JOSUA 11:3 - Tanou Moonsoi Timugon

³ Raja' Jabin niayuk nambilin ra ulun ru Kanaan tampilon ra sirangon am tampilon ra kalasaan ru Sungoi Jordan, am niayuk ra ulun ru Amori, Git, Piris; ra ulun ru Jibusi giu' ra kabuluran am ulun ru Giwi giu' ra lonson toojo ru Gunung Girmon giu' ra libung Mijpa.

JOSUA 11:3 Iomraidhean Croise

KASAUKAN 31:49

Indagu niayuk i Laban, “Gama' ru magalung rito Tuhan no ra ito makapaginggalur.” Ginio ra intok raginio piawon niayuk ra Mijpa.

2 SAMUIL 24:16

Malaikat ru Tuhan nakasaboi noyo ra intok pangagikan ra gandum longgom ri Arauna, ulun ru Jibusi. Paat ra Tuhan nakakito ra nakatampos noyo malaikat no mamuso ra Jirusalim, kulawo' ru Tuhan kapatasan Nano koson mangukum ra ulun raginio. Indagu Io ra malaikat ondo' tatanga' mamatoi ra ulun raginio, “Sama'! Langgai'!”

2 SAMUIL 24:7

Intor ra giu' no minongoi ilo ra rabugus, minongoi ra Tirus, bandar ondo' mokoondo' ra kubu no. Tunggul no minongoi ilo ra ngaangai' bandar ru ulun ru Giwi am ulun ru Kanaan, am pupus no minongoi ra Birsyiba, giu' ra tampilon ra rabugus ru Jiuda.

1 RAJA'-RAJA' 15:22

Kopongo raginio minindagu Raja' Asa ra ngaangai' mamagun ru Jiuda am nanusub ra moonong mamagun, kolondo' matatang, maa' raginio magaut ra batu am balak ondo' pakayon ru Raja' Baisa koson mangikang ra bandar Rama. Kuliamos-kuliamos raginio noyo nangikang Raja' Asa ra bandar Mijpa am Giba, rondo' bandar giu' ra wilayah Binjamin.

1 RAJA'-RAJA' 9:20

Kuli' ondo' pinangandoi ru Raja' Salomo iono papag ru ulun ru Kanaan, ondo' kalo pinatoi ru ulun ru Israil paat ra ilo nampagaau ra pagun no. Gitio nakaaya' ulun ru Amori, Git, Piris, Giwi am Jibusi ondo' papag nilo ti narayus nasauk ra inulipon saboi raino.

MAZMUR 133:3

Baal raginio koson ayuk ra bolobou rasawat ru Gunung Girmon, ondo' rumatu' ra kabuluran Sion. Ra giu' no, Tuhan mapatuun ra barakat Nano, ioginio kaayagan ra kolondo' pupus.

MAZMUR 89:12

Tana' ti am limbowon Okou ra longgom, Tana' ti am niayuk suang nano Okou namangun;

RIMBAI PANGAMPARAN 4:8

Ratong no raki', okou uoton kuno, tuun no intor ra Libanon; ratong noyo raki' intor ra kagunungan Libanon. Pambusul no intor ra tampak ru Amana, intor ra tampak ru Sinir am Girmon, intokon ru singa' am ampunguon mumbir.

JIRIMIA 40:10

Aku galama' mayan ra Mijpa, am aku manampilon ramuyun ngaangai' paat ra ulun ru Babilonia matong. Pabukat kau ngaangai' ayan no ra pekan-pekan am pambuli ra wain, kikinawa', am umau ru jaitun.”

JIRIMIA 40:6

Minongoi aku ri Gidalia giu' ra Mijpa, am minayan nababaya' ra mamagun ondo' lakat poyo giu' ra pagun no.

JIRIMIA 41:14

Lukiat ilo am pasimbul ongoi ra pulalai ri Joganan.

JIRIMIA 41:3

Pinatoi niayuk ri Ismail ngaangai' ulun ru Israil ondo' nababaya' ri Gidalia giu' ra Mijpa, am saujor-saujor ru Babilonia ondo' nakapaat raginio soroi ra giu'.

UNTABAN 13:29

Minayan ulun ru Amalik ra tampilon rabugus ru tana' no; ulun ru Git, ulun ru Jibusi am ulun ru Amori minayan tampilon ra kabuluran; ulun ru Kanaan minayan tampilon ra nagas ru Raat Tanga' am giu' ra gawar ru Sungoi Jordan.”

