JIRIMIA 39:3 - Tanou Moonsoi Timugon

³ Paat ra Jirusalim ginaau, ngaangai' pagawai masawat ru raja' ru Babilonia minatong am nanturung giu' ra Kulobon Garabang Tanga'. Ilo iono Nirgal-Sarijir, Samgar-Nibo, Sarsikim, ulun manalingapu ra istana, am i Nirgal-Sarijir Rabmag.)

JIRIMIA 39:3 Iomraidhean Croise

2 RAJA'-RAJA' 17:30

Ulun ru Babil nambaal ra sinungkalalaing Dewa Sukot-Binot, ulun ru Kuta nambaal ra sinungkalalaing Nirgal, ulun ru Gamat nambaal ra sinungkalalaing Asima,

JIRIMIA 1:15

sabap ra mampiau Aku ra ngaangai' bansa' giu' ra tampilon ralayo matong. Raja'-raja' nilo manirong ra panturungan ru raja' giu' ra kulobon-kulobon garabang ru Jirusalim am giu' ra liliut ru timbok no, am niayuk giu' ra liliut ru bandar-bandar ra bokon giu' ra Jiuda.

JIRIMIA 21:4

mambala' ra Raja' Jidikia ra Tuhan, i Aki Kapuuno' ru Israil, minindagu koson ragitio, “Jidikia, kalaan Ku pulalai muno ondo' tatanga' mangayou mampatoi ra raja' ru Babilonia am pulalai nano. Patunturon Ku ngaangai' kinandoi ru saujor muno giu' ra tatanga' ru bandar.

JIRIMIA 38:17

Balai' ku boo Raja' Jidikia ra Tuhan Ondo' Maayo Kaga' Kuasa', i Aki Kapuuno' ru Israil, minindagu koon ragitio, “Amon ru makirakop kou ra pagawai ru raja' ru Babilonia, maayag kou am bandar ti kalo solobon. Okou am sasambaloi muno maayag.

JIRIMIA 39:13

Ginio ra i Nibujaradan, nababaya' ra pagawai masawat ondo' ininggalanan ri Nibusyajban am i Nirgal-Sarijir, am niayuk ngaangai' pagawai ru raja' ru Babilonia,

YEHEZKIEL 26:10

Kuda nilo masuang kaga' saboi mangkinibit ra kaau kukulampun am lumibung rirun. Kurutuk ru kalayam intor ra pulalai mangkuda am kurita' kuda manguyog ra timbok ru bandar muno paat ra ilo mansail giu' ra kulobon garabang am sumubol ra bandar ondo' nalunsai no.