JOSUA 11:6 - Tanou Moonsoi Timugon

⁶ Kaa' indagu Tuhan ri Josua, “Pai' kalaa' risilo! Susuab no, olo'-olo' paat koson ragitio, mamatoi Aku risilo ngaangai' am mapataak risilo ra Israil. Paat raginio tibaso' kuda-kuda am solobo' kurita' kuda nilono.”

JOSUA 11:6 Iomraidhean Croise

2 SAMUIL 8:4

Namparakop Raja' Daut ra suang 1,700 ngaulun saujor mangkuda am 20,000 ngaulun saujor ondo' mantana'. Ngaangai' ru kuda no binaal no kalo makaugar, ondo' ayuk am inukop koson mamunduk ra maatus kurita' kuda.

2 RAJA'-RAJA' 6:16

Kon ri Ilisa, “Pai' kalaa', ondo' bala takau masuang poyo intor risilo no.”

2 TUNUNG RU BANSA' ISRAIL 20:16

Susuab no pangayou no risilo, paat ra ilo magaloi ra Ginting Jiis. Makatuum kau risilo giu' ra pompor ru limayak ondo' sumuku' ra tana' kaagisan mamaar ra Jiruil.

MAZMUR 46:10

Pinolonggo' No pangayawan ra titikop ru tana' ti; pinandak No tanggayan ru panah, tanggulan am gagampin sinolob.

MAZMUR 46:11

Minindagu Io, “Langgai' noyo pangayawan, uligi' min noyo ra Aku ti i Aki Kapuuno', ondo' matulai intor ra ngaangai' bansa' am ra titikop ru tana' ti.”

MAZMUR 46:9

Ibok, ilai' ga atan ondo' binaal ru Tuhan. Ilai' ga, binaal ri Aki Kapuuno' ra tana' ti makaimuag kaga'.

AMSAL 20:7

Pakaansuk noyo anak-anak ondo' mokoondo' ra ama' ondo' mabanis guang am matimpok.

JISAYA 30:16

Kaa' mangatang kau koson magiru' intor ra pantula' am kumura' ra kuda ondo' maribok. Sotopot no akau musiti' no magiru'! Indoson min kuda mino maribok, kaa' ulun mangingilou ramuyun no poyo maribok!

JISAYA 31:1

Aibui boo ra ulun ondo' mongoi ra Misir koson makiindangan! Lumansan ilo ra kaikangan ru pulalai mangayou ru Misir ondo' kumura' ra kuda am kurita' kuda am saujor. Kaa' kalo lumansan ilo ra Tuhan, i Aki Kapuuno' ru Israil, i Aki Kapuuno' ondo' matulai kapoam makiindangan Riso.

YEHEZKIEL 39:9

Mamagun ru bandar-bandar giu' ra Israil mingkual am manimung ra kuliamos malarom ondo' tinatang, iono perisai, panah, anak panah, tutura', am tataun lalamba'. Pakayon nilo ngaangai' koson ra luton, am ngaangai' no maukop koson tulu' ngambilor.

GOSIA 14:3

Saguli' kano ra Tuhan, am polosoon pakiasian ti masauk ra taak min Riso: “Ampuno' noyo ngaangai' tula mai, iou Tuhan, am apuo' pakiasian mai. Akai pana mongompor Rirun koson ra ondo' binantu' mai.

NAGUM 2:13

Mindagu Tuhan Ondo' Maayo Kaga' kuasa', “Pantula' muno Aku. Solobon Ku kurita' kuda muno saboi mapuso. Saujor-saujor muno potoyon ralalom pangayawan, am alapon Ku ngaangai' no ondo' ginaau min intor ra ulun bokon. Sika'-sika' ru ulun-ulun sinusub min kalo boo morongog.”

SAGULION 7:16

Pusoo' noyo ngaangai' bansa' ondo' pataakon ru Tuhan i Aki Kapuuno' min ralalom ru kuasa' min, am pai' pakaasi' risilo. Pai' samba ra tuhan-tuhan nilo, sabap binaal raginio makaratong ra karaat.

JOSUA 10:8

Indagu Tuhan ri Josua, “Pai' kalaa' risilo. Nanaak Aku noyo rirun ra kamanangan. Kolondo' sangulun pana intor risilo makaanggal rirun.”

JOSUA 11:5

Ngaangai' raja' no nagamung am nabaya' minatong nangkim maar ra Sungoi Mirom koson mangayou ra Israil.

JOSUA 11:7

Ginio ra i Josua am ngaangai' ru saujor nano namulunsar risilo ra namulali' giu' ra Sungoi Mirom.

JOSUA 11:9

Namakuan ri Josua ra pantula' nontopot ra susuban ru Tuhan; tinibasan no kuda-kuda am nonolob ra kurita' kuda nilono.

JOSUA 3:5

Indagu i Josua ra ulun raginio, “Impasawi' min inan mino sabap ra susuab no mambaal Tuhan ra kaimuagan ra tatanga' min.”

TINGGANAI RU BANSA' 7:9

Paat rondom ragili minindagu Tuhan ri Gidion, “Sukal no! Ongoi noyo bulunsaro' nangkiman ru ulun ru Midian. Manaak Aku rirun ra kamanangan risilo.

1 SAMUIL 11:9

Indagu ilo ra ulun-ulun sinusub intor ra Jabis no, “Balai' noyo mamagun ru Jabis ra susuab no, ra kalo poyo tanga' ru orou, makaalap ilo ra indangan.” Paat ra mamagun ru Jabis nokorongog ra tanou raginio, naansukan ilo kaga'