JOSUA 13:16 - Tanou Moonsoi Timugon

¹⁶ Wilayah nilo nakasimpung Aroir (giu' ra kiing ru limayak Sungoi Arnon) am bandar nakatatanga' ra limayak no, nakasimpung titikop ru tana' marata' masawat giu' ra liliut ru Midiba.

JOSUA 13:16 Iomraidhean Croise

2 SAMUIL 24:5

Kopongo nakalaup ra Sungoi Jordan, i Joab am ulun-ulun nano nangkim giu' ra tampilon rabugus ru Aroir rondo' bandar giu' ra tatanga' ru limayak Gad. Intor ra giu' no minongoi ilo ra ralayo, minongoi ra Jaijir,

1 TUNUNG RU BANSA' ISRAIL 19:7

Kurita' kuda ra suang no 32,000 ondo' siniwaan nilo, am niayuk saujor ru raja' Maakga minatong pangkim mamaar ra Midiba. Ulun ru Amon niayuk miningkual intor ra ngaangai' bandar nilo am timinampos koson mangayou.

JISAYA 15:4

Tangi' ru ulun giu' ra Gisybon am Iliali maining saboi ra Jagas. Saujor-saujor pana monontol; liminawo ilo.

UNTABAN 21:26

Gisybon iono pusor bandar ru Raja' Sigon, manguasa' ru pagun ru Amori. Nakaili' ilo nangala ra raja' Moab am minayan ra titikop ru tana' no saboi ra Sungoi Arnon.

SAGULION 3:12

“Mopongo tana' raginio masauk ra longgom takau, nangani' aku ra bansa' ru Rubin am Gad ra tana' giu' ra ralayo ru bandar Aroir, maar ra Sungoi Arnon am santayaran intor ra kabuluran Giliad, nakasimpung bandar ra giu' no.

JOSUA 12:2

Raja' ra sangulun no iono Raja' Sigon, raja' ru ulun ru Amori ondo' namarinta giu' ra Gisybon. Pamarintaan nano nakasimpung sampiruo intor ra libung Giliad: intor ra Aroir (giu' ra kiing ru limayak Arnon) am bandar giu' ra tatanga' ru limayak no saboi ra Sungoi Jabok, iono balitan ru Amon;

JOSUA 13:15

Pinataak noyo ri Musa santayaran ra tana' ra sasambaloi ru bansa' ru Rubin koson ra longgom nilo.

JOSUA 13:17

Wilayah raginio nakasimpung Gisybon am ngaangai' bandar giu' ra tana' marata' masawat: Dibon, Bamot-Baal, Bit-Baal-Mion,

JOSUA 13:9

Wilayah nilo nakasimpung Aroir (giu' ra kiing ru limayak Sungoi Arnon) am bandar ondo' nakatatanga' ra limayak no, nakasimpung ngaangai' tana' marata' masawat intor ra Midiba saboi ra Dibon.

JOSUA 14:3

I Musa nanaak noyo ra tana' giu' ra tampilon sirangon ru Sungoi Jordan ra bansa'-bansa' ondo' ruo am maintanga'. (Papag ri Jusup natayar ra ruo bansa', iono Manasi am Ipraim.) Kaa' kalo nanaak i Musa ra bansa' ru Liwi ra tana' intor ra wilayah ra ati pana. Kaa' tinaakan risilo bandar-bandar koson ra intok ayanan am padang sakot tayar ru bibiag tinambiag nilo.

JOSUA 18:7

Kaa' bansa' ru Liwi kalo makaalap ra tayar ru tana' mabaya' ramuyun, sabap tayar nilo iono mangandoi ra Tuhan koson ra imam. Bansa' ru Gad, Rubin am Manasi Sirangon nakaalap noyo ra tana' giu' ra tampilon sirangon ru Sungoi Jordan, ondo' tinaakan ri Musa, ulipon ru Tuhan risilo.”

TINGGANAI RU BANSA' 11:26

Ulun ru Israil minayan ra Gisybon, Aroir am pekan-pekan ra libung no, am niayuk ngaangai' bandar ra igig ru Sungoi Arnon buoi talu ngaatus ngambilor. Kua pai' mu gaawo' buoi ru ginio?