JIRIMIA 4:2 - Tanou Moonsoi Timugon

² makapagibot kau ra ralalom ru inggalan Kuno. Mopongo raginio ngaangai' bansa' makibarakat ilo Raki', am mongompor ilo Raki'.”

JIRIMIA 4:2 Iomraidhean Croise

KASAUKAN 22:18

Ngaangai' bansa' ra tana' ti makibarakat ilo Raki' koson niayuk ra Aku nambarakat ra papag muno, sabap ra ginagaya' mu susuban Kuli.”

1 RAJA'-RAJA' 3:6

Taam Raja' Salomo, “Nampakito Kono ra togom ondo' maayo ra ulipon Muno Raja' Daut, ama' kuno. Io moonsoi, gumagaya', am mabanis guang Rirun. Magail Kou mampakito ra togom Muno ondo' maayo am mantilayun no riso am nangani' riso ra sangulun anak ungkuyon, ondo' raino ti mamarinta minalit riso.

MAZMUR 72:17

Gama' ru sabuoi-buoi no inggalan ru raja' karaan, am sasabiton inggalan nano mantilayun koson mato ru orou. Gama' ru ngaangai' bansa' makibarakat koson ra raja', am ngaangai' ulun manabit ra raja' makakaansukan.

MAZMUR 99:4

Okou Raja' ondo' maikang, tinogom Mu ukum; pinabigor Mu katimpakan giu' ra Israil, pinaugar Mu ukum am katimpakan.

JISAYA 45:23

Bantu' Kuno motopot, am kalo masulang. Aku galama' mipapator ralalom ru inggalan Kuno: Moonong ulun migulatur ra saang Kuno, am ralalom ragu nilo sigagama' mambaal ra bantu' koson gumagaya' Raki'.

JISAYA 45:25

Kaa' papag ri Jakub bayagon, am mongompor ilo Raki', Tuhan.”

JISAYA 65:16

Osoi-osoi ondo' mayan ra pagun raginio, am ondo' makibarakat makitaak ra barakat ri Aki Kapuuno' ondo' mampagagaya'. Osoi-osoi magibot, magibot ilo ralalom ru inggalan ri Aki Kapuuno' ondo' mampagagaya'. Sabap no kaimbalaan ra galing i natatak am linilianan.”

JIRIMIA 10:10

Kaa' Okou, Tuhan, i Aki Kapuuno' ondo' motopot, Okou i Aki Kapuuno' ondo' maayag, raja' ondo' mantilayun. Paat ra Okou sumangit, monontol tana' ti, bansa'-bansa' kalo maikang manguma' ra sangit Muno. (

JIRIMIA 12:15

Kaa' malupus ra Aku mamatir risilo, makaasi' Aku poyo risilo; moonong bansa' ibiton Ku sumaguli' ra pagun nilo galama'.

JIRIMIA 12:16

Amon ru totopot guang nilo masaga' mangapu ra ugama ru ulun Kuno am magibot ra mindagu, ‘Ralalom inggalan ru Tuhan ondo' maayag,’ – koson mangila' ilo ra ulun Kuno magibot ralalom inggalan ru Baal ragili – ilo no pana makasimpung ra ulun Kuno am masauk ra moonsoi.

JIRIMIA 16:19

Iou Tuhan, Okou noyo ondo' manindung raki' am mangani' raki' ra kaikangan; Okou noyo mangindangan raki' paat ra kapaganan. Bansa'-bansa' intor ra pompor ru tana' ti am matong Rirun am mindagu, “Kinamatuaan mai mokoondo' ayuk ra tuhan kalo motopot am kolondo' noyo toojo onong.

JIRIMIA 3:17

Paat raginio bandar Jirusalim sabiton ra ‘Kurisi' ru Tuhan’, am ngaangai' bansa' tumimung ra bandar no koson sumamba Raki'. Kalo boo maya' ilo ra saga' ru guang nilo ondo' mokotog am malaat no.

JIRIMIA 33:9

Jirusalim masauk ra kaansukan, kaurumatan am kaansayin Kuno. Ngaangai' bansa' ra tana' ti malaa' am monontol, paat nokorongog ra ngaangai' moonsoi ondo' binaal Ku koson ra mamagun ru Jirusalim, am intor ra kalangkayaan ondo' pinataak Ku ra bandar ragitio.”

