JIRIMIA 4:4 - Tanou Moonsoi Timugon

⁴ Guuto' min nabantuan min am Aku, Tuhan min; patimpoko' inan min Raki', akau mamagun ru Jiuda am Jirusalim. Amon ru kalo, sangit Kuno sumolob koson ra apui ondo' kalo malasa' ru osoi pana, sabap ra ngaangai' binaal min ondo' malaat!”

JIRIMIA 4:4 Iomraidhean Croise

2 TUNUNG RU BANSA' ISRAIL 34:25

Inimpayan nilo Aku, am nampataak noyo ra taak-taak simbalui ra tuhan-tuhan ra bokon. Binaal nilo napasingkual ra sangit Kuno. Raino sumangit Aku ra Jirusalim, am sangit Kuno kalo noyo malasa'.

JISAYA 10:17

I Aki Kapuuno' sinda ru Israil, masauk ra apui. I Aki Kapuuno' ru Israil, i Aki Kapuuno' ondo' matulai, masauk ra simbula' ru apui, ondo' songorou no makaumpo ra ngaangai' no, mulu' piboo ru kusingan am alab.

JISAYA 30:33

Intor poyo ra galing i tinampos noyo apui ra maayo koson monolob ra raja' ru Asyur. Intok no malandom am mapila' am niayuk makasuang ra luton ondo' pariuntur. Tuhan monolob ra luton no mamakai ra angin ru paminawo Nano.

JISAYA 51:17

Luat noyo, okou Jirusalim, luat noyo! Ukuman ondo' pinatasan ru Tuhan sabap ra sangit Nano nailian mu noyo saboi nalupus.

JIRIMIA 15:14

Saukon Ku ilo ra ulipon ru pantula' giu' ra pagun ru bansa' ra bokon ondo' kalo nauligan nilo, sabap ra sangit Kuno koson ra apui ondo' bibilak ra sabubuoi no.”

JIRIMIA 21:5

Mangayou Aku ramuyun ra sototopot ru ikang am sangit ondo' lumuab-luab.

JIRIMIA 23:19

Sangit Nano koson ra bagiu' mapuor ondo' sumiab ra mapuor kaga' am makalumpa' ra ulun malaat.

JIRIMIA 36:7

Maaru' lair makiasi' ilo ra Tuhan am timinalikur intor ra kalaatan nilo, sabap ra nompololob Tuhan risilo ra sangit am lasu' ru guang Nano.”

JIRIMIA 44:22

Saboi orou raiti' pagun min nalunsai am kolondo' osoi pana minayan ra giu' no. Baal nano makalalaa'. Inambai poyo ra pinakai ru ulun inggalan nano koson ra pagulasan. Ngaangai' baal raginio nasauk sabap ra Tuhan kalo boo mokoorot ra kinalaat am binaal makauyuyu' min.

JIRIMIA 9:25

Indagu Tuhan, “Masaboi paat no ra mangukum Aku ra ulun ru Misir, Jiuda, Idom, Amon, Moab, am mamagun ru tana' kaagisan ondo' nompolontob ra abuk nilo. Ngaangai' ru ulun no sinunatan noyo, kaa' kalo giminagaya' ra nabantuan ondo' tinatanduan ra sunat no. Kolondo' sangulun pana risilo am kolondo' sangulun pana ra ulun ru Israil ondo' giminagaya' ra nabantuan Kuno.”

SULABOI 4:11

Pinaabus ru Tuhan sangit Nano am monolob ra bandar Sion saboi napuso.

YEHEZKIEL 16:38

Mangukum Aku rirun sabap ra pansawaan am niayuk pampatayan ondo' binaal muno. Sabap ra totopot Aku sumangit, ukumin Tokou ra matoi!

YEHEZKIEL 18:31

Tatango' ngaangai' kalaatan ondo' baalon min, am polosoo' pangkaraan am guang min masauk ra baguon. Kua kia ramuyun, ulun ru Israil masaga' ra matoi?

