JIRIMIA 7:7 - Tanou Moonsoi Timugon

⁷ Amon ru mangulau kau ra baal ru kaayagan am paliso min am niayuk lumonggo' mambaal ra ngaangai' no, mangiou Aku ramuyun magulayun ayan ra pagun ti ondo' tinaakan Kuno ra kinamatuaan min koson ra tana' tungkuson.

JIRIMIA 7:7 Iomraidhean Croise

2 TUNUNG RU BANSA' ISRAIL 33:8

Amon ru ulun Kuno Israil gumagaya' ra ngaangai' susuban Kuno am niayuk sumugut ra ngaangai' Ukum ondo' pinataak risilo ri Musa, ulipon Kuno, am Aku pana kalo mompoloso risilo pagiruon intor ra tana' ondo' tinaakan Ku ra kinamatuaan nilai.”

KAINGKUALAN 22:22

Pai' kalaat ra napuor kapoam anak nailusan ra matuo.

JISAYA 1:19

Amon ru masaga' kau gumagaya' Raki', makasia' kau ra ampos ru tana' mino.

JIRIMIA 25:5

Nanusub ilo ramuyun mangiruan ra baal ru kaayagan ondo' malaat am baal ondo' makatula, maa' raginio mamagun ra pagun ondo' tinaakan ru Tuhan ramuyun am kinamatuaan min koson ra longgom tungkuson.

JIRIMIA 26:13

Ginio ra musiti' kau mangulau ra kaayagan am binaal min; gagaya' kano ra Tuhan, i Aki Kapuuno' min, maa' raginio kalo suguton No inatangan Nano koson mampalumpa' ra karaat no ramuyun.

JIRIMIA 3:18

Magamung Israil am Jiuda, mabaya' boo matong intor ra pagun namatiran giu' ra tampilon ralayo. Sumaguli' ilo ra pagun ondo' tinaakan Kuno koson ra tana' tungkuson ra kinamatuaan min.”

JIRIMIA 35:15

Rinayus Ku nanusub ra ngaangai' ulipon Kuno, nabi-nabi mongoi ramuyun, am nanusub ilo ramuyun mangiruan ra binaal malaat am mambaal ra ondo' moonsoi. Nampakara' ilo ramuyun maa' raginio kalo sumamba kapoam mangandoi ayuk ra tuhan-tuhan ra bokon, maa' raginio marayusan min mayan ra pagun ondo' pinataak Kuno ramuyun am kinamatuaan min. Kaa' kalo riminongog kapoam nampalio kau Raki'.

JIRIMIA 4:1

Indagu Tuhan, “Ulun ru Israil, amon ru masaga' kau sumaguli', saguli' kano Raki'. Amon ru gumagaya' kau Raki' am mamatir ra sinungkalalaing ondo' kasisangin Kuno,

JIPANYA 3:7

Mangkara' Aku, ‘Raino maaru' ulun Kuno mangurumat Raki' am mangapu ra pangilaan Kuno. Maaru' masalok ilo mangkara' ra pangilaan ondo' pinataak Ku risilo.’ Kaa' ilain ra giminaai ilo poyo nambaal ra malaat intor ra buoi ti.”

SAGULION 4:40

Gagayaa' noyo ngaangai' ukum Nano ondo' pinataak kuno ramuyun ra orou raiti', akau am papag min pana makakaansayan. Magulayun kau mayan ra tana' ondo' tinaakan ramuyun ru Tuhan i Aki Kapuuno' min koson masauk ra longgom min ra sabubuoi no.”