JOSUA 1:5 - Tanou Moonsoi Timugon

⁵ Okou Josua, kolondo' sangulun pana makapangala rirun buoi ra okou maayag. Mabaya' Aku rirun koson Aku nabaya' ri Musa. Magail Aku mabaya' rirun, am kalo toojo mangiruan rirun.

JOSUA 1:5 Iomraidhean Croise

KASAUKAN 39:2

Nagalung Tuhan ri Jusup saboi iawo io ra ngaangai' kondoyon nano. Minayan i Jusup ra tuan nano, ulun ru Misir no.

1 RAJA'-RAJA' 1:37

Koson ra Tuhan nabaya' rirun, gama' ru Io niayuk mabaya' ri Salomo am mampasauk ra pamarintaan nano langkaya' poyo intor ra pamarintaan muno.”

1 RAJA'-RAJA' 11:38

Amon ru gumagaya' kou Raki' ra sotopot-topot no, maayag sumugut ra ukum Kuno, manugut ra susuban Kuno, am niayuk mapabansuk ra guang Kuno, koson ra ulipon Kuno i Daut ragili, magail Aku mabaya' Rirun. Mapasauk Aku rirun ra raja' ru Israil am manutun Aku maa' raginio papag muno maparayus ra pamarintaan muno koson ra binaal Kuno ri Daut.

1 RAJA'-RAJA' 6:13

Sumoroi Aku ra ulun Kuno Israil giti ra Baloi ondo' baalon mutu, am kalo noyo iruanin Ku ilo.”

1 RAJA'-RAJA' 8:57

Gama' ru Tuhan, i Aki Kapuuno' takau mabaya' ritakau koson ra Io mabaya' ra kinamatuaan takali. Gama' ru kalo mangiruan Io ritakau kapoam mangimpai ritakau.

1 TUNUNG RU BANSA' ISRAIL 28:20

Kon poyo ru Raja' Daut ra anak nano, i Salomo, “Okou musiti' mangintopot am baani. Talimpuuni' noyo kandoi no am pai' kalaa' ra atan pana. Tuhan i Aki Kapuuno' ondo' sambaan kuno mangindangan rirun. Kalo mangiruan Io rirun, kaa' mabaya' Io rirun saboi ra ngaangai' no mopongo.

MAZMUR 46:11

Minindagu Io, “Langgai' noyo pangayawan, uligi' min noyo ra Aku ti i Aki Kapuuno', ondo' matulai intor ra ngaangai' bansa' am ra titikop ru tana' ti.”

KAINGKUALAN 3:12

Indagu i Aki Kapuuno', “Mabaya' Aku rirun. Paat ra maibit mu noyo ulun ru Israil mingkual intor ra Misir, sumambayang kau samba Raki' ra gunung ti. Ginio noyo inono' ra Aku nanusub rirun.”

JISAYA 42:16

Kitangon Ku ulun Kuno ra nobolou maya' ra ralan ondo' kalo poyo igondo' nilo bayai'. Kulawon Ku kalandaman masauk ra sinda, am taubin ku tana' ra tangkilubok no risilo. Ginio noyo baal ondo' baalon Kuno, Musiti' no pongoon Ku ngaangai' no.

JIRIMIA 1:8

Pai' no kalaa' risilo sabap ra mabaya' Aku rirun koson manindung rirun. Aku, Tuhan, nakaindagu noyo!”

DANIL 11:16

Pamakuan ru panguasa' ru Siria risilo maya' ra kasagaan ru guang ra kolondo' manggal. Mayan io ra tana' ondo' moonsoi am manguasa' ra ngaangai' no.

MATIUS 28:20

Ilaa' ilo ti mampagagaya' ra atan ondo' panusuban Kuli. Karaa' noyo, soroi Aku mabaya' ramuyun saboi ra orou pupus ru tana' ti.”

ROMA 8:31

Sabap raginio, atan boo paraguon takau? Amon ru i Aki Kapuuno' bala takau, osoi kia makagula' ritakau? Maaru' kolondo'!

ROMA 8:37

Kaa' ralalom ru ngaangai' baal raginio kamanangan moowot takano maayo, sabap ra motogom i Kristus ritakau.