YEHEZKIEL 20:33

“Sabap ra Aku, Tuhan Raja', i Aki Kapuuno' ondo' maayag, mampakara' Aku ramuyun ra sabap ru sangit Kuno, mamarinta Aku ramuyun ra mokotog am malasang. Makaliman kau ra kuasa' am sangit Kuno paat ra Aku manimung am magibit ramuyun sumaguli' intor ra pagun-pagun intok akau pinantutuliar.

YEHEZKIEL 21:17

Aku niayuk magilakup, am sangit Kuno lumonggo'. Aku, Tuhan nakaindagu noyo.”

YEHEZKIEL 24:13

Okou Jirusalim, jinamol kou ru binaal muno ra mantalan ra inan. Kabalu' pana kuminam Aku mampapasau rirun, kaa' magulayun kou majamol. Kalo mapasau kou saguli' saboi ra okou makaliman ra ngaangai' kinoporos ru sangit Kuno.

YEHEZKIEL 24:8

Raraa' no polosoon Ku ra giu' no, maa' raginio makito ru ulun am gumogot mambalos.”

YEHEZKIEL 44:7

Jinamalan nilo Baloi Kuno ra nangiou ra ulun bansa' ru bokon ondo' kalo sinunatan am kalo giminagaya' Raki', siminubol ra Baloi Kuno, paat ulun mampataak ra lomok am raraa' ru taak simbalui Raki'. Ra ngaangai' ru binaal ondo' makauyuyu' no, minanggal ilo ra nabantuan Kuno risilo.

YEHEZKIEL 6:12

Ilo ondo' maalur matiu' ru maruol am matoi; ilo ondo' mamaar matoi ralalom pangayawan; osoi ayuk ondo' lakat poyo maayag am mamimio matoi ra bitilan. Makaliman ilo ra ruol ru sangit Kuno.

YEHEZKIEL 8:18

Makaliman ilo ra kinoporos ru sangit Kuno. Kalo palabuson Ku ilo kapoam makaasi' risilo. Gumolok ilo toojo makiasi' Raki', kaa' kalo rongogon Ku ilo.”

IMAMAT 26:28

am mabaya' ra sangit manggal Aku ramuyun am mangukum ramuyun intulu' makalalaa' poyo intor ra nakasail.

IMAMAT 26:41

saboi mangkinibit Raki' minanggal risilo am namatir risilo giu' ra pagun ru pantula'. Pupus no, paat ra papag mino minggana' guang, am naukuman noyo sabap ra tula am guor nilo,

AMOS 5:6

Saguli' kano ra Tuhan, am akau pana maayag. Amon ru kalo sumaguli' kau Riso, matong Io koson ra apui ondo' bibilak ra ulun ru Israil. Apui monolob ra mamagun ru Bitil am kolondo' sangulun pana makalasa' ra apui no.

JIPANYA 2:2

ra akau kalo poyo pagiruon koson ra apol ondo' siobon ru angin. Pakaliman kano ra kalo poyo makasaboi orou sangitan ru Tuhan, am ra akau kalo poyo malumpa' ra sangit ru Tuhan ondo' bibilak.

ROMA 2:25

Amon ru gumagaya' kau ra Ukum ri Musa, sunat mino mokoonong. Kaa' amon ru kalo gumagaya' kau ra Ukum no, sunat mino kolondo' boo onong ramuyun.

SAGULION 10:16

Ginio ra intor raino, gagaya' noyo ra Tuhan am pai' boo bambalingatan.

SAGULION 30:6

Tuhan i Aki Kapuuno' min manaak ramuyun am papag min ra guang ondo' gumagaya' maa' raginio motogom kau Riso ra sotopot ru guang, am makaayan magulayun giu' ra tana' no.

SAGULION 32:22

Sangit Kuno bibilak koson ra apui, am monolob ra ngaangai' rasawat ru tana'. Tumuun apui no ra tana' ru ulun namagatoi, am mangumpo ra bakat ru gunung-gunung.

KOLOSI 2:11

Paat ra akau siminimpung ri Kristus, ginio koson ra kaulayan ru sunat, ioginio tula mino iniru' noyo. Gitio binaal Nano koson mampalabus ramuyun intor ra kinibit ru kuasa' ru tula mino.