JOIL 3:3 - Tanou Moonsoi Timugon

³ Nagugundi' ilo koson mangaru' ra ulun makaalap ra ulun rinakop. Nantalan ilo ra lalaing ungkuyon am ruandu' maa' raginio saukon ra ulipon. Alapon nilo ruit ondo' naapu koson mambayar ra ulun mantalan ra inan am mambali ra wain.

JOIL 3:3 Iomraidhean Croise

AYUP 6:27

Makatampos kano magugundi' koson mangaru' ra kinuo ru lalaing napatayan ra matuo, am rinuung min rangan toojo min koson lumangkaya'.

YEHEZKIEL 27:13

Mantalan kou giu' ra Junani, Tubal am Misik, am nokoowot ra ulipon am kuliamos gangsa' koson ra pangalig ra kuliamos muno.

JOIL 1:5

Akau ondo' nagauk, tirong kano! Akau ondo' manginum ra wain, pantangi' kano! Wain ondo' baguon ginaau noyo intor ra kabang min.

AMOS 2:6

Indagu Tuhan, “Ulun ru Israil ruruli' noyo makatula, sabap raginio maaru' ukumin Ku ilo. Nantalan ilo ra ulun mabanis guang koson ra ulipon; ulun mabanis guang ondo' kalo makabayar ra utang nilo. Koson raginio niayuk ondo' binaal nilo ra ulun musikin ondo' kalo makabayar ra utang, kabalu' pana utang no koson ra logo ru satuop salipar.

OBAJA 1:11

Paat ra pantula' mampalunsai ra kulobon garabang ru Jirusalim am kuasaan bandar no, kolondo' atan pana mabaal min. Nogondo' laat min ra ulun bansa' ra bokon ondo' nagaut ra rapu' ru Jirusalim, am tinayar-tayar ginio ra ilo galama'.

NAGUM 3:10

Kabalu' pana raginio, mamagun ru Tibi rinakop am pinatiran ra pagun. Giu' ra moonong pisuk ru ralan, anak-anak nilo linamba' saboi minatoi. Tingganai-tingganai nilo rinantai am tinayar-tayar ra gino ngai' ru ulun ondo' namparakop risilo.

PINAINTALANG 18:13

am kaningau, apa' pampagamis ra akanon, salong, mur am kaminyan; wain am umau; tapung am gandum; sapi' am domba, kuda am kurita', am ulun pana tinalan, ioginio ulipon.