JOSUA 10:26 - Tanou Moonsoi Timugon

²⁶ I Josua pana namatoi ra raja'-raja' no am nampatair ra baangkai-baangkai no ra limo ngampuun tataun, am pinoloso baangkai ra giu' no saboi mamai'.

JOSUA 10:26 Iomraidhean Croise

2 SAMUIL 21:6

Ginio ra, pataako' tulu' ngaulun ungkuyon intor ra papag nano maa' raginio matair mai ilo ra saang ru Tuhan giu' ra Gibia, bandar intor ru Raja' Saul, raja' pinili' ru Tuhan.” Taam raja', “Iou noyo, pataakon ku ilo ramuyun.”

2 SAMUIL 21:9

Raja' Daut napataak risilo ra ulun ru Gibion. Tinair ilo ru ulun ru Gibion giu' ra rasawat ru gunung ra saang ru Tuhan, am katulu'-tulu' ngaulun no minatoi. Ukuman ra matoi no pinaugar paat ra pompor ru bulintok mambusak, paat ra tumalimpuun mangkumos ra barli.

ESTER 2:23

Paat ra baal raginio inimumuyan, napandayan toojo ra pambalaan raginio motopot; karuruo ngaulun no inukuman ra tairon. Kopongo raginio nanusub raja' maa' raginio baal raginio tulisin ra ralalom ru buuk panulisan rasmi ru pamarintaan.

MAZMUR 149:7

koson mampaala ilo ra ngaangai' bansa', am mangukum ra ulun nilono;

MAZMUR 18:41

Okou nangkinibit ra pantula' kuno nagiru' intor raki'; pusoon ku ulun ondo' masisang raki'.

UNTABAN 25:4

am indagu ri Musa, “Rokopo' ngaangai' tingganai ru ulun am potoyo' ilo paat ra matawang, sumugut ra susuban Kuno, maa' raginio kalo boo sumangit Aku ra ulun ragitio.”

MATIUS 27:25

Ngaangai' ru ulun no timinaam, “Polosoo' noyo akai am anak maino balasin ukumin sabap ra pinatayan Nano.”

JUANIS 19:31

Orou ragili orou kalimo, orou Tampasan ra Pangiantakan ra Paska. Tingganai ru ulun ru Jaudi no marara' mompoloso ra baangkai nilai ra salip paat ra orou Sabat, sabap ra minggu' ragili orou Sabat i maatang kaga'. Ginio ra nakitaak ilo ri Pilatus ra kalayam ru ulun-ulun sinalip no pandakon, am baangkai nilai patuunon intor ra salip.

GALATIA 3:13

Kaa' i Kristus nampalabus noyo ritakau intor ra usung ondo' kinibit ru Ukum ri Musa ti, ra Io nokoowot ra usung sabap ra itakau. Mokoondo' tinulisan ra Buuk Kitab ra, “Mapara' piboo usung ru ulun ondo' salipon ra tataun.”

JOSUA 8:29

I Josua nampatair ra raja' ru Ai ra sampuun tataun am baangkai no pinoloso ra giu' no saboi mamai'. Paat tumolop mato ru orou, nanusub i Josua ra ulun koson napatuun ra baangkai no am namatir raginio giu' ra saang ru kulobon garabang ru bandar. Pinumpunan nilo baangkai no ra batu saboi nasauk ra rondo' pumpun maayo; batu-batu no lakat poyo soroi ra giu' no saboi ra orou raiti'.

TINGGANAI RU BANSA' 8:21

Indagu i Jiba am i Salmuna ri Gidion, “Nian, amon ru ungkuyon kou, potoyo' noyo akai ra kalindu' muno galama'!” Ginio ra namatoi i Gidion risilo, am nangalap ra ngaangai' limpor ondo' soroi ra liog ru unta nilo.

1 SAMUIL 15:33

Kon boo ri Samuil, “Koson ra ilang muno nangkinibit noyo ra masuang ina' naluusan ra anak, kon raginio niayuk ra ina' muno maluusan ra anak nano.” Puputulo' boo ri Samuil no Raja' Agag giu' ra saang ru altar giu' ra Gilgal.