JIRIMIA 9:3 - Tanou Moonsoi Timugon

³ Masalok ilo tumampos lalair koson magabau; giu' ra titikop pagun ondo' motopot kalo manguasa', tumbalik no gumaai-gaai kalo mabanis guang. Indagu Tuhan, “Ulun Kuno kalo lulumonggo' mambaal ra kalaatan, kalo mangiou ilo Raki' koson i Aki Kapuuno' nilo.”

JIRIMIA 9:3 Iomraidhean Croise

KASAUKAN 39:16

Bulii' no sukub ri Jusup no saboi tingganai ru baloi no nakauli'.

AMSAL 12:5

Ulun mabanis guang mangkara' ra baal-baal moonsoi, kaa' pinson ru ulun malaat ruung ayuk.

JISAYA 1:3

Sapi' makaulig ra nomolonggom riso no, am kaladai pana makatanda' ra intok papaakanan riso ru nomolonggom riso no, kaa' ulun Kuno Israil kalo makatutun. Totopot kalo makarati' ilo.”

JISAYA 3:5

Moonong ulun mangimpai ra ulun bokon. Ulun mamulok kalo boo mangurumat ra ulun matutuo, am ulun kolondo' pangkat kalo boo mangurumat ra ulun makapangkat.

JISAYA 6:5

Indagu aku boo, “Aibui boo raki'! Kolondo' boo kalansanan kuno, sabap moonong raguon kuno makatula, am nakalatok aku ra ulun koson niayuk raginio. Kabalu' pana raginio, mato am ulu kutu galama' nakakito ra Raja', Tuhan Ondo' Maayo Kaga' Kuasa'!”

JISAYA 9:18

Sabap ra Tuhan Ondo' Maayo Kaga' Kuasa' siminangit toojo, ukuman Nano koson ra apui ondo' nonolob ra titikop ru pagun no am niayuk namagun nano. Moonong ulun mangkara' ayuk ra kaatangan ru inan nano galama'.

JIRIMIA 12:6

Tinumbalik kou boo napumpung pabukat-pabukat muno galama'; babaya' ilo mamulunsar rirun. Pai' no pangintopot risilo, kabalu' pana ragu nilono maamis.”

JIRIMIA 22:16

Mangakim io ra baal ru ulun musikin ra matimpok; ngaangai' no mugar ra moonsoi riso. Ginio arati' no makaulig ra Tuhan.

JIRIMIA 31:34

Kolondo' sangulun pana risilo musiti' mangila' ra ulun pogondo' nano koson mulig ra Tuhan, sabap ra ilo ngaangai', maayo boborok, makaulig Raki'. Lilianin Ku kasalaan nilo am mangampun ra tula nilo. Aku, Tuhan, nakaindagu noyo.”

JIRIMIA 4:22

Indagu Tuhan, “Sasambungon ulun Kuno; kalo makaulig ilo Raki'. Koson ilo ra lalaing sasambungon, kolondo' karatian nilo. Mapandai ilo toojo mambaal ra malaat, kaa' mailo mambaal ra moonsoi.”

JIRIMIA 5:4

Aku pana nangkara', “Ilo no ulun ayuk ondo' kolondo' napandayan ra atan pana. Sasala' baalon nilo; kalo makapandai ra gogoton ri Aki Kapuuno' nilo, am kasagaan ru Tuhan risilo.

JIRIMIA 5:5

Mongoi aku ra tingganai-tingganai am mindagu risilo. Maaru' makapandai ilo ra gogoton ri Aki Kapuuno' nilo, am susuban ru Tuhan nilo.” Kaa' ilo ngaangai' nangimpai ra kakuasaan ru Tuhan am marara' gumagaya' Riso.

JIRIMIA 6:28

Ilo ngaangai' gugumuor ondo' mokotog guang, koson ra kinokotog ru tambaga' am basi'. Malaat paliso nilo am mugar mongoi ra ati-ati koson mampatanou ra tanou ondo' mampalaat ra ulun bokon.

JIRIMIA 7:26

Kaa' kolondo' osoi pana ondo' mangkirongog kapoam mampalio risilo. Inambai min ra nasauk ra mokotog poyo guang am masaga' poyo gumuor intor ra kinamatuaan mini.

JIRIMIA 9:5

Ngaangai' ilo mamparuung ra rangan, kolondo' sangulun pana mindagu ra motopot. Maindalom ilo mindagu ra magabau, marara' ilo lumonggo' mambaal ra tula. Puka' rayusin ra puka', ruung rayusin ra ruung, rayusin baalon. Minindagu Tuhan ra ulun Nano marara' mulig Riso.

