JOSUA 14:12 - Tanou Moonsoi Timugon

¹² Ginio ra pataaki' noyo intok kabuluran no raki', tana' ondo' binantu' ru Tuhan raki' paat ra orou aku am ulun nabaya' raki' nanaak ra pambalaan. Paat ragili okou galama' nokorongog ra bansa' ru maayo ulun ondo' sabiton ra Inak minayan giu' ra intok raginio ralalom ru bandar mangaayo ondo' mokoondo' ra kubu. Maaru' Tuhan mabaya' raki', am makapapagiru' risilo koson ondo' rinagu ru Tuhan.”

JOSUA 14:12 Iomraidhean Croise

2 RAJA'-RAJA' 19:4

Nanusub raja' ru Asyur ra pagawai masawat kaga' nano koson magasab ri Aki Kapuuno' ondo' maayag. Gama' ru Tuhan, i Aki Kapuuno' muno mangkirongog ra pagasaban no am mangukum risilo ondo' mindagu raginio. Ginio ra pakiasi' no ri Aki Kapuuno' koson ra mamagun takau ondo' lakat poyo maayag.”

2 TUNUNG RU BANSA' ISRAIL 14:11

Nakiasi' Raja' Asa ra Tuhan, i Aki Kapuuno' nano, “Iou Tuhan, masaga' kou mangindangan ra saujor ondo' malawo koson Okou mangindangan ra pulalai ondo' maikang. Raino indangano' akai, iou Tuhan, i Aki Kapuuno' mai, sabap ra lumansan akai Rirun. Ralalom inggalan Muno, akai raino mingkual mangayou ra saujor ondo' maayo ti. Okou no i Aki Kapuuno' mai, iou Tuhan; kolondo' osoi pana malansan makapangala Rirun.”

MAZMUR 44:3

Okou galama' nanginggalar ra ngaangai' bansa' maa' raginio ulun Muno mayan ra pagun nilo galama', inurana' Mu ngaangai' bansa' ra bokon, kaa' napasauk ra ulun Muno ra langkaya'.

MAZMUR 60:12

Iou Aki Kapuuno', inimpayan Mu noyo kia akai? Kalo kia jumalai Kou mababaya' ra saujor maino?

UNTABAN 13:28

Kaa' mamagun ru tana' no maikang toojo; bandar nilono mangaayo toojo am makatimbok. Mulu' poyo, nakito mai papag ru maayo ulun ra giu' no.

UNTABAN 13:33

am nakakito akai ra maayo ulun, papag ri Inak ra giu'. Malimanan mai ra boborok koson ra gapu' am maaru' ginio noyo pangkaraan nilo ramon.”

UNTABAN 21:34

Indagu Tuhan ri Musa, “Pai' kalaa' riso. Manaak Aku rirun ra kamanangan. Maala mu raja' raginio, ngaangai' mamagun nano, am mampagaau ra tana' am niayuk pagun raginio. Pamakuan ra raja' raginio koson ra pinamakuan muno ra Raja' Sigon, raja' Amori ondo' namarinta giu' ra Gisybon.”

ROMA 8:31

Sabap raginio, atan boo paraguon takau? Amon ru i Aki Kapuuno' bala takau, osoi kia makagula' ritakau? Maaru' kolondo'!

SAGULION 1:28

Kua kia ongoi takau ra giu'? Malaa' takau. Ulun-ulun pansigo ondo' sinusub takau no nambala' ritakau ra ulun ra giu' no mangaikang poyo am mangasawat poyo intor ritakau. Ulun ra giu' no minayan ra bandar-bandar ondo' timbok no mangasawat saboi ra limbowon. Nakakito ulun-ulun pansigo no ra maayo ulun ra giu'!’

SAGULION 9:1

“Rongogo' noyo, ulun ru Israil kau ngai'! Paat ra orou raiti' lumaup kau ra Sungoi Jordan, am mayan ra tana' ondo' linonggom ru bansa'-bansa' ondo' maayo poyo am maikang poyo intor ramuyun. Bandar-bandar nilo mangaayo, am timbok ru bandar-bandar no masawat saboi ra limbowon.

SAGULION 9:3

Kaa' raino nakito min galama' ra Tuhan i Aki Kapuuno' min nagulu ramuyun koson ra apui ondo' mapaang. Kalaan No ilo liliwa' akau jumalai, maa' raginio makapapagiru' kau am mamuso risilo ra mataki', koson ondo' binantu' Nali.

PILIPI 4:13

Am ngaangai' maalap ku kabaal ralalom ri Kristus ondo' mangani' raki' ra kaikangan.

IBRANI 11:33

Sabap ra pangintapatan noyo kinala nilo pagun-pagun ra bokon am namanang ilo. Nambaal ilo ra motopot am nokoowot ra atan ondo' binantu' ri Aki Kapuuno' risilo. Kinuasa' nilo singa' saboi kalo nansaam risilo.

JOSUA 15:14

Pinagiru' ri Kalib papag ri Inak, iono bansa' Sisai, Agiman am Talmai miningkual intor ra bandar no.

TINGGANAI RU BANSA' 1:20

Koson ra ondo' nanusuban ri Musa, Gibron pinataak ri Kalib, sabap ragili pinagiru' ri Kalib talu bansa' ru papag ri Inak intor ra bandar no.

1 SAMUIL 14:6

Kon ri Jonatan ra buayoi no, “Ibok ongoi to ra pangkiman ru ulun ru Palistin ondo' kalo nakaulig ri Aki Kapuuno'. Maaru' lair ru mangindangan Tuhan no rito, sabap ra makapangani' Io ra kamanangan, iou ra masuang ulun kapoam ra sanganu ulun.”