JOSUA 12:2 - Tanou Moonsoi Timugon

² Raja' ra sangulun no iono Raja' Sigon, raja' ru ulun ru Amori ondo' namarinta giu' ra Gisybon. Pamarintaan nano nakasimpung sampiruo intor ra libung Giliad: intor ra Aroir (giu' ra kiing ru limayak Arnon) am bandar giu' ra tatanga' ru limayak no saboi ra Sungoi Jabok, iono balitan ru Amon;

JOSUA 12:2 Iomraidhean Croise

KASAUKAN 32:22

Rondom raginio niayuk tirong i Jakub am ibito' no karuo ngaulun andu' nano, karuo ngaulun ulipon ruandu' parulug nano, koopor am saa' anak nano am laup ra Sungoi Jabok.

1 TUNUNG RU BANSA' ISRAIL 5:8

am Bila anak ri Ajas, akupu ri Sima intor ra bansa' ru Joil. Bansa' ragitio minayan giu' ra Aroir am giu' ra wilayah ondo' timinalimpuun intor ra Aroir mongoi ra tampilon ralayo giu' ra Nibo am Baal-Mion.

NIGIMIA 9:22

“Nangani' Kou risilo ra kamanangan ra masuang bansa' am pamarintaan ondo' nambalit ra pagun nilo. Kinala nilo pagun Gisybon ondo' pinarinta ru Raja' Sigon, am pamarintaan ru Raja' Og giu' ra pagun Basan.

MAZMUR 135:11

I Sigon raja' ru Amori am i Og, raja' ru Basan, am ngaangai' raja' giu' ra Kanaan.

JIRIMIA 48:19

Akau ondo' minayan giu' ra bandar Aroir, bigor no giu' ra kiing ru ralan am paginaa no; kuati' noyo ulun ondo' tatanga' magiru', intor ra baal ondo' nasauk.

SAGULION 1:4

Baal ragitio nasauk nalupus Tuhan nangala ra Raja' Sigon, raja' ru ulun ru Amori ondo' namarinta giu' ra bandar Gisybon, am niayuk Raja' Og, raja' Basan, ondo' namarinta giu' ra bandar Asytarot am Idrii.

TINGGANAI RU BANSA' 11:13

Taam raja' ru Amon ra ulun sinusub ri Jipta, “Paat ra ulun ru Israil miningkual intor ra Misir, ginaau nilo pagun kutu, intor ra Sungoi Arnon saboi ra Sungoi Jabok am Sungoi Jordan. Raino pasagulio' noyo bobonsoi wilayah no.”

TINGGANAI RU BANSA' 11:22

Minayan ilo ra titikop wilayah ru ulun ru Amori, tumalimpuun intor ra Arnon giu' ra tampilon rabugus saboi ra Jabok giu' ra tampilon ralayo am intor ra tana' kaagisan giu' ra tampilon sirangon saboi ra Sungoi Jordan giu' ra tampilon kalasaan.