JIRIMIA 8:2 - Tanou Moonsoi Timugon

² Kuayan no sala' ka timungon am lobongon poyo, kaa' koson polosoon ra tana' koson ra pampalabung. Bungul-bungul nilo makulipatak ra matuug ru sinda mato ru orou, sila' am butitin ondo' tagamin, intok mangandoi ayuk, sambaan am pakituluan nilo.

JIRIMIA 8:2 Iomraidhean Croise

2 RAJA'-RAJA' 17:16

Inanggal nilo ngaangai' ukum ru Tuhan, i Aki Kapuuno' nilo, am niayuk nambaal ra ruo sinungkalalaing ru sapi' intor ra basi' koson ra sambaan. Nambaal ilo niayuk ra sinungkalalaing Dewi Asyira, sumamba ra butitin-butitin am Baal.

2 RAJA'-RAJA' 21:3

Binaal no saguli' intok-intok sumamba ra sinungkalalaing ondo' pinuso noyo ru ama' nali, Raja' Gijkia. Nambaal Raja' Manasi ra altar koson sumamba ra Baal am mambaal ra sinungkalalaing Dewi Asyira, koson ra ondo' binaal ru Raja' Agab, panguasa' ru Israil.

2 RAJA'-RAJA' 21:5

Giu' ra ruo liliut ra Baloi ru Tuhan, Raja' Manasi niayuk nambaal ra altar-altar koson intok sumamba ra bibiag-bibiag.

2 RAJA'-RAJA' 23:5

Pinolonggo' ru Raja' Josia no ngaangai' imam ondo' linantik ru raja'-raja' Jiuda koson mampataak ra taak simbalui giu' ra altar-altar ru dewa giu' ra bandar-bandar Jiuda, am giu' ra intok-intok giu' ra liliut ru Jirusalim. Ngaangai' ru imam no nampataak ra taak simbalui ra Baal, mato ru orou, bulan, planit, am butitin-butitin.

MAZMUR 53:5

Nangkuot i Aki Kapuuno', “Kalo kia nakapandai ulun malaat no? Kaayagan nilono manalingaau ayuk ra ulun Kuno, am kalo igondo' pakiasi' Raki'.”

MAZMUR 83:10

Ondo' poyo pamakuan Muno ra ulun ru Midian, am Sisira am niayuk Jabin giu' ra sungoi ru Kisyon, ginio niayuk pamakuan Muno risilo.

MAZMUR 83:11

Kinala Mu ilo giu' ra Indor, am baangkai nilo nauntung ayuk ra tana'.

MAMPATANOU 6:3

Sangulun maaru' lair makalalaing suku' maatus ngaulun, am umur nano maaru' lair maawar. Kabalu' pana maawar umur nano, kaa' kalo maansukan io, am kalo linobong io ra matanda', baal nano makaasi'-asi' poyo intor ra lalagang minatoi paat ra inanak.

JIRIMIA 14:16

Ulun ondo' nangapu ra ragu inala' nilono pana potoyon ra ralan mogondo'. Baangkai nilono papatiron giu' ra ralan-ralan ra Jirusalim; kolondo' ulun mompolobong ra baangkai nilono. Koon raginio noyo pupus nilo ngaangai', makaaya' andu', anak ungkuyon am ruandu' nilo. Mangkinibit Aku risilo mansaan ra kinibit ru kalaatan nilono.”

JIRIMIA 16:11

Balai' ilo ra koon raginio noyo ragu ru Tuhan, ‘Kinamatuaan min nangiruan Raki' am siminamba am nangandoi ayuk ra tuhan-tuhan ra bokon. Nangiruan ilo Raki' am marara' gumagaya' ra pangilaan Kuno.

JIRIMIA 16:4

Matoi ilo sabap ra matiu' ra maruol ondo' magibit ra matoi. Kolondo' sangulun pana manulaboi kapoam mompolobong risilo. Baangkai nilo kumalayatan koson ra baja ra tana'. Matoi ilo ralalom pangayawan kapoam matoi ra bitilan. Baangkai nilo akanon ru susuit am bibiag masigo.

JIRIMIA 16:6

Ulun langkaya' am ulun musikin ra pagun ti matoi, kaa' kolondo' osoi pana manulaboi kapoam mompolobong risilo. Kolondo' sangulun pana mamilat ra inan kapoam mambulut ra ulu koson tatandu' mangulir risilo.

JIRIMIA 19:13

Ngaangai' baloi giu' ra Jirusalim am ngaangai' baloi ru raja'-raja' ru Jiuda masauk ra majamol koson ra Topit, sabap giu' ra taap ru baloi, nonolob ulun ra kaminyan tayar ru dewa-dewa ru limbowon am nampataak ra wain ra dewa-dewa ra bokon.”

