JIRIMIA 4:1 - Tanou Moonsoi Timugon

¹ Indagu Tuhan, “Ulun ru Israil, amon ru masaga' kau sumaguli', saguli' kano Raki'. Amon ru gumagaya' kau Raki' am mamatir ra sinungkalalaing ondo' kasisangin Kuno,

JIRIMIA 4:1 Iomraidhean Croise

KASAUKAN 35:2

Indagu boo i Jakub ra ulun ru baloi nano am ra ngaangai' ulun nababaya' riso no, “Patiri' min noyo sinungkalalaing intor ra bansa' ru bokon ondo' binulian min, kapasawo' min guang am pambayang kano ra bayang moonsoi.

2 RAJA'-RAJA' 23:13

Nampajamol niayuk Raja' Josia ra altar-altar ondo' binaal ru Raja' Salomo giu' ra tampilon sirangon ru Jirusalim, tampilon ra rabugus ru Bulur Jaitun intok sambaan ra dewa-dewa ondo' makatataman, iono Asyitorit, dewa ru ulun ru Sidon; Kamos, dewa ru ulun ru Moab; am Milkom, dewa ru ulun ru Amon.

2 RAJA'-RAJA' 23:24

Koson manugut ra ukum-ukum ondo' nakasuang ralalom ru kitab ondo' natuum ru Tingganai maayo Imam Ilkia giu' ra Baloi ru Tuhan no, pinagiru' ru Raja' Josia no ngaangai' mampiau ra ambiluo ulun minatoi am mangingilong intor ra Jirusalim. Raja' Josia namatir niayuk ra ngaangai' dewa ru baloi, sinungkalalaing sambaan am ngaangai' kuliamos ondo' pinakai sumamba ra dewa.

2 TUNUNG RU BANSA' ISRAIL 15:8

Pokorongog Raja' Asa ra inala' ri Ajaria anak ri Obid, guang nano minikang. Pinatiran no ngaangai' sinungkalalaing giu' ra Jiuda am Binjamin, am niayuk ngaangai' sinungkalalaing giu' ra bandar-bandar ondo' ginaau nano giu' ra kabuluran Ipraim. Raja' Asa nomonsoi ra altar ru Tuhan ondo' pinabanta' giu' ra liliut ra Baloi ru Tuhan.

2 TUNUNG RU BANSA' ISRAIL 33:8

Amon ru ulun Kuno Israil gumagaya' ra ngaangai' susuban Kuno am niayuk sumugut ra ngaangai' Ukum ondo' pinataak risilo ri Musa, ulipon Kuno, am Aku pana kalo mompoloso risilo pagiruon intor ra tana' ondo' tinaakan Ku ra kinamatuaan nilai.”

2 TUNUNG RU BANSA' ISRAIL 34:33

Pinuso ru Raja' Josia ngaangai' sinungkalalaing ondo' majamol, ondo' soroi giu' ra titikop wilayah ru ulun ru Israil. Io pana nanusub boo ra mamagun nano musiti' sumambayang ra Tuhan, i Aki Kapuuno' ru kinamatuaan nilo. Ginio ra buoi ru Raja' Josia naayag, narayus ilo giminagaya' ra Tuhan.

JISAYA 31:6

Tuhan mindagu, “Akau ulun ru Israil, makatula kau Raki' am manggal Raki'. Kaa' ragino saguli' kano Raki'!

JIRIMIA 15:19

Taam boo Tuhan, “Amon ru sumaguli' kou, apuon Tokou. Masauk kou poyo ra ulipon Kuno. Amon ru mampatanou kou ra tanou ondo' mokoonong am sala' ka ondo' kolondo' ampos, masauk kou saguli' ra nabi Kuno. Ulun matong poyo rirun, am okou kalo pana mongoi risilo.

JIRIMIA 15:4

Mangkinibit Aku ra ngaangai' bansa' ra tana' ti malaa' magilong risilo sabap ra binaal ri Manasi anak ri Gijkia giu' ra Jirusalim, paat ri Manasi nasauk ra raja' ru Jiuda.”

