JIRIMIA 8:3 - Tanou Moonsoi Timugon

³ Ulun intor ra bansa' malaat ti ondo' lakat poyo maayag, ondo' pinantutuliar Ku noyo ra nansalinut intok, masaga' poyo matoi intor ra maayag. Aku, Tuhan Ondo' Maayo Kaga' Kuasa' nakaindagu noyo.”

JIRIMIA 8:3 Iomraidhean Croise

1 RAJA'-RAJA' 19:4

am nonsongorou minugar minongoi ra tana' kaagisan. Kopongo raginio uog io am panturung ra saau ru sampuun tataun; moogot io matoi. Pakiasi' io, “Kaimbalaan ti maagat kaga' raki', iou Tuhan. Alapo' noyo painawo kutu, moonsoi poyo ra aku matoi!”

JIRIMIA 23:3

Timungon Ku ulun Kuno ra bokon intor ra pagun-pagun intok Kuno nampatutuliar risilo. Ibiton Ku ilo saguli' ra namagunan nilo. Mokoondo' ilo ra masuang papag am lumanja' suang nilo.

JIRIMIA 23:8

Kaa' magibot ilo ralalom ru inggalan Kuno, i Aki Kapuuno' ondo' maayag, ondo' nagibit ra ulun ru Israil miningkual intor ra rondo' pagun giu' ra ralayo, am intor ra ngaangai' pagun ra bokon intok Kuno nampatuliar risilo. Ilo pana mayan boo ra namagunan nilo galama'.”

JIRIMIA 29:14

Sotopot no, matuum min Aku. Pasagulion Takamin ra tana' min. Timungon Takamin intor ra moonong pagun am intor ra moonong intok nampatutuliaran Kuno ramuyun. Ibiton Takamin muli' ra pagun min galama'. Aku, Tuhan nakaindagu noyo.’

JIRIMIA 29:28

Nambala' io ra ulun takau giu' ra Babilonia ra lakat poyo soroi ilo mabuoi ra giu' koson ra ulun rinakop; ilo pana musiti' manambaloi, pamagun ra giu', manangumo am sumia' ra ampos nano.”

JIRIMIA 40:12

Ginio ra iniruanan nilo intok-intok nampatuliaran risilo, am siminaguli' ra Jiuda. Minatong ilo ri Gidalia giu' ra Mijpa, am giu' no nambuli ilo ra masuang wain am kikinawa'.

JIRIMIA 44:2

Gitio noyo ragu ru Tuhan Ondo' Maayo Kaga' Kuasa', i Aki Kapuuno' ru Israil, “Akau galama' nakatainu ra kapusaan ondo' pinalumpa' Ku ra Jirusalim am ngaangai' bandar ra bokon giu' ra Jiuda. Saboi raino pana bandar-bandar raginio lakat poyo ralalom ru baal nalunsai am kolondo' minayan.

JIRIMIA 44:6

Ginio sabap no ra sangit am lasu' ru guang Kuno nakalumpa' ra bandar-bandar Jiuda am ralan-ralan giu' ra Jirusalim. Solobon Ku ngaangai' no saboi masauk ra nalunsai am intok ondo' makalalaa' saboi raino.

JIRIMIA 6:9

Tuhan Ondo' Maayo Kaga' Kuasa' minindagu raki', “Saliiron Israil koson ra umo ru anggur ondo' kawa' nano inupu' noyo ngaangai'. Ginio ra buoi ru orou lakat poyo soroi, bayago' ulun ondo' lakat poyo maayag.”

DANIL 9:7

Okou, iou Tuhan masalok mambaal ra motopot, liliwa' akai masalok manuyu' ramon galama'. Koon raginio niayuk ra ngaangai' ru bansa' mai ondo' minayan ra Jiuda, Jirusalim, am ngaangai' ulun ru Israil ondo' pinantutuliar Mu giu' ra pagun-pagun mamaar am maalur sabap ra kalo gumagaya' ilo Rirun.

IMAMAT 26:33

Porotongon Ku pangayawan giu' ra pagun mino, am mantutuliar kau giu' ra pagun ru ulun bokon. Makai' kalunsai bandar mino am mokoloso pagun mino.

AMOS 3:1

Akau ulun ru Israil, rongogo' tanou ru Tuhan intor ra ngaangai' ru bansa' min, ondo' inibit Nano miningkual intor ra Misir. Indagu Tuhan,

JUNUS 4:3

Raino, iou Tuhan, polosoo' noyo aku matoi ayuk, sabap ra moonsoi poyo matoi aku ka maayag.”

MIKA 2:3

Ginio ra mindagu Tuhan, “Nangatang aku koson maparatong ra karaat patiwon ramuyun. Kalo makapagiru' kau intor ra karaat no. Malumpa' kau ra kapaganan, am akau pana kalo boo makapaliso ra malilimbau.

SAGULION 30:1

“Nangani' aku noyo ramuyun ra pilian ru barakat kapoam ulas. Paat ra ngaangai' baal ragitio masauk ramuyun, am mayan kau ra gino ngai' ru bansa'-bansa' ra intok akau pinantutuliar ru Tuhan i Aki Kapuuno' min, am makara' min pilian ondo' taakin kuno ramuyun.

SAGULION 30:4

Kabalu' pana pinantutuliar kau noyo ra titikop ru tana', timungon kau saguli' ru Tuhan i Aki Kapuuno' min.

PINAINTALANG 6:16

Konilo ra gunung am batu, “Intupi' akai no. Sibunio' akai no intor ra pagilangan ru Io ondo' nanturung ra takhta no, am intor ra ukuman ru Anak Domba no!

PINAINTALANG 9:6

Buoi ru limo ngambulan no maguyum ulun-ulun ra patayan, kaa' kalo matoi ilo; moogot ilo matoi kaa' kapatayan maalur intor risilo.