JIRIMIA 22:19

Ralaaton i Joyakim am patirin paingkualo' ra kulobon garabang ru Jirusalim, koson ra pinamakuan ru ulun ra baangkai ru kaladai.”

JIRIMIA 25:33

Paat orou raginio baangkai ru ulun ondo' pusoon ru Tuhan kumalayatan ra titikop ru tana' ti. Kalo tangiin ilo, kalo kayangon koson ra lobongon, kaa' polosoon ayuk ra tana' koson ra tuntur ru pampalabung ra tana'.

JIRIMIA 31:40

Titikop ru limayak raginio, ondo' pakayon koson ra tana' kalabangan am intok pamatiran ra ginsamol, am ngaangai' umo giu' ra kiing ru Sungoi Kidron saboi ra Kulobon Garabang Kuda mongoi tampilon ra sirangon, patimpokon Raki'. Bandar Jirusalim kalo boo lunsayon kapoam pusoon.”

JIRIMIA 36:30

Ginio ra, Aku, Tuhan, minindagu rirun, Raja' Joyakim ra kolondo' sangulun pana intor ra papag muno makapamarinta ra pamarintaan ri Daut. Baangkai muno patirin ra liwar saboi makatuug paat ra matawang am matiu' ru bolobou paat ra rondom.

JIRIMIA 9:20

Indagu aku, “Rongogo' ragu ru Tuhan, ruandu' kau ngai', talinaasi' ragu Nano. Ilaa' noyo anak-anak ruandu' min ra manulaboi, ilaa' rangan-rangan mino ra marimbai ra rimbai panguliran.

JIRIMIA 9:21

Kapatayan siminubol noyo minaya' ra gigimpalan, am siminubol ra ralalom ru istana takau; kapatayan siminansar ra anak-anak giu' ra ralan maayo am buayoi-buayoi giu' ra intok malimparang.

JIRIMIA 9:22

Baangkai kumalayatan giu' ra ati-ati, koson ra tuntur ru pampalabung ra tana', koson ra gandum ondo' tinantab am iniruanan ru ulun manantab, am kalo linulur ru osoi pana. Nanusub Tuhan raki' mampatanou ra tanou raginio.”

YEHEZKIEL 29:5

Kopongo raginio papatiron Tokou mabaya' ra ngaangai' papait no ra tana' kaagisan. Inan muno makabanta' ra tana' am kalo lobongon. Polosoon Ku inan muno akanon ru susuit am bibiag.

YEHEZKIEL 39:5

Maratu' ilo am matoi giu' ra padang. Aku, Tuhan Raja' nakaindagu noyo.

YEHEZKIEL 6:5

Baalon ku baangkai ru ulun ru Israil makabanta' ra ati-ati; am bungul nilo makabanta' ra liput ru altar-altar no.

YEHEZKIEL 8:16

Ginio ra ibito' No aku ra liliut ralalom giu' ra Baloi ru Tuhan. Giu' no, mamaar ra kulobon subalan mongoi ra intok matulai, lolot ru altar am langgar, mokoondo' olo'-olo' ruo ngoopor am limo ngaulun ungkuyon. Tinalikuran nilo intok matulai no am kiminuku' ra tampilon sirangon koson sumamba ra mato ru orou ondo' sumirang.

JIPANYA 1:17

Indagu Tuhan, “Porotongon Ku masuang karaat ra ulun, saboi moonong ulun matukangkam koson ra ulun bolou. Makatula ilo noyo Raki', am raino raraa' nilo nalayak koson ra timug, am baangkai nilo mootong ra tana'.”

JIPANYA 1:5

Pusoon Ku osoi ayuk ondo' magaloi ra taap koson sumamba ra mato ru orou, sila' am butitin-butitin. Pusoon Ku niayuk ulun ondo' sumamba Raki' am magibot ra gumagaya' Raki', kaa' niayuk magibot ralalom inggalan ru Dewa Milkom.

RINALATAN 7:42

Ginio ra iruani' ilo ri Aki Kapuuno' am polosoo' No ilo sumamba ra butitin. Koson noyo ondo' tinulisan ra Kitab ru Nabi, ‘Alii boo ramuyun, ulun ru Israil! Pai' ru sinimbalui min ginio am pataakon Raki', kabalu' pana apat ngoopor ngambilor buoi min giu' ra tana' kaagisan.

SAGULION 17:3

am niayuk susuban ru Tuhan sabap ra ilo siminamba am nangandoi ra tuhan-tuhan ra bokon, kapoam ra mato ru orou, kapoam ra sila', kapoam ra bibiag-bibiag.

SAGULION 4:19

Pai' kaambi' koson sumamba am mangandoi ra ondo' makito giu' ra limbowon, iono mato ru orou, sila' am butitin. Nanaak noyo Tuhan, Aki Kapuuno' mino ra kuliamos raginilo ra ngaangai' bansa' ra bokon ra sambaan.