JOSUA 14:3 - Tanou Moonsoi Timugon

^3-4 I Musa nanaak noyo ra tana' giu' ra tampilon sirangon ru Sungoi Jordan ra bansa'-bansa' ondo' ruo am maintanga'. (Papag ri Jusup natayar ra ruo bansa', iono Manasi am Ipraim.) Kaa' kalo nanaak i Musa ra bansa' ru Liwi ra tana' intor ra wilayah ra ati pana. Kaa' tinaakan risilo bandar-bandar koson ra intok ayanan am padang sakot tayar ru bibiag tinambiag nilo.

JOSUA 14:3 Iomraidhean Croise

YEHEZKIEL 45:1

Paat ra tana' no tinayar ra moonong bansa', santayaran intor raginio musiti' pasuayon koson ra Tuhan. Gawar ru tana' no musiti' 12.5 ngakilomito, am pila' no 10 ngakilomito. Titikop ru intok no matulai.

JOSUA 12:6

Raja'-raja' no kinala ri Musa am ulun ru Israil. I Musa ulipon ru Tuhan, nanaak noyo ra wilayah ru raja'-raja' no ra bansa' ru Rubin, Gad am sampiruo intor ra bansa' ru Manasi koson longgom nilo galama'.

JOSUA 13:14

I Musa kalo nanaak ra bansa' ru Liwi ra tana' sabap sumugut ra susuban ru Tuhan ri Musa, pataakin risilo tayar intor ra taak-taak simbalui ondo' solobon ra rasawat ru altar tayar ru Tuhan i Aki Kapuuno' ru Israil.

JOSUA 13:16

Wilayah nilo nakasimpung Aroir (giu' ra kiing ru limayak Sungoi Arnon) am bandar nakatatanga' ra limayak no, nakasimpung titikop ru tana' marata' masawat giu' ra liliut ru Midiba.

JOSUA 13:17

Wilayah raginio nakasimpung Gisybon am ngaangai' bandar giu' ra tana' marata' masawat: Dibon, Bamot-Baal, Bit-Baal-Mion,

JOSUA 13:8

Bansa' ru Rubin, Gad am sampiruo intor ra bansa' ru Manasi nakaalap noyo ra tayar ru tana' ondo' tinaakan ri Musa, ulipon ru Tuhan; tana' no giu' ra tampilon sirangon ru Sungoi Jordan.