SAGULION 4:48

Tana' ondo' inayanan nilono malangka' saboi ra bandar Aroir giu' ra kiing ru Sungoi Arnon, am rayus ra ralayo saboi ra Gunung Siryon, iono Gunung Girmon;

SAGULION 7:1

“Ibiton kau ru Tuhan i Aki Kapuuno' min mongoi ra tana' ondo' ayanin min, am mapagiru' Io ra masuang bansa' intor ra tana' raginio. Paat akau jumalai, mapagiru' Io ra tulu' bansa' ondo' maayo poyo am maikang poyo intor ramuyun: ulun ru Git, Girgasi, Amori, Kanaan, Piris, Giwi am Jibusi.

JOSUA 11:17

Wilayah no malangka' intor ra Gunung Galak giu' ra rabugus, maar ra Idom, saboi giu' ra Baal-Gad giu' ra ralayo giu' ra limayak ru pagun Libanon, giu' ra tampilon rabugus ru Gunung Girmon. Nabuoi kaga' i Josua nangayou ra raja' ru wilayah raginio, kaa' rinakop am pinatoi no ilo ngaangai'.

JOSUA 11:8

Nanaak Tuhan ra ulun ru Israil ra kamanangan ra pantula'; ulun ru Israil namulunsar am nangilou ra pantula' saboi ra Misripot-Maim am Sidon giu' ra ralayo, am saboi ra Limayak Mijpa giu' ra sirangon. Pangayawan no nasauk saboi ngaangai' pantula' pinatoi.

JOSUA 13:11

nakasimpung niayuk libung Giliad, libung giu' ra liliut ru Gisur am Maakga, titikop intok ru Gunung Girmon am titikop libung ru Basan saboi ra Salka.

JOSUA 13:5

tana' ru ulun ru Gibal; titikop intok ru Libanon giu' ra tampilon sirangon no, intor ra Baal-Gad giu' ra tampilon rabugus ru Gunung Girmon saboi ra Ginting Gamat;

JOSUA 15:38

Dilian, Mijpa, Joktiil,

JOSUA 15:63

Kaa' bansa' ru Jiuda kalo nakapapagiru' ra ulun ru Jibusi ondo' minayan giu' ra Jirusalim. Ulun ru Jibusi lakat poyo minayan ra giu' no nabaya' ra bansa' ru Jiuda.

JOSUA 18:26

Mijpa, Kipira, Moja,

JOSUA 3:10

Paat ra akau jumalai ra maagu no, maaru' pagiruon No ulun ru Kanaan, Git, Giwi, Piris, Girgasi, Amori am Jibusi. Makapandai kau ra i Aki Kapuuno' ondo' maayag soroi ra tatanga' min

TINGGANAI RU BANSA' 20:1

Ngaangai' ulun ru Israil intor ra Dan ra tampilon ralayo, saboi ra Birsyiba ra tampilon rabugus, am niayuk intor ra Giliad ra tampilon sirangon, naninong ra piau no. Timinimung ilo koson santimungan ulun ra saang ru Tuhan ra Mijpa.

TINGGANAI RU BANSA' 21:5

Pangkuot ilo boo, “Mokoondo' kia bansa'-bansa' ra gino ngai' ru ulun ru Israil ondo' kalo maya' sambayang ra Tuhan giu' ra Mijpa ragili?” (Nakapagibot noyo ulun ru Israil ra osoi kalo mongoi ra Mijpa paat raginio musiti' ukumin ra potoyon).

TINGGANAI RU BANSA' 21:8

Paat ilo nangkuot ru lakat poyo mokoondo' bansa' ra gino ngai' ru ulun ru Israil ondo' kalo minaya' sambayang ra Tuhan giu' ra Mijpa, katutuni' nilo ra kolondo' sangulun pana intor ra bansa' ru Jabis giu' ra Giliad minongoi ra Mijpa.

TINGGANAI RU BANSA' 3:3

Ngaangai' bansa' ondo' lakat poyo mayan giu' ra Kanaan iono bansa' ondo' mayan giu' ra limo bandar ru Palistin, ngaangai' bansa' ru Kanaan, bansa' ru Sidon am bansa' ru Giwi ondo' mayan giu' ra Kagunungan Libanon, tumalimpuun intor ra Gunung Baal-Girmon saboi ra Ginting Gamat.

TINGGANAI RU BANSA' 3:5

Ginio sabap ra ulun ru Kanaan, Git, Amori, Piris, Giwi am Jibusi nagulayun mayan giu' ra pagun no nabaya' ra ulun ru Israil.

1 SAMUIL 10:17

Kopongo raginio piniau ri Samuil ngaangai' ulun ru Israil tumimung ra saang ru Tuhan giu' ra Mijpa.