JOSUA 16:10 - Tanou Moonsoi Timugon

¹⁰ Kaa' kalo pinagiru' nilo ulun ru Kanaan ondo' minayan giu' ra Gijir. Ginio ra saboi raino ulun ru Kanaan lakat poyo minayan ra gino ngai' ru bansa' ru Ipraim, kaa' jinajalan ilo masauk ra uliponon.

JOSUA 16:10 Iomraidhean Croise

1 RAJA'-RAJA' 9:15

Raja' Salomo namakai ra kuli' koson mambaal ra Baloi ru Tuhan am istana ru raja', am koson mamumpun ra tana' giu' ra tampilon sirangon ru bandar, am niayuk mambaal ra timbok ru bandar. Io niayuk namakai ra kuli' koson mambaal saguli' ra bandar Gajor, Migido am Gijir. (

1 RAJA'-RAJA' 9:16

Igondo' Raja' Misir namulunsar am nampagaau ra bandar Gijir, namatoi ra mamagun no, am niayuk nonolob ra bandar no. Kopongo raginio pinataak ru raja' ru Misir bandar no ra anak ruandu' nano koson ra tangguang ru paguatan, paat ra anak nano nagandu' ra Raja' Salomo.

JOSUA 10:33

Raja' Oram intor ra Gijir minatong koson mangindangan ra Lakgis kaa' i Josua nangala ra raja' am saujor nano, am kolondo' sangulun pana pinoloso naayag. Ngaangai' no pinatoi.

JOSUA 15:63

Kaa' bansa' ru Jiuda kalo nakapapagiru' ra ulun ru Jibusi ondo' minayan giu' ra Jirusalim. Ulun ru Jibusi lakat poyo minayan ra giu' no nabaya' ra bansa' ru Jiuda.

JOSUA 16:9

nabaya' ra ngaangai' pekan am ngaangai' kampung ondo' nakasimpung ralalom wilayah Manasi, kaa' ondo' tinaakan ra bansa' ru Ipraim.

JOSUA 17:12

Kaa' bansa' ru Manasi napagiru' ra mamagun ru ngaangai' bandar no. Ginio ra lakat poyo ulun ru Kanaan minayan ra giu' no.

JOSUA 17:13

Kaa' niayuk kalupus ulun ru Israil nasauk ra maikang poyo, kalo pinagiru' nilo ngaangai' ulun ru Kanaan. Ulun ru Israil nampajajal ayuk ra ulun ru Kanaan mangandoi risilo.

TINGGANAI RU BANSA' 1:29

Bansa' ru Ipraim kalo napagiru' ra ulun ru Kanaan ondo' minayan ra bandar Gijir. Ginio ra ulun ru Kanaan lakat poyo minayan ra giu' no nababaya' risilo.