JIRIMIA 6:2 - Tanou Moonsoi Timugon

² Moonsoi kaga' Bandar Sion, kaa' maumok bandar no ra tauli no;

JIRIMIA 6:2 Iomraidhean Croise

JISAYA 1:8

Jirusalim ayuk natatang. Bandar no pana linibungan am kolondo' lulu' koson ra sulap nakapagayantanga' ra umo ru anggur kapoam pantau ra umo ru baliburan.

JIRIMIA 4:31

Morongog ku bolos mampalaa koson ra ruandu' maganak; koson ra golok ru ruandu' ondo' naganak ra anak kasaa'. Koon raginio noyo tangi' ru Jirusalim ondo' inso-inso, am niayuk mapatunui ra kalindu' am mindagu, “Aibui boo raki'! Matong ilo mamatoi raki'!”

SULABOI 2:1

Ralalom ru sangit, linibungan ru Tuhan Sion ra kalandaman. Kinulau No kinaayo ru Israil ondo' masawat koson ra limbowon nasauk nalunsai. Paat ra Io sumangit, Baloi Nano pana iruanin.

SULABOI 2:13

Okou Jirusalim, bandar ru Sion ondo' tagamin kaga', atan kia paraguon kuno? Kalo makapangansuk aku rirun. Osoi pana kalo poyo igondo' naimbolo' koson rirun. Karaat maayo koson ra raat malangka' am malandom lumumpa' rirun; kolondo' boo kalansanan ra tayar muno.

SULABOI 4:5

Ulun ondo' ragili mangakan ra akanon maamis kaga', raino matoi ra maitilan giu' ra ralan; ilo ondo' ragili langkaya', raino mangiul ra ginsamol maguyum ra akanon.

SAGULION 28:56

Mulu' piboo ra sangulun ruandu' moonsoi ondo' matanda' kaga' paliso nano, am langkaya' kaga' saboi kalo poyo igondo' mantana' mongoi ra ati intok, masauk koson raginio niayuk. Paat ra pantula' magawang ra bandar nano, majajalan io kaga' sabap maitilan, saboi ra suminok io mangakan ra lalagang ondo' bagu inanak nano, am niayuk supu ru lalagang no. Kalo masaga' io mantayar ra ralaki ondo' tagamin nano, kapoam ra anak-anak nano ondo' lakat poyo maayag.