JOSUA 13:8 - Tanou Moonsoi Timugon

⁸ Bansa' ru Rubin, Gad am sampiruo intor ra bansa' ru Manasi nakaalap noyo ra tayar ru tana' ondo' tinaakan ri Musa, ulipon ru Tuhan; tana' no giu' ra tampilon sirangon ru Sungoi Jordan.

JOSUA 13:8 Iomraidhean Croise

UNTABAN 32:19

Kalo mangalap akai ra koborok pana intor ra tana' giu' ra sandaup ru Sungoi Jordan, sabap ra nakaapu akai noyo ra tayar maino tampilon ra sirangon ru Sungoi Jordan.”

SAGULION 3:8

Paat raginio, libung giu' ra tampilon sirangon ru Sungoi Jordan, intor ra Sungoi Arnon saboi ra Gunung Girmon, ginaau takau noyo intor ra ruo ngaulun raja' ru Amori no. (

JOSUA 12:1

Ulun ru Israil nampagaau noyo am minayan ra wilayah tampilon ra sirangon ru Sungoi Jordan, intor ra Limayak Arnon saboi ra Limayak Jordan am saboi ra galur ru Gunung Girmon giu' ra ralayo. Kinala nilo ruo ngaulun raja'.

JOSUA 12:6

Raja'-raja' no kinala ri Musa am ulun ru Israil. I Musa ulipon ru Tuhan, nanaak noyo ra wilayah ru raja'-raja' no ra bansa' ru Rubin, Gad am sampiruo intor ra bansa' ru Manasi koson longgom nilo galama'.

JOSUA 13:7

Raino, tatayaro' noyo tana' no ra siam bansa' ra bokon am sampiruo intor ra bansa' ru Manasi maa' raginio masauk ra tana' longgom nilo.”

JOSUA 13:9

Wilayah nilo nakasimpung Aroir (giu' ra kiing ru limayak Sungoi Arnon) am bandar ondo' nakatatanga' ra limayak no, nakasimpung ngaangai' tana' marata' masawat intor ra Midiba saboi ra Dibon.

JOSUA 22:4

Raino, koson ra binantu' Nano, Tuhan i Aki Kapuuno' min nanaak noyo ramuyun ra kamiaan ra gino ngai' min ulun ru Israil. Ginio ra, ruli' noyo ra pagun longgom muno, tana' tampilon ra sirangon ru Sungoi Jordan ondo' tinaakan ri Musa, ulipon ru Tuhan ramuyun.

JOSUA 4:12

Ngaangai' ulun intor ra bansa' ru Rubin, Gad am sampiruo bansa' ru Manasi liminaup pagulu intor ra ulun ru Israil ra bokon, am nakatampos ilo mangayou koson nanusuban ri Musa.

1 SAMUIL 13:7

Mokoondo' niayuk kukula' ngaulun ondo' liminaup ra Sungoi Jordan, am minongoi ra wilayah ru Gad am Giliad. Lakat poyo Raja' Saul no soroi ra Gilgal, am ulun-ulun ondo' minaya' riso nonontol ra nalaa'.