JOSUA 14:9 - Tanou Moonsoi Timugon

⁹ Ginio sabap ra nambantu' i Musa ra aku am anak-anak kuno totopot makaalap ra tana' ondo' kininjangan ku noyo koson ra longgom mai.

JOSUA 14:9 Iomraidhean Croise

MAZMUR 37:9

Ulun ondo' malansan ra Tuhan makatungkus ra pagun ti, kaa' ulun malaat inggalarin.

UNTABAN 13:22

Pagulu minongoi ilo tampilon rabugus ru tana' no am nakasaboi ra bandar Gibron, intok inayanan ru bansa' ru Agiman, Sisai am Talmai, ngaangai' no papag ru maayo ulun ondo' sabiton ra Inak. Bandar Gibron no binaal ra tulu' ngambilor ra kalo poyo bandar Soan giu' ra Misir.

SAGULION 1:36

I Kalib anak ri Jipuni ayuk mokoongoi ra giu', sabap magulayun io giminagaya' Raki'. Manaak Aku ri Kalib am papag nano ra tana' ondo' liniput nano.’

SAGULION 11:24

Ngaangai' tana' ondo' kinjangin min masauk ra longgom min. Wilayah min malangka', intor ra tana' kaagisan giu' rabugus saboi ra kagunungan Libanon giu' ra ralayo, am intor ra Sungoi Iprat giu' ra sirangon saboi ra Raat Tanga' giu' ra kalasaan.

JOSUA 1:3

Nambala' Aku ri Musa ra ngaangai' tana' ondo' kirawin min pataakin Kuno rirun am ra ngaangai' ulun Kuno.

JOSUA 14:10

Raino apat ngoopor am limo ngambilor noyo nansail intor ra Tuhan minindagu raginio. Paat raginio timinanggau ulun ru Israil giu' ra tana' kaagisan. Intor ragili nagalung noyo Tuhan raki' maa' raginio maayag aku rayus sumugut ra bantu' Nano. Ilai' noyo! Raino umur kuno balu' ngoopor am limo ngambilor noyo

TINGGANAI RU BANSA' 1:20

Koson ra ondo' nanusuban ri Musa, Gibron pinataak ri Kalib, sabap ragili pinagiru' ri Kalib talu bansa' ru papag ri Inak intor ra bandar no.