JIRIMIA 9:8

Rila' nilo koson ra panah ondo' makapatoi; kalo lulumonggo' ilo magabau. Ragu nilono maamis ra mangambi', kaa' sotopot no nampakaang ilo ra pampalandak.

YEHEZKIEL 8:13

Indagu boo Tuhan raki', “Makakito kou risilo mambaal ra baal-baal ondo' makauyuyu' poyo intor raginio.”

DANIL 11:27

Ruo ngaulun raja' no pana manturung boo am mabaya' mangakan ra rondo' mija', kaa' guangon nilo malaat. Mamparuung ilo ra rondo' am bokon, kaa' kalo makasugut ilo sabap ra kalo poyo nasaboi jam nilo.

IMAMAT 19:11

“Pai' pantakou ra atan pana; pai' pamparuung ra osoi pana; pai' pagabau.

MARKUS 8:38

Sabap ra osoi ayuk mauyu' mangiou Raki' am pangilaan Kuno ra tatanga' ru ulun ondo' kalo boo mangintopot am makatula ti, Anak ru Ulun pana mauyu' mangiou ra ulun raginio paat ra Io matong ralalom katulayan ru Ama' Nano, sumbayaan ru malaikat-malaikat ondo' matulai.”

JUANIS 17:3

Gitio noyo kaayagan motopot am mantilayun; ra makaulig ilo Rirun, i Aki Kapuuno' ondo' motopot, am poyo i Jisus Kristus ondo' sinusub Mutu.

RINALATAN 24:9

Ulun ru Jaudi pana ondo' soroi ra giu' i minaya' panguu' ri Paulus am nangiou ra ragu ri Tirtulus ti.

ROMA 1:16

Ginio ra mangintopot aku toojo ra Tanou Moonsoi ti mampakito ra kuasa' ri Aki Kapuuno' mamayag ra ngaangai' ulun ondo' mangintopot ri Jisus, kasaa' ra ulun ru Jaudi am niayuk ra bansa' ra bokon.

ROMA 1:28

Sabap ra ulun marara' mangiou ra katapatan ri Aki Kapuuno', pinoloso No pamaguangan nilo lumaat, saboi baalon nilo majaka'.

ROMA 3:13

Ragu nilo mangkinibit ra kapatayan; mamparuung ilo ra ulun mansail ra abau nilo, am ragu simbaal nilo, koson ra bisa' ru kukuo.

1 KORINTUS 15:34

Tandaa' noyo pangkaraan mino, am pai' boo pambaal ra tula. Sotopot no mauyu' kau ra mokoondo' intor ramuyun ondo' lakat ayuk poyo kalo makaulig ri Aki Kapuuno'.

PILIPI 1:28

Pakakau' kano; pai' kalaa' risilo ondo' mangimbolo' ramuyun. Intor ra ginio mampakito kau ra ilo ti maala am akau makagula', sabap ri Aki Kapuuno' galama' intor ru indangan minti.

2 TIMOTIUS 3:13

Kaa' ulun ondo' mangalaat am mamparuung no, gumaai poyo kinalaat nilai no. Ilo mamparuung ra ulun ra bokon, kaa' ilo pana galama' maruung niayuk.

JUDAS 1:3

Pabukat kau ngai' ondo' tagamin ku! Mokoondo' noyo guang ku ra buoi ti koson manulis raan ramuyun intor ra pamayagan ti ondo' inapu takali. Kaa' raino ti malimanan ku ra moonsoi ru manulis aku noyo ramuyun ra surat ti koson anggalon min ilo ondo' tumula' ra pangilaan motopot intor ri Aki Kapuuno', ondo' pinataak ra igondo' ayuk ra ulun Nano ra sabuoi-buoi no.

PINAINTALANG 12:11

Pabukat-pabukat takau nangala noyo riso sabap ra Anak Domba nampasasar ra raraa' Nano, am sabap ra katapatan intor ri Aki Kapuuno' ondo' pinatanou nilo: am nakatampos ilo pampataak ra painawo nilono ra potoyon.

TINGGANAI RU BANSA' 14:17

Narayus nantangi' andu' ri Simson buoi tulu' ngoorou ru bunsag no. Paat orou ra katulu', nambala' i Simson ra arati' ru sundait no riso sabap ra narayus andu' nano sisingi'. Kopongo raginio nambala' andu' nano ra arati' no ra ulun ru Palistin.

TINGGANAI RU BANSA' 2:10

Kopongo raginio ngaangai' ulun ru Israil intor ra sukor raginio minatoi. Sukor bagu kalo nakaulig ra Tuhan sabap kalo nakaili' ilo ra atan ondo' binaal ru Tuhan tayar ru Israil.

1 SAMUIL 2:12

Anak-anak ri Ili malaat kaga'. Kalo mampalio ilo ra Tuhan.