JIRIMIA 5:2

Kabalu' pana kamin sumamba kau ra Tuhan, sala' ka ginio guangon min.

JIRIMIA 7:5

Kulawo' baal ru kaayagan am paliso min. Katimpok no ra rondo' am bokon.

JIRIMIA 9:24

Amon ru osoi pana mamanggo, musiti' io mamanggo sabap ra io nakaulig am nakarati' Raki', am ra Aku noyo Tuhan ondo' motogom ra ulun ra sabuoi-buoi no, am Aku mambaal ra matimpok am motopot. Ngaangai' no makabansuk ra guang Kuno. Aku, Tuhan, nakaindagu noyo.”

GOSIA 2:19

Suguton Ku bantu' Kuno am saukon kou ra longgom Kuno, am mangiou kou ra Aku ti Tuhan.

JOIL 2:12

Indagu Tuhan, “Kaa' raino talikur kano intor ra tula ra totopot am saguli' kano Raki' am mampali, mantangi' am manulaboi.

JAKARIA 8:8

am magibit risilo sumaguli' intor ra sirangon am intor ra kalasaan, maa' raginio mayan ilo saguli' giu' ra Jirusalim. Masauk ilo ra ulun Kuno am Aku masauk ri Aki Kapuuno' nilo. Mamarinta Aku risilo ra motopot am matimpok.

MALIAKI 1:11

Urumaton Aku ru bansa'-bansa' ra titikop ru tana' ti. Solobon nilo kaminyan giu' ra ngaangai' intok koson mangurumat Raki', am mampataak ilo ra taak simbalui ondo' maaya' pataakon. Ilo ngaangai' mangurumat Raki'!

1 KORINTUS 1:31

Ginio ra tinulisan ra Buuk Kitab, “Osoi ayuk masaga' lumimbau, moonsoi io no mongompor ra atan ondo' binaal ru Tuhan.”

2 KORINTUS 10:17

Kaa' koson tinulisan ra Buuk Kitab, “Osoi ayuk masaga' lumimbau, moonsoi mongompor io ayuk ra atan ondo' binaal ru Tuhan.”

GALATIA 3:8

Nanala' noyo Buuk Kitab ragili ra i Aki Kapuuno' mopobonsoi saguli' ra ulun sala' ka Jaudi Riso sabap ra mangintopot ilo Riso. Tanou Moonsoi raginio pinasaboi galing ri Abragam, kon ragitio, “Sabap ra okou mambarakat i Aki Kapuuno' ra ngaangai' bansa' ru tana' ti.”

SAGULION 10:20

Urumato' noyo Tuhan i Aki Kapuuno' min am sambayang Riso ayuk. Gagaya' noyo Riso am pagibot noyo ralalom ru inggalan Nano ayuk.

SAGULION 4:30

Paat ra akau ralalom kapaganan am ngaangai' baal makalalaa' no makalumpa' ramuyun, bagu no sumaguli' kau ra Tuhan i Aki Kapuuno' min am gumagaya' Riso.

SAGULION 6:13

Urumato' noyo Tuhan i Aki Kapuuno' min am samba Riso ayuk am baalo' noyo bantu' min ralalom ru inggalan Nano ayuk.

PILIPI 3:3

Sotopot no itakau noyo ondo' makaulig ri Aki Kapuuno' sala' ka ilo, sabap ra itakau ti ondo' sumamba ri Aki Kapuuno' maya' ra indangan ru Ambiluo Nano galama'. Am itakau niayuk maringkuanang sabap ra nakasimpung noyo ri Jisus Kristus. Intor raginio kalo boo malansan takau ra kaulayan ondo' binaal ayuk ru ulun.

RUT 3:13

Kaa' ayan ayuk poyo ragiti. Susuab no, amon ru pabukat raginio masaga' magalung rirun, moonsoi niayuk. Amon ru kalo mambaal aku ra bantu' sabap ri Aki Kapuuno' ondo' maayag ra magalung aku rirun. Raino pombolong no saboi ra susuab.”

1 SAMUIL 20:3

Taam i Daut, “Nakapandai ama' muno ra motogom kou kaga' raki'. Ginio ra kalo nambala' ama' muno rirun ra atan ondo' inatang nano, maa' raginio kalo mangiluk guang muno. Magibot aku ralalom inggalan ru Tuhan ondo' naayag ra sotopot no kaayagan kutu matikapulir ra kapatayan!”