JIRIMIA 5:3 - Tanou Moonsoi Timugon

³ Sotopot no gogoton ru Tuhan gagaya'. Lambaan No akau, kaa' kalo lioon min. Popolon No akau, kaa' marara' kau mangapu ra pangilaan. Mokotog guang min am marara' tumalikur intor ra tula.

JIRIMIA 5:3 Iomraidhean Croise

KASAUKAN 19:34

Paat ra suabon no, indagu anak ruandu' ra katuaan no ra boborok nano, “Rondom i riminulug aku noyo ri ama'! Rondom raiti' gaukon to poyo am okou boo rumulug riso, am sigagama' to boo makaanak intor riso.”

1 RAJA'-RAJA' 13:33

Raja' Jirobiam, giu' ra Israil lakat poyo kalo timinalikur ra binaal nano ra malaat. Nampili' io ra imam intor ra sasambaloi sala' ka Liwi koson mangandoi ra altar-altar ondo' binaal nano. Nampalantik io ra osoi ayuk ondo' masaga' sumauk ra imam.

2 RAJA'-RAJA' 1:13

Igondo' poyo panusub raja' no ra sangulun pagawai ru saujor mabaya' ra limo ngoopor ngaulun. Pagawai no nagaloi ra rasawat ru bulur am kuku' samba ra saang ri Ilia liliwa' mikikimasi', “Okou ulipon ri Aki Kapuuno', pakaasi' no raki' am ulun-ulun kuno. Pai' pamatoi ramon!

2 TUNUNG RU BANSA' ISRAIL 16:9

Tuhan magail magalung ra titikop ru tana' ti am mangani' ra kaikangan risilo ondo' gumagaya' Riso. Sasambungon binaal muno, ginio ra intor raino magail kou mangayou.”

2 TUNUNG RU BANSA' ISRAIL 28:22

Ralalom ru baal ondo' mapagon kaga' no, Raja' Agas giminaai piboo makatula ra Tuhan.

MAZMUR 51:6

Natulaan aku Rirun – Okou ayuk, am nambaal aku ra baal-baal ondo' karaan Mu ra malaat. Motopot nangakiman Muno raki'; natimpok noyo ra Okou nangukum raki'.

MAZMUR 51:8

Kasaga' Muno kabanisan ru guang; totopo' guang kuno ra kapintaran Muno.

MAZMUR 55:20

Pamarintaan ri Aki Kapuuno' mantilayun, mangkirongog raki' am kalaan No pantula' kuno, sabap ra kalo boo kulawon nilo guang, am kalo malaa' ri Aki Kapuuno'.

AMSAL 21:29

Ulun mabanis guang malansan ra inan nilo galama', kaa' ulun malaat magakal ayuk.

AMSAL 22:12

Kasaga' ru Tuhan katapatan alungin am singkualon no pagabawan ru ulun magabau.

AMSAL 23:35

Mindagu kau, “Linamba' aku. Linapis aku! Kaa' kalo makara' ku atan-atan. Kua kia matikoolong aku kaga'? Moonsoi manginum aku poyo!”

AMSAL 27:22

Kabalu' pana ulun sasambungon lambaan saboi malausan, sambung nano kalo matatak.

JISAYA 26:11

Pantula' Muno kalo makapandai ra Okou mangukum risilo. Iou Tuhan, tauyuo' ilo, am polosoo' ilo maimbolo'. Polosoo' noyo ilo maantungan ru ukuman ondo' pinatampos Muno risilo. Polosoo' noyo ilo makakito ra mapara' piboo gayo ru katagaman Muno tayar ru ulun Muno.

JISAYA 42:25

Ginio ra pinoloso No itakau mampaliman ra sangit Nano, am maimbolo' ra kalaatan ru pangayawan. Koson ra apui, sangit Nano monolob ra titikop ru Israil, kaa' kalo maratian takau atan ondo' nasauk no; kalo migigila' takau intor ra nailian no.

JISAYA 48:4

Makapandai aku ra akau bambalingatan, mokotog guang am makaulu batu.

JISAYA 9:13

Songorou ayuk Tuhan no mangukum ra tingganai-tingganai ru Israil am mamagun. Ulu ru Israil Ingguluin am iku' pututin No.

JIRIMIA 15:7

Giu' ra moonong bandar ra pagun ti, akau patirin Ku koson ra rami. Kabalu' pana akau ulun Kuno, akau am anak-anak mino pusoon Ku, sabap ra marara' kau mangulau ra baal ru kaayagan min.

JIRIMIA 17:23

Kaa' marara' kinamatuaan min rumongog Raki' kapoam mampalio ra ragu Kuno. Bambalingatan ilo am marara' gumagaya' ra pangilaan intor Raki'.

JIRIMIA 19:15

ra Tuhan Ondo' Maayo Kaga' Kuasa', i Aki Kapuuno' ru Israil, minindagu koson ragitio, “Sabap no ra bambalingatan kau am marara' rumongog ra ragu Kuno, Aku pana mamparatong ra ngaangai' ukuman ondo' inatang Ku noyo ra bandar ti am ra ngaangai' pekan ra libung nano.”

