JOSUA 13:13 - Tanou Moonsoi Timugon

¹³ Kaa' ulun ru Israil kalo napagiru' ra mamagun ru Gisur am Maakga; ilo lakat poyo minayan giu' ra Israil.

JOSUA 13:13 Iomraidhean Croise

KASAUKAN 35:22

Buoi ri Jakub minayan ra giu' no, rulug i Rubin ri Bilga, iono ruandu' parulug ru ama' nano. Kaala' i Jakub raginio am siminangit io kaga'. Anak ungkuyon ri Jakub mokoondo' mopor am ruo ngaulun.

2 SAMUIL 10:6

Ulun ru Amon pana nakaliman boo ra pinasauk nilo noyo Raja' Daut no ra pantula' nilo. Ginio ra nampagaji' ilo ra saujor ru ulun ru Siria: 20,000 ngaulun ondo' minayan giu' ra Bit-Rigob am Joba, am 12,000 ngaulun intor ra Tob, am niayuk raja' ru pagun Maakga nababaya' ra 1,000 ngaulun ulun nano.

2 SAMUIL 3:3

i Kiliab, ina' nano i Abigail, napuor ri Nabal intor ra Karmil; i Absalom, ina' nano i Maakga, anak ruandu' ru Raja' Talmai intor ra Gisur;

UNTABAN 33:55

Kaa' amon ru kalo pagiruon min mamagun ru tana' raginio, ulun ondo' minayan ra giu' no mantipagon ramuyun koson ra tipolon ralalom ru mato mino am ruui ra tiagang mino. Ilo pana manggal ramuyun.

SAGULION 3:14

I Jair, sangulun intor ra bansa' ru Manasi, minayan ra titikop wilayah Argob, iono Basan, saboi ra balitan ru Gisur am Maakga. Ininggalanan no pekan ra giu' no ra inggalan nano galama'. Saboi raino lakat poyo mauligan pekan raginilo ra pekan-pekan Jair.)

JOSUA 12:5

Pamarintaan nano nakasimpung Gunung Girmon, Salka am titikop ru Basan, saboi ra balitan ru Gisur am Maakga am niayuk sampiruo intor ra Giliad, saboi ra wilayah ru pamarintaan ru Raja' Sigon intor ra Gisybon.

JOSUA 13:11

nakasimpung niayuk libung Giliad, libung giu' ra liliut ru Gisur am Maakga, titikop intok ru Gunung Girmon am titikop libung ru Basan saboi ra Salka.

JOSUA 13:12

Tana' nilo nakasimpung pamarintaan ru Raja' Og, raja' ondo' nakaili' namarinta giu' ra Asytarot am Idrii, Raja' Og iono papag ondo' pupus toojo intor ra ulun Ripaim. Kinala ri Musa ngaangai' ulun raginio am napagiru' risilo.

JOSUA 13:14

I Musa kalo nanaak ra bansa' ru Liwi ra tana' sabap sumugut ra susuban ru Tuhan ri Musa, pataakin risilo tayar intor ra taak-taak simbalui ondo' solobon ra rasawat ru altar tayar ru Tuhan i Aki Kapuuno' ru Israil.

1 SAMUIL 27:8

Buoi raginio, i Daut am ulun-ulun nano naindalom mamulunsar ra ulun ru Gisur, Girji am Amalik; nabuoi ilo noyo minayan ra intok raginio. Sinubol ri Daut intok nilono saboi ra Sur, am rayus ra Misir tampilon ra rabugus.