JIRIMIA 18:11

Raino balai' ulun ru Jiuda am mamagun ru Jirusalim ra tatanga' Aku mangatang koson manggal risilo, am mampatampos ra ukuman risilo. Susubo' ilo mompolonggo' ra baal ru bayag ondo' makatula, am niayuk mangulau ra paliso am binaal nilo.

JIRIMIA 24:9

Mamparatong Aku ra karaat risilo saboi ngaangai' bansa' ra titikop ru tana' ti malaa'. Iison ilo, pasaukon ra kukuritin am tauyuon. Ati ayuk pantutuliaron Ku ilo, inggalan nilo alapon ra pagulasan.

JIRIMIA 25:5

Nanusub ilo ramuyun mangiruan ra baal ru kaayagan ondo' malaat am baal ondo' makatula, maa' raginio mamagun ra pagun ondo' tinaakan ru Tuhan ramuyun am kinamatuaan min koson ra longgom tungkuson.

JIRIMIA 3:1

Indagu Tuhan, “Paat ra sangulun ralaki mangali ra andu' nano, am ruandu' no pana nasauk ra andu' ru ulun bokon, ralaki lair nano pana kalo makapamuli' saguli' riso koson ra andu', sabap ra baal raginio makajaka' ra titikop pagun ti. Okou Israil, mokoondo' noyo ra masuang kaga' ambai, am raino masaga' kou piboo sumaguli' Raki'!

JIRIMIA 3:12

Nanusub Tuhan raki' mongoi pampasaboi ra baal ragitio ri Israil, “Israil ondo' kalo gumagaya', saguli' no Raki'. Makaasi' Aku kaga' am kalo sumangit; kalo sumangit Aku rirun ra sabuoi-buoi no.

JIRIMIA 3:14

“Ulun kau ra kalo gumagaya', saguli' kano Raki'; akau longgom Kuno. Mangalap Aku ramuyun, sangulun intor ra moonong bandar, am ruo ngaulun intor ra moonong bansa', am Aku pana magibit ramuyun sumaguli' ra Bulur Sion.

JIRIMIA 3:22

Saguli' no, akau ngaangai' ondo' nangiruan noyo ra Tuhan; mamabas Io ramuyun am mampasauk ramuyun ra gumagaya'. Kamin, “Raino matong akai ra Tuhan sabap ra Io i Aki Kapuuno' mai.

JIRIMIA 35:15

Rinayus Ku nanusub ra ngaangai' ulipon Kuno, nabi-nabi mongoi ramuyun, am nanusub ilo ramuyun mangiruan ra binaal malaat am mambaal ra ondo' moonsoi. Nampakara' ilo ramuyun maa' raginio kalo sumamba kapoam mangandoi ayuk ra tuhan-tuhan ra bokon, maa' raginio marayusan min mayan ra pagun ondo' pinataak Kuno ramuyun am kinamatuaan min. Kaa' kalo riminongog kapoam nampalio kau Raki'.

JIRIMIA 36:3

Paat ra mamagun ru Jiuda nokorongog intor ra ngaangai' karaat ondo' porotongon Kuno risilo, maaru' lair langgain nilo mambaal ra malaat. Amon ru ginio poyo, Aku pana mangampun ra kalaatan am tula nilo.”

JIRIMIA 4:4

Guuto' min nabantuan min am Aku, Tuhan min; patimpoko' inan min Raki', akau mamagun ru Jiuda am Jirusalim. Amon ru kalo, sangit Kuno sumolob koson ra apui ondo' kalo malasa' ru osoi pana, sabap ra ngaangai' binaal min ondo' malaat!”

JIRIMIA 7:5

Kulawo' baal ru kaayagan am paliso min. Katimpok no ra rondo' am bokon.

JIRIMIA 7:7

Amon ru mangulau kau ra baal ru kaayagan am paliso min am niayuk lumonggo' mambaal ra ngaangai' no, mangiou Aku ramuyun magulayun ayan ra pagun ti ondo' tinaakan Kuno ra kinamatuaan min koson ra tana' tungkuson.

