JOSUA 13:3 - Tanou Moonsoi Timugon

³ am niayuk titikop wilayah Awi am giu' tampilon ra rabugus. (Tana' intor ra Sungoi Sikgor giu' ra balitan ru Misir, saboi ra balitan ru Ikron giu' ra ralayo, karaan ra tana' ru ulun ru Kanaan; raja' ru ulun ru Palistin minayan giu' ra Gaja, Asdod, Askilon, Gat am Ikron.)

JOSUA 13:3 Iomraidhean Croise

KASAUKAN 10:6

Anak ungkuyon ri Gam iono i Kus, Misir, Libia am i Kanaan, ilo ti noyo kinamatuaan ru ulun ondo' nampakai ra inggalan nilo.

KASAUKAN 15:18

Paat raginio niayuk nambaal Tuhan ra bantu' Nano ri Abram. Indagu Tuhan, “Bantu' Kuno ra manaak Aku ra papag muno ra titikop ru tana' ragitio, intor ra balitan ru pagun ru Misir polos ra sungoi Iprat,

1 RAJA'-RAJA' 8:65

Giu' ra Baloi ru Tuhan no niayuk, Raja' Salomo am ngaangai' ru ulun ru Israil mangiantak ra Mangkalukub ra Raun buoi tulu' ngoorou. Masuang kaga' ulun matong mangiantak ra pangiantakan no. Intor ilo ra libung ra kinagalur ru Ginting Gamat giu' ra ralayo am balitan ru pagun ru Misir giu' ra rabugus.

1 TUNUNG RU BANSA' ISRAIL 13:5

Ginio ra Raja' Daut nanimung ra mamagun ru Israil intor ra titikop pagun, intor ra balitan ru pagun ru Misir giu' ra rabugus saboi ra Ginting Gamat giu' ra ralayo, koson mangalap ra Kaban Nabantuan intor ra Kiryat-Jiarim am pabandingon ra Jirusalim.

JISAYA 23:3

mongoi ra sandaup ru raat koson magalig pantalan ra gandum intor ra Misir am koson talanon ra ngaangai' bansa'.

JIRIMIA 2:18

Atan kia banang muno minongoi ra Misir am nanginum ra timug ru Sungoi Nil? Atan banang muno minongoi ra Asyur am nanginum ra timug ru Sungoi Iprat?

SAGULION 2:23

Tana' giu' ra igig ru nagas Raat Tanga' inayanan ru ulun intor ra pulu' Krita. Namuso ilo ra ulun ru Awi, mamagun toojo ru intok raginio, am nampagaau ra titikop ru tana' ra giu' no saboi ra bandar Gaja, giu' ra tampilon rabugus.)

JOSUA 13:13

Kaa' ulun ru Israil kalo napagiru' ra mamagun ru Gisur am Maakga; ilo lakat poyo minayan giu' ra Israil.

TINGGANAI RU BANSA' 16:5

Ratong limo ngaulun raja' Palistin ri Dilila am indagu, “Labati' noyo i Simson koson mambala' rirun ra inopot ru kaikangan nano, am ralan mangiru' ra kaikangan nano maa' raginio makaratong akai mamangkil riso, am mangala riso. Maagu no moonong intor ramon mangani' rirun 1,100 ngampila' ruit pirok.”

TINGGANAI RU BANSA' 3:3

Ngaangai' bansa' ondo' lakat poyo mayan giu' ra Kanaan iono bansa' ondo' mayan giu' ra limo bandar ru Palistin, ngaangai' bansa' ru Kanaan, bansa' ru Sidon am bansa' ru Giwi ondo' mayan giu' ra Kagunungan Libanon, tumalimpuun intor ra Gunung Baal-Girmon saboi ra Ginting Gamat.

1 SAMUIL 5:1

Kopongo ulun ru Palistin napagaau ra Kaban Nabantuan, inibit nilo ginio intor ra Ibin-Gaijir minongoi ra Asdod, bandar nilono.

1 SAMUIL 5:10

Ginio ra inataran nilo Kaban Nabantuan no ra Ikron, rondo' bandar ru Palistin ra bokon poyo. Kaa' paat Kaban no nakasaboi ra giu' no, indagu mamagun ru bandar no, “Ilai' noyo, nagibit ilo ra Kaban Nabantuan ri Aki Kapuuno' ru Israil no ragiti koson mamatoi ritakau ngai'!”

1 SAMUIL 5:8

Ginio ra nampiau ilo ra kalilimo ngaulun raja' ru Palistin ra tumimung, am pangkuot, “Atan kinua' moonsoi baalon takau ra Kaban Nabantuan ri Aki Kapuuno' ru ulun ru Israil no?” Taam raja'-raja' no, “Pabandingo' Kaban no ra bandar Gat.” Kaban no pana pinabanding boo ra Gat, rondo' bandar ru Palistin ra bokon.

1 SAMUIL 6:4

Pangkuot poyo ulun ru Palistin, “Taak ra atan kinua' ondo' moonsoi pootoron takau?” Taam ilo, “Atari' min limo lanit ra binaal-baal intor ra mas am niayuk limo tikus binaal-baal intor ra mas, nogondo' ra suang ru raja' ru Palistin. Baal makalalaa' ondo' nogondo' nakalumpa' noyo ramuyun ngaangai', iou ra mamagun am poyo ra raja'.