JOIL 1:2 - Tanou Moonsoi Timugon

² Rongog kano, akau ulun matutuo; rongog kano, akau ngaangai' ulun giu' ra Jiuda. Igondo' kia baal koson ragitio nasauk paat min ragili, kapoam paat ru kinamatuaan min ragili?

JOIL 1:2 Iomraidhean Croise

AYUP 12:12

Kapintaran soroi ra ulun matutuo, kaa' kapintaran am kuasa' soroi ri Aki Kapuuno' ayuk. Pangaratian mokoondo' ra ulun matutuo, kaa' pangaratian am kuasa' tumimbalos soroi ri Aki Kapuuno' ayuk.

AYUP 15:10

Nokoowot akai ra kapintaran intor ra ulun ondo' inuanon, soroi ilo no ra kalo poyo ama' muno inanak.

AYUP 21:7

Kua ra ulun malaat maawar umur, am masauk ra langkaya'?

AYUP 8:8

Karaa' toojo kapintaran ra galing i; karaa' noyo nailian ru kinamatuaan takali.

MAZMUR 49:1

Mazmur ru bansa' ri Kora. Ra tingganai santimungan maririmbai.

JISAYA 34:1

Ratong kau, akau ngaangai' bansa'! Timung kano am rongog kano! Titikop ru tana' am moonong ulun minayan no musiti' rumatong am mangkirongog.

JISAYA 7:17

Porotongon ru Tuhan raja' Asyur, am okou mabaya' ra ngaangai' papag muno am niayuk mamagun makaliman ra karaat ondo' malaat kaga' ka atan ondo' natutunan nilo intor ra Israil nakatuliar intor ra Jiuda.

JIRIMIA 30:7

Orou makalalaa' masaboi, orou ondo' kolondo' pogondo' no. Tayar ru ulun Kuno, ginio noyo orou ondo' mampakalaa' risilo, kaa' bayagon ilo.”

JIRIMIA 5:21

Rongog no, ulun kau ra sasambungon am iisan! Makamato kau kaa' kalo makakito; makatalingo kaa' kalo rumongog!

DANIL 12:1

Malaikat ondo' nambayang ra linon no mindagu, “Paat raginio, malaikat maayo, iono i Maikol manindung ra bansa' muno sumalula'. Bulintok raginio mokoondo' ra kapaganan ondo' maagat kaga' intor ra bansa'-bansa' soroi. Paat raginio, ngaangai' ulun intor ra bansa' muno ondo' inggalan nano tinulisan ra ralalom ru kitab ri Aki Kapuuno' bayagon.

GOSIA 4:1

Mokoondo' Tuhan ra panguwan ra ulun ondo' minayan ra pagun ti. Okou Israil, rongogo' noyo ragu ru Tuhan. Gitio noyo panguwan Nano: “Pagun ti kalo makaulig ra arati' ru gagaya' kapoam togom. Mamagun nano kalo mangiou ra Aku ti i Aki Kapuuno'.

GOSIA 5:1

Imam kau ngaangai', rongog kano! Akau ulun ru Israil, ilai' toojo! Akau pabukat ru raja', rongog kano! Akau noyo ondo' musiti' mangakim ra matimpok, kaa' akau galama' akimin! Nasauk kano koson ra landak giu' ra Mijpa, koson ra jajaling ondo' pinaatang giu' ra Gunung Tabor,

JOIL 1:14

Pangani' no ra susuban koson mampali; pambaal no rondo' pantimungan. Susubo' tingganai-tingganai am ngaangai' mamagun ru Jiuda matong ra Baloi ru Tuhan, i Aki Kapuuno' min am pampiau makiindangan Riso.

JOIL 2:2

Orou raginio molondom am majuut, orou maitom am makagaun. Saujor ru gapu' no matong koson ra kalandaman ondo' liminibung ra kagunungan. Kalo poyo igondo' nasauk baal koson ragitio, am baal ragitio kalo boo masauk saguli'.

AMOS 3:1

Akau ulun ru Israil, rongogo' tanou ru Tuhan intor ra ngaangai' ru bansa' min, ondo' inibit Nano miningkual intor ra Misir. Indagu Tuhan,

AMOS 4:1

Rongog kano, akau ruandu' Samaria ondo' liminomok poyo koson ra sapi' molomok giu' ra Basan! Nangimbolo' kau ra ulun malawo, manginjang ra ulun musikin am masaga' kaga' manusub maa' raginio ralaki mino magail mangula' ra inumon makagauk ramuyun!

AMOS 5:1

Rongog kano, akau ulun ru Israil! Rimbayin Ku akau ra rimbai panguliran:

MIKA 1:2

Rongog kano, akau ngaangai' bansa'; ilai' noyo, akau ngaangai' mamagun ru tana' ti! Tuhan Raja' masauk ra sasi' koson manguu' ramuyun ngai'. Rongog kano! Mindagu Io intor ra intok Nano ondo' matulai giu' ra suruga'.

MIKA 3:1

Rongog kano, panguasa' ru Israil kau ngai'! Akau musiti' no mampalio ra katimpakan,

MIKA 3:9

Rongogo' noyo ragu-ragu kutu, panguasa' ru Israil kau ngai', akau ondo' masisang ra katimpakan am mangulau ra katapatan masauk ra kasalaan.

MATIUS 13:9

Indagu boo i Jisus, “Rongogo' am karaa' min!”

MATIUS 24:21

Sabap ra kalaatan ru paat raginio kalo igondo' nasauk intor ra tana' ti biningkal saboi raino am kalo boo masauk saguli'.

PINAINTALANG 2:7

“Rongogo' am karaa' noyo atan kon ru Ambiluo ri Aki Kapuuno' ra pasimpungan ulun Kristian no! Osoi ayuk mangala ra kuasa' ru kalaatan paakanon Ku io ra kawa' intor ra puun ru mampakaayag ondo' tumuu' ra Pirdaus.”