JOSUA 1:1 - Tanou Moonsoi Timugon

¹ Pakapatoi i Musa ulipon ru Tuhan no, minindagu Tuhan ri Josua anak ru Nun, mangindangan ri Musa.

JOSUA 1:1 Iomraidhean Croise

1 RAJA'-RAJA' 19:16

Baalo' niayuk ginio ri Jigu anak ri Nimsi maa' raginio masauk io ra raja' ru Israil, am niayuk ri Ilisa anak ri Sapat intor ra Abil-Migola maa' raginio masauk io ra nabi malit rirun.

2 RAJA'-RAJA' 3:11

Pangkuot Raja' Josapat, “Mokoondo' kia ra sangulun nabi ragiti, maa' raginio makitulu' takau intor ra Tuhan?” Taam sangulun pagawai ru saujor ru Raja' Joram no, “I Ilisa anak ri Sapat soroi ragiti. Ragili io mangindangan ri Ilia.”

NIGIMIA 8:17

Ngaangai' ulun ondo' siminaguli' intor ra pamatiran nambaal ra kalukub am minayan ra giu' no. Gitio noyo kainsaa' baal raginio binaal intor ra bulintok ri Josua anak ri Nun. Ilo ngaangai' naansayan am naansukan.

KAINGKUALAN 24:13

Ginio ra tampos i Musa am i Josua, mangindangan riso, am pagaloi i Musa ra gunung matulai no.

UNTABAN 11:28

Kopongo raginio i Josua anak ri Nun, ondo' nangindangan noyo ri Musa intor ra io mamulok, minindagu ri Musa, “Tuan, susubo' ilo mongkoror!”

UNTABAN 12:7

Kaa' kalo koson raginio ra ulipon Kuno i Musa; sinauk Ku noyo io ra tingganai ru ngaangai' ulun Kuno Israil.

UNTABAN 13:16

Ginilo noyo pansigo ondo' sinusub ri Musa koson lumiput ra tana' no. Binandingan ri Musa inggalan ri Gosia anak ri Nun nasauk ri Josua.

LUKAS 16:10

Osoi kalansanin ra baal kalo maatang, kalansanin niayuk ra baal maatang. Kaa' osoi mamparuung ralalom baal kalo maatang, mamparuung io niayuk ralalom baal maatang poyo.

RINALATAN 7:45

Kopongo ragili kinamatuaan takali nangapu ra Kim ti am inibit nilo paat ra ilo minaya' ri Josua minongoi pampagaau ra pagun takau ti. Ioginio paat ri Aki Kapuuno' nampagiru' ra bansa' ru bokon ondo' nongompong risilo. Kim i siminoroi ra giu' i saboi ra paat ru raja' Daut.

ROMA 1:1

Pabukat kau ngaangai', aku i Paulus, ulipon ri Jisus Kristus am rasul ondo' pinili' am piniau ri Aki Kapuuno' mampabala' ra Tanou Moonsoi Nano.

SAGULION 1:38

Kaa' kaikango' noyo guang ru mangindangan rirun, i Josua anak ri Nun, sabap maningganai io ra Israil koson mayan ra tana' no.’

SAGULION 31:23

Tuhan pana mindagu ri Josua anak ri Nun, “Okou musiti' mangintopot am baani. Okou maningganai ra ulun ru Israil mongoi ra tana' ondo' binantu' Ku noyo risilo, am mabaya' Aku rirun.”

SAGULION 31:3

Tuhan i Aki Kapuuno' min galama' maningganai ramuyun am mamuso ra bansa'-bansa' ondo' minayan ra giu' no, maa' raginio makaayan kau ra tana' nilo. Masauk i Josua ra tingganai min, koson ra rinagu noyo ru Tuhan.

SAGULION 33:1

Ra kalo poyo minatoi, i Musa, ulipon ri Aki Kapuuno' no, nambarakat ra ulun ru Israil ra ragu-ragu ragitio:

SAGULION 34:12

Kolondo' nabi ra bokon ondo' nambaal ra baal maayo am makalalaa' koson ra binaal ri Musa ra saang ru ngaangai' ulun ru Israil.

SAGULION 34:5

Kopongo raginio i Musa, ulipon ru Tuhan no, minatoi giu' ra tana' ru Moab, koson ra ondo' rinagu noyo ru Tuhan.

SAGULION 34:9

Nanaak Tuhan ra kapintaran ri Josua anak ri Nun sabap sinauk ri Musa io ra suali nano. Giminagaya' ulun ru Israil ri Josua am niayuk nambaal ra susuban ondo' tinaakan ru Tuhan risilo ondo' pinasaboi galing ri Musa.

TITUS 1:1

Aku i Paulus mamatik ra surat ti koson sangulun ulipon ri Aki Kapuuno' am sangulun rasul ri Jisus Kristus. Aku pinili' koson mampaingkotog ra pangintapatan ru ulun pinili' ri Aki Kapuuno' am mampaintutun risilo ra pangilaan motopot sumugut ra ugama takau.

JAKUBUS 1:1

Aku i Jakubus, sangulun ulipon ri Aki Kapuuno' am niayuk ulipon ru Tuhan Jisus Kristus. Kaansayan ku ra ngaangai' ulun ri Aki Kapuuno' ondo' soroi ra titikop ru tana' ti.

JOSUA 1:15

saboi magaau nilo tana' tampilon ra kalasaan ru Sungoi Jordan, ondo' pataakon ru Tuhan i Aki Kapuuno' min risilo. Makapangani' Io ra kamiaan ra ngaangai' bansa' ru Israil, bagu no makasaguli' kau am lumayun ra tana' min galama', tana' tampilon ra sirangon ru Sungoi Jordan ondo' pataakon ri Musa, ulipon ru Tuhan no ramuyun.”

JOSUA 1:2

Indagu Tuhan, “Minatoi noyo ulipon Kuno i Musa. Moonsoi tumampos kau, okou am ngaangai' ulun ru Israil. Laup noyo ra Sungoi Jordan am ongoi noyo ra tana' ondo' taakin Kuno risilo.

JOSUA 12:6

Raja'-raja' no kinala ri Musa am ulun ru Israil. I Musa ulipon ru Tuhan, nanaak noyo ra wilayah ru raja'-raja' no ra bansa' ru Rubin, Gad am sampiruo intor ra bansa' ru Manasi koson longgom nilo galama'.

PINAINTALANG 1:18

Aku noyo kaayagan! Minatoi Aku noyo, kaa' ilai', maayag Aku ra mantilayun. Makakuasa' Aku ra kapatayan am intok ru ulun-ulun namagatoi.