JIRIMIA 4:3 - Tanou Moonsoi Timugon

³ Indagu Tuhan ra mamagun ru Jiuda am Jirusalim, “Kondoyo' tana' mino ondo' kalo poyo nakandoi; pai' tiasi' ra sampug giu' ra intok ru tutuu' makaruui.

JIRIMIA 4:3 Iomraidhean Croise

KASAUKAN 3:18

Tana' ti makaampos ra tutuu' am tutuu' makaruui; tutuu' lumayau masauk ra akanon muno.

KAINGKUALAN 23:11

Kaa' paat ra bilor ra katulu' musiti' tana' no polosoon. Buoi ru bilor raginio kalo panimungon kau ra ampos ru atan pana ondo' tumuu' galama' ra umo min. Polosoon noyo alapon ru ulun musikin, am suwo no tayar ru bibiag masigo. Baalo' niayuk ginio ra umo ru anggur am puun ru jaitun mino.

GOSIA 10:12

Indagu Aku, ‘Ukabo' tana' bagu ra tayar min galama', tiasi' ra sampug ru katimpakan, am kumoso' barakat ondo' inampos ru kinotopot ru togom min Raki'. Nasaboi paat no ra akau sumaguli' Raki', Tuhan min; matong Aku am mampasasar ra barakat ramuyun.’

MATIUS 13:22

Sampug ondo' naratu' ra tatanga' ru bulungkut no koson ra ulun ondo' mangkirongog niayuk ra tanou no, kaa' maimamang ilo ra kaayagan nilai am pamaguangan nilo ra lumangkaya' mamisi' ra tanou no saboi kalo mangkawa' ilo.

MATIUS 13:7

Mokoondo' niayuk naratu' ra tatanga' ru bulungkut ondo' timinuu' am mamisi' ra tutuu' ru sampug no.

MARKUS 4:7

Mokoondo' poyo naratu' ra tanga' ru bulungkut makaruui no, ondo' timinuu' am pinisi' io saboi kalo nangkawa'.

LUKAS 8:14

Ondo' naratu' ra tana' makakusingan i, io no ulun ondo' mangkirongog ra bala' no, kaa' pagalabaan, kalangkayaan am kasagaan ru guang nilai ti galama' mamisi' ra bala' no saboi kawa' nilai kalo maansak toojo.

LUKAS 8:7

Mokoondo' poyo sampug naratu' ra tana' makakusingan. Karuruo timinuu'. Kaa' napisi' tutuu' ti ru kusingan saboi minatoi.