JOSUA 17:1 - Tanou Moonsoi Timugon

¹ Santayaran intor ra tana' ra tampilon kalasaan ru Sungoi Jordan tinaakan ra kukula' sasambaloi ru papag ri Manasi, anak katuaan ri Jusup. I Makgir, ama' ri Giliad, iono anak ungkuyon katuaan ri Manasi; i Makgir niayuk sangulun tutumula'. Ginio ra libung Giliad am Basan giu' ra tampilon sirangon ru Sungoi Jordan tinaakan riso.

JOSUA 17:1 Iomraidhean Croise

KASAUKAN 41:51

Indagu i Jusup, “Nambaal i Aki Kapuuno' raki' koson mampalilian ra ngaangai' kaimbalaan kuno am ngaangai' baloi ru ama' kuno.” Ginio ra inggalani' no anak katuaan nano i Manasi.

KASAUKAN 41:52

Kono niayuk, “Nangani' i Aki Kapuuno' raki' ra anak giti ra pagun kaimbalaan kuti.” Ginio ra inggalani' no anak karuo nano i Ipraim.

KASAUKAN 46:20

Giu' ra Misir makaanak ungkuyon i Jusup ruo ngaulun, iono i Manasi am i Ipraim, ondo' inanak ru andu' nano i Asnat, anak ri Potipira sangulun imam giu' ra Giliopolis.

KASAUKAN 48:17

Kalo naansayan i Jusup magilong ra ama' nano napakapo ra kalindu' pamiris nano ra ulu ri Ipraim. Ginio ra guuto' no kalindu' ru ama' nano, am pabandingo' no intor ra ulu ri Ipraim tapik ra ulu ri Manasi.

KASAUKAN 48:18

Kono ra ama' nano, “Sala' ka koon ragino ama'. Gitio anak ra katuaan, pokopoo' noyo kalindu' pamiris muno ra ulu nati.”

KASAUKAN 50:23

Nakarampot io poyo ra anak am akupu ri Ipraim. Nakarampot io poyo nangapu ra anak-anak ri Makir, akupu ri Manasi koson anak nano galama'.

2 SAMUIL 2:9

Giu' no, pinili' ri Abnir i Isbosit nasauk ra raja' tampilon ra Giliad, Asyir, Jijriil, Ipraim am Binjamin, am poyo ra titikop ru Israil.

1 TUNUNG RU BANSA' ISRAIL 2:23

Kaa' pamarintaan ru Gisur am Aram nangala ra onom ngoopor pekan giu' ra wilayah raginio nakaaya' ngaangai' pekan ri Jair, am i Kinat, am niayuk pekan-pekan boborok giu' ra liliut no. Ngaangai' ulun ondo' minayan ra giu' no papag ri Makgir, iono ama' ri Giliad.

YEHEZKIEL 47:13

Indagu Tuhan Raja', “Ondo' sumunu' ti iono balitan ru tana' ondo' tinayar ra mopor am ruo bansa' ru Israil. Bansa' ri Jusup musiti' makaalap ruo tayar.

UNTABAN 26:29

Bansa' ru Manasi: I Makgir anak ri Manasi, iono ama' ri Giliad am bansa'-bansa' ragitio iono papag ri Giliad:

UNTABAN 27:1

I Jilapiad makaanak ruandu' limo ngaulun: I Mala, i Noa, i Golga, i Milka am i Tirja. Ama' ri Jilapiad iono i Gipir, ama' ri Gipir iono i Giliad, ama' ri Giliad iono i Makgir, ama' ri Makgir iono i Manasi, ama' ri Manasi iono i Jusup.

UNTABAN 32:33

Kopongo raginio pataako' ri Musa ngaangai' wilayah ru Raja' Sigon, raja' ru ulun ru Amori no am niayuk wilayah ru Raja' Og, raja' ru pagun Basan, nakaaya' ngaangai' bandar am tana' ra libung no ra bansa' ru Gad am bansa' ru Rubin, am niayuk ra sampiruo bansa' ru Manasi.

SAGULION 21:17

Musiti' io mantayar ra rapu' induo ruli' ra anak katuaan nano, kabalu' pana anak raginio sala' ka anak ru andu' tagamin nano. Musiti' sangulun ama' mangiou ra anak katuaan nano, am mangani' riso ra tayar ru rapu' ondo' masauk ra tungkuson nano sumugut ra aturan.”

JOSUA 17:2

Tana' giu' ra tampilon kalasaan ru Sungoi Jordan tinaakan ra sasambaloi ru bansa' ru Manasi ra bokon: sasambaloi ri Abiijir, Gilik, Asriil, Sikgim, Gipir am Simida. Ilo papag ra ungkuyon intor ri Manasi anak ri Jusup am ilo tingganai ru sasambaloi.

TINGGANAI RU BANSA' 5:14

Minatong ilo intor ra Ipraim mongoi ra pipit, sumunu' ra bansa' ru Binjamin ondo' minugar ra saang. Panglima-panglima minatong intor ra Makgir, Pagawai-pagawai ru saujor intor ra Jibulon.