JIRIMIA 48:13 - Tanou Moonsoi Timugon

¹³ Kopongo raginio ulun ru Moab sindualin ri Kamos, dewa nilo, koson ra ulun ru Israil sinindualan ri Bitil, dewa ondo' inintopot nilo.

JIRIMIA 48:13 Iomraidhean Croise

JIRIMIA 48:39

Tinutuk noyo Moab! Pantangi' no! Tinauyu' noyo Moab! Nalunsai noyo Moab. Ngaangai' pagun ra paginggaar nakakurit ra Moab. Aku, Tuhan, nakaindagu noyo.”

JISAYA 45:16

Ngaangai' ulun ondo' nambaal ra sinungkalalaing ra sambaan tauyuon am asabin.

TINGGANAI RU BANSA' 11:24

Masaga' kou kia gaawon saguli'? Alapo' noyo atan ondo' tinaakan ri Kamos, dewa muno. Kaa' akai mampaguut ra ngaangai' ondo' tinaakan ramon ru Tuhan, i Aki Kapuuno' mai.

JIRIMIA 48:46

Pakaasi' no ra ulun ru Moab! Bansa' ondo' sumamba ra Dewa Kamos napuso noyo; anak ungkuyon am anak ruandu' nilo rinakop noyo koson ra ulun rinakop.

JIRIMIA 48:7

Okou Moab, malansan kou ra kaikangan am kalangkayaan muno, kaa' raino okou pana kalaan; i Kamos, dewa min, nabaya' ra imam-imam am pagawai ru pamarintaan patirin ra pagun ra bokon.

JISAYA 45:20

Mindagu Tuhan, “Timung kano am pababaya' kano matong, akau noyo naayag ra ralalom ru nasuangan bansa'! Sasambungon noyo ulun-ulun ondo' saguguluyur mugar magibit ra sinungkalalaing ondo' binaal intor ra tataun, am makiasi' ra dewa-dewa no ondo' kalo makapamayag no.

JISAYA 16:12

Gumogot toojo ulun ru Moab mangkiwa' ra bulur mongoi ra intok sambayangan nilo koson makiasi', kaa' gogot nilono kolondo' onong.

JISAYA 2:20

Bulintok ra orou raginio, patirin ru ulun sinungkalalaing ondo' binaal intor ra pirok am mas, ondo' patatangon no ra tikus am pungit.

1 RAJA'-RAJA' 18:40

I Ilia pana nanusub, “Rokopo' nabi-nabi ru Baal no; pai' polosoo' sangulun pana makapagiru'!” Rokopo' nilo ngaangai' nabi no. Nagibit i Ilia risilo mongoi ra Sungoi Kison am pamatoi risilo.

1 RAJA'-RAJA' 11:7

Giu' ra rasawat ru rondo' gunung giu' ra tampilon sirangon ru Jirusalim, Raja' Salomo nambaal ra intok sambaan ra Kamos, dewa makatataman ondo' sambaan ru ulun ru Moab. Nambaal io ra intok sambaan ra Molok, dewa makatataman ondo' sambaan ru ulun ru Amon.

1 RAJA'-RAJA' 11:33

Baalon Ku baal raginio sabap ri Salomo nangimpai Raki' am siminamba ra dewa-dewa: Asyitorit, dewi ru ulun ru Sidon; Kamos, dewa ru ulun ru Moab; am Molok, dewa ru ulun ru Amon. Kalo gumagaya' i Salomo Raki'. Kalo nogondo' io koson ra ama' nali i Daut ondo' gumagaya' Raki' am nanugut ra susuban Kuno.

JIRIMIA 48:12

“Ginio ra raino nasaboi paat no manusub Aku ra ulun mampalingig ra Moab koson ra wain. Koyoon nilo suang ru rarapu' ru wain am babakon.

2 TUNUNG RU BANSA' ISRAIL 25:15

Binaal raginio nampasingkual ra sangit ru Tuhan, am Io pana nanusub ra sangulun nabi mongoi ra Raja' Amajia. Pangkuot nabi no riso, “Kua kia rirun sumamba ra dewa-dewa ru bansa' ra bokon ondo' kalo makapamayag ra ulun sumamba ra dewa-dewa galama' intor ra kuasa' muno raja'?”