JIRIMIA 2:30

Banangan Ku ayuk mangukum ramuyun, sabap ra marara' kau mangapu ra pangilaan Kuno. Koson ra singa' ondo' tatanga' masangit, koon raginio niayuk ra akau namatoi ra nabi-nabi min.

JIRIMIA 3:3

Ginio sabap ra rasam kalo rumatu', am rasam paat ra mambusak kalo matong. Nansalu kou ra ulun mantalan ra inan; mailo kou ra mauyu'.

JIRIMIA 32:19

Inatangan Muno mapintar am binaal Muno makaimuag; nakito Mu ngaangai' ondo' binaal ru ulun, am nambalos risilo topot koson ra binaal nilo.

JIRIMIA 44:10

Kaa' saboi orou raiti' lakat kau poyo kalo minggana' guang. Kalo mangurumat kau Raki' kapoam maayag sumugut ra ngaangai' ru ukum ondo' tinaakan Kuli ramuyun am kinamatuaan min.

JIRIMIA 7:26

Kaa' kolondo' osoi pana ondo' mangkirongog kapoam mampalio risilo. Inambai min ra nasauk ra mokotog poyo guang am masaga' poyo gumuor intor ra kinamatuaan mini.

JIRIMIA 7:28

Balain mu ilo ra ilo noyo rondo' bansa' ondo' marara' gumagaya' Raki', Tuhan i Aki Kapuuno' nilo, am marara' ilo migila' intor ra ukuman ondo' pinatiu' risilo. Gagaya' nilo Raki' kolondo' noyo boo, inambai boo ra kalo boo tunungon.”

JIRIMIA 8:5

Kaa' kua ramuyun, ulun Kuno, nararayus nangiruan Raki' am kalo siminaguli' Raki'? Kua mapiot guut min ra sinungkalalaing min am marara' sumaguli' Raki'.

YEHEZKIEL 2:4

Bambalingatan ilo am kalo mangurumat Raki'. Ginio ra susubon Tokou koson mampasaboi ra atan ondo' paraguon Ku, Tuhan Raja' risilo.

YEHEZKIEL 24:13

Okou Jirusalim, jinamol kou ru binaal muno ra mantalan ra inan. Kabalu' pana kuminam Aku mampapasau rirun, kaa' magulayun kou majamol. Kalo mapasau kou saguli' saboi ra okou makaliman ra ngaangai' kinoporos ru sangit Kuno.

DANIL 9:13

Nangukum Kou ramon siminugut ra ngaangai' ondo' natulisan ralalom ru Ukum ri Musa. Raino pana, iou Tuhan, i Aki Kapuuno' mai, kalo minirot akai koson mapabansuk ra guang Muno. Kalo timinalikur akai intor ra tula mai kapoam siminugut ra pangilaan Muno ondo' motopot.

IMAMAT 26:23

Amon ru nasauk noyo ngaangai' ukuman no, kaa' lakat poyo marara' kau mangining Raki' kaa' marayus niayuk manggal Raki',

AMOS 4:10

“Atarin Ku maruol tumapik ramuyun koson ondo' inataran Ku giu' ra Misir. Potoyon Ku ulun mamulok min ralalom pangayawan am gaawon kuda min. Sosokon Ku pangkiman min ra baangkai ondo' owou no sumusuk ra arung. Kabalu' pana raginio, kalo niayuk sumaguli' kau Raki'.

AMOS 4:11

“Pusoon Ku santayaran intor ramuyun koson ra Aku namuso ra Sodom am Gomora. Ulun ondo' lakat poyo naayag ra gino kau po ngai' koson ra putul ru luton ondo' inalap intor ra apui. Kabalu' pana raginio, kalo niayuk sumaguli' kau Raki'.

AMOS 4:6

“Aku noyo ondo' namparatong ra bitilan ra ngaangai' ru bandar min, kaa' kalo siminaguli' kau Raki'.

AMOS 4:8

Giu' ra kukula' bandar, mamagun nano ondo' malawo sabap ra nampaas maguyum ra timug giu' ra bandar ra bokon, kaa' timug ra giu' no kalo naukop. Kabalu' pana raginio, kalo niayuk siminaguli' kau Raki'.

AMOS 4:9

“Atarin Ku angin malasu' am pasisang koson mamuso ra tinanom min giu' ra umo am puun ru anggur min. Akanon koyoo' ru gapu' puun ara am puun jaitun. Kabalu' pana raginio kalo niayuk sumaguli' kau Raki'.

JIPANYA 3:7

Mangkara' Aku, ‘Raino maaru' ulun Kuno mangurumat Raki' am mangapu ra pangilaan Kuno. Maaru' masalok ilo mangkara' ra pangilaan ondo' pinataak Ku risilo.’ Kaa' ilain ra giminaai ilo poyo nambaal ra malaat intor ra buoi ti.”

ROMA 2:2

Mapandayan takau ukum ri Aki Kapuuno' no motopot ra mangukum Io ra ulun ondo' mambaal koson raginio.

IBRANI 12:9

Itakau sigagama' makaama' ra tana' ti ondo' mampalapos am mangila' ritakau am mangurumat takau risilo. Amon ru ginio noyo, sotopot no musiti' takau mangurumat ri Aki Kapuuno' giu' ra suruga', maa' raginio maayag takau ra mantilayun.