SAGULION 20:1

“Paat ra akau mingkual koson mangayou ra pantula' min, pai' kalaa' paat akau makakito ra kurita' kuda, kuda am saujor ru pantula' ondo' masuang poyo intor ramuyun. Namayag noyo ramuyun Tuhan i Aki Kapuuno' min intor ra Misir mabaya' ramuyun.

SAGULION 20:4

Tuhan i Aki Kapuuno' min mabaya' ramuyun; manaak Io ramuyun ra kamanangan.’

SAGULION 31:23

Tuhan pana mindagu ri Josua anak ri Nun, “Okou musiti' mangintopot am baani. Okou maningganai ra ulun ru Israil mongoi ra tana' ondo' binantu' Ku noyo risilo, am mabaya' Aku rirun.”

SAGULION 4:31

Tuhan i Aki Kapuuno' min iono i Aki Kapuuno' ondo' makaasi'. Kalo mangiruan kapoam mamuso Io ramuyun. Kalo lilianin No nabantuan ondo' binaal Nano galama' ra kinamatuaan min.

SAGULION 7:24

Mapataak Io ra raja' nilono ramuyun. Potoyon min ilo, am lilianin ilo ru ulun. Kolondo' sangulun pana makapanginga' ramuyun; mamuso kau ra moonong ulun.

2 TIMOTIUS 4:17

Kaa' Tuhan noyo ondo' nangampin raki' am nampaikang raki' saboi naalap ku mampabala' ra ngaangai' ru Tanou Moonsoi no, suku' maining boo ru ulun sala' ka Jaudi. Ginio ra pinalabus aku niayuk intor ra potoyon raan.

IBRANI 13:5

Pai' noyo pagingkaut ayuk ra ruit, kaa' karaan min ayuk ra sama' noyo atan ondo' soroi ramuyun no. Sabap ra minindagu noyo i Aki Kapuuno', “Kalo noyo toojo polosoon kapoam iruanin takamin.”

JOSUA 1:17

Gumagaya' akai rirun koson ra akai magail giminagaya' ri Musa. Gama' ru Tuhan i Aki Kapuuno' muno mabaya' rirun koson Io nabaya' ri Musa!

JOSUA 1:9

Karaa' noyo susuban Kuno rirun maa' raginio mangintopot am baani kou! Pai' kalaa' kapoam mapalo guang, sabap Aku Tuhan i Aki Kapuuno' muno, mabaya' rirun ra ati ayuk angayan muno.”

JOSUA 10:8

Indagu Tuhan ri Josua, “Pai' kalaa' risilo. Nanaak Aku noyo rirun ra kamanangan. Kolondo' sangulun pana intor risilo makaanggal rirun.”

JOSUA 21:44

Nanaak Tuhan risilo ra kamiaan giu' ra titikop ru tana' no koson ra binantu' Nano ra kinamatuaan nilai. Kolondo' sangulun pantula' pana makaanggal risilo, sabap nanaak noyo Tuhan ra ulun ru Israil ra kamanangan ra ngaangai' pantula'.

JOSUA 3:7

Indagu Tuhan ri Josua, “Atan ondo' baalon Kuno ra orou raiti' mangkinibit ra ulun ru Israil mangurumat toojo Raki'. Makaliman ilo ra mabaya' Aku rirun koson Aku nabaya' ri Musa.

JOSUA 6:27

Tuhan mabaya' ri Josua am masauk io ra mauligan kaga' ra titikop ru pagun no.

TINGGANAI RU BANSA' 2:18

Paat ra Tuhan manaak risilo ra sangulun tingganai, mangindangan Tuhan ra tingganai no am mamayag risilo intor ra pantula' buoi ru tingganai no maayag. Makaasi' Tuhan risilo paat ra ilo maguros sabap inimbolo' am inulipon.

TINGGANAI RU BANSA' 6:16

Indagu Tuhan riso, “Mangindangan Aku rirun, sabap raginio maaru' makasugut kou. Kalaan mu ulun ru Midian ra ilain koson nantaluma' kou ra sangulun ayuk.”

1 SAMUIL 10:7

Paat ra masauk baal raginio, baalo' atan ayuk limanin muno ra moonsoi, sabap ra i Aki Kapuuno' mabaya' rirun.