YEHEZKIEL 11:18

Paat ra ilo muli', musiti' ilo mamatir ra ngaangai' sinungkalalaing ondo' malaat am makauyuyu' no.

YEHEZKIEL 18:13

am niayuk makitaak ra bunga' paat mampaira' ra ruit. Maayag kia ulun no? Maaru' kalo! Nambaal io ra ngaangai' baal ondo' makauyuyu' no, am ginio ra matoi io. Mangkinibit io ra patayan nano galama'.

YEHEZKIEL 43:9

Raino musiti' ilo lumonggo' sumamba ra sinungkalalaing am mapabanding ra baangkai ru raja'-raja' nilo. Amon ru baalon nilo ginio, mayan Aku ra tatanga' nilo ra sabuoi-buoi no.”

GOSIA 14:1

Samaria musiti' ukumin sabap giminuor Raki'. Matoi mamagun nano ralalom pangayawan. Pampasin lalagang saboi matutuk, am tinai' ru ruandu' maapang abuin.”

GOSIA 2:2

Amon ru rumayus io mambaal raginio, iruon Ku ngaangai' binayang nano saboi magibaang koson paat ra io inanak. Pasaukon Ku io koson ra tana' ondo' kolondo' tutuu' am mapua', am matoi io boo ra paason.

GOSIA 7:16

Marayus ilo maya' ra dewa ondo' kolondo' atan pana kuasa'. Koson ra busur ondo' nandikong, mailo ilo lansanin. Sabap ra tingganai-tingganai nilo mindagu ra malilimbau, potoyon ilo ra ilang, am ulun ru Misir makakurit risilo.”

JOIL 2:12

Indagu Tuhan, “Kaa' raino talikur kano intor ra tula ra totopot am saguli' kano Raki' am mampali, mantangi' am manulaboi.

JAKARIA 1:4

Pai' kano koson ra kinamatuaan min. Ra galing i, nabi-nabi nampasaboi ra tanou Kuno risilo maa' raginio lumonggo' mambaal ra malaat am mambaal ra tula. Kaa' marara' ilo rumongog Raki' am marara' gumagaya' Raki'.

SAGULION 27:15

“ ‘Kaulas noyo ulun ondo' mambaal ra sinungkalalaing intor ra batu, tataun, kapoam basi', am sumamba raginio ra sinokon. Masisang Tuhan ra sumamba ra sinungkalalaing.’ “Ngaangai' ulun tumaam ra, ‘Amin!’

SAGULION 4:30

Paat ra akau ralalom kapaganan am ngaangai' baal makalalaa' no makalumpa' ramuyun, bagu no sumaguli' kau ra Tuhan i Aki Kapuuno' min am gumagaya' Riso.

JOSUA 24:14

“Ginio nai ra,” kon ri Josua, “urumato' noyo Tuhan am mangandoi ayuk Riso ra totopot am gumagaya'. Patiri' noyo tuhan-tuhan ra bokon ondo' sinamba ru kinamatuaan min giu' ra Misopotamia am giu' ra Misir ra galing i. Mangandoi ayuk ra Tuhan.

TINGGANAI RU BANSA' 10:16

Ilo pana namatir ra ngaangai' sinungkalalaing, am samba ra Tuhan. Io pana mangiluk nakakito ra kapaganan ondo' mailian ru ulun ru Israil.

1 SAMUIL 7:3

Indagu i Samuil ra ulun ru Israil, “Amon ru masaga' kau sumaguli' ra Tuhan am sumamba Riso ra sototopot ru guang min, patiri' noyo ngaangai' dewa ru bansa' ru bokon no am sinungkalalaing Dewi Asyitorit. Pataako' min noyo inan mino lingono' ra Tuhan am pangandoi kano Riso ayuk. Bagu no mapalabus Io ramuyun intor ra kuasa' ru ulun ru Palistin.”