JOSUA 11:16 - Tanou Moonsoi Timugon

¹⁶ Ginaau ri Josua titikop ru tana' raginio – kabuluran am lonson toojo ru bulur, iou pana giu' ra ralayo am poyo giu' ra rabugus, ngaangai' libung ru Gosyin am tana' mapua' tampilon rabugus ru Gosyin am niayuk Limayak Jordan.

JOSUA 11:16 Iomraidhean Croise

MAZMUR 105:44

Pinataak No pagun ru ulun bansa' ru bokon no risilo, am umo-umo nilo sinauk ra longgom ru ulun Nano,

MAZMUR 78:55

Bulintok ra ulun Nano nakasuku' ininggalaran No namagun no, am tatayaro' no pagun no ra ngaangai' ru bansa' ru Israil, am intok ru pantula' pinataak No ra ulun Nano.

YEHEZKIEL 17:23

gunung ondo' masawat kaga' ra Israil. Umbus no manampango am mangkawa', masauk boo ra puun tataun sidar ondo' moonsoi kaga'. Mansalinut susuit manabunsut ra giu' no, am sumindung ra saau nano.

YEHEZKIEL 36:8

Kaa' puun-puun tataun giu' ra kagunungan ru Israil makaraun am makakawa' saguli' ra tayar min, Israil kau, ulun Kuno. Kalo boo mabuoi makauli' kau.

SAGULION 1:7

Raino puwo' pangkiman mino, am ongoi ra intok kabuluran ru ulun ru Amori am giu' ra titikop libung ra liliut no: giu' ra Limayak Jordan, giu' ra intok kabuluran am tana' marata' magana', giu' ra libung tampilon rabugus, am giu' ra nagas ru Raat Tanga'. Ongoi noyo ra tana' ru Kanaan am giu' ra Kagunungan Libanon saboi ra Sungoi Iprat, sungoi ondo' maayo no.

JOSUA 10:40

Ginaau ri Josua ngaangai' tana' raginio. Kinala no raja'-raja' giu' ra kabuluran, pipilon ru bulur giu' tampilon ra sirangon, lonson toojo ru bulur giu' ra tampilon kalasaan am niayuk tana' mangapua' giu' ra tampilon rabugus. Kalo pinoloso no sangulun pana naayag; namatoi io ra moonong ulun. Ginio noyo susuban ru Tuhan i Aki Kapuuno' ru Israil.

JOSUA 10:41

Kinala ri Josua libung-libung intor ra Kadis-Barnia giu' tampilon rabugus saboi ra Gaja maar ra nagas, nakaaya' ngaangai' libung Gosyin, saboi ra Gibion giu' tampilon ralayo.

JOSUA 11:15

Tuhan nampataak ra susuban Nano ri Musa, ulipon Nano, am pinataak ri Musa ginio ri Josua; ginagaya' ri Josua susuban-susuban no. Binaal no ngaangai' ondo' nanusuban ru Tuhan ri Musa.

JOSUA 11:2

am niayuk raja'-raja' intor ra bandar-bandar giu' ra kabuluran ra ralayo, giu' ra Limayak Jordan tampilon ra rabugus ru Tasik Galilia, giu' ragana' toojo ru bulur, am giu' ra nagas maar ra bandar Dor.

JOSUA 11:21

Paat raginio namuso i Josua ra bansa' ru maayo ulun ondo' sabiton ra Inak, ondo' minayan giu' ra libung kabuluran – giu' ra Gibron, Dibir, Anab am giu' ra ngaangai' kabuluran ru Jiuda am Israil. Namatoi i Josua risilo ngaangai' am napalunsai ra bandar-bandar nilo.

JOSUA 12:8

Tana' raginio nakasimpung intok kabuluran, lonson toojo ru bulur tampilon ra kalasaan, Limayak Jordan am lonson toojo ru bulur ra giu' no, pipilon-pipilon ru bulur tampilon ra sirangon am tana' mapua' tampilon ra rabugus. Intok raginio inayanan ru ulun ru Git, Amori, Kanaan, Piris, Giwi am Jibusi ragili.

JOSUA 9:1

Tanou ra namanangan ru ulun ru Israil norongog ru ngaangai' raja' ru pagun tampilon ra kalasaan ru Sungoi Jordan: giu' ra kabuluran, giu' ra ragana' ru bulur, am giu' ra igig ru tampilon ra nagas ru Raat Tanga', saboi ra Libanon giu' tampilon ra ralayo. Ilo noyo raja' ru ulun ru Git, Amori, Kanaan, Piris, Giwi am Jibusi.