JIRIMIA 3:4 - Tanou Moonsoi Timugon

⁴ Kaa' raino mindagu kou Raki', ‘Okou noyo ama' kuno. Motogom Kou raki' intor ra aku boborok.

JIRIMIA 3:4 Iomraidhean Croise

MAZMUR 119:9

Tuu' bagu mokoowot ra kaayagan matanda' amon bayag nano sumugut ra panusuban Muno.

MAZMUR 48:14

imansaa' min timbok am urioo' kubu ru bandar no, maa' raginio maalap min katunung ra anak-anak bagu ra matong ti

MAZMUR 71:17

Nangila' Kou raki' intor ayuk poyo ra kinamuloko' kuno; saboi raino potonowon ku binaal Muli ondo' makaimuag no.

MAZMUR 71:5

Iou Tuhan Raja', malansan aku Rirun; mangintopot aku Rirun intor poyo ra kinamuloko' kuno.

AMSAL 1:4

Ulun kolondo' kailian ilaan no saboi makaalap ra pangkaraan malarom, am ulun mamulok ilaan no masauk ra ulun mapandai am makapangkara' koson ra matutuo.

AMSAL 2:17

Ruandu' no kalo gumagaya' ra ralaki nano, am nampalilian ra bantu' nano ri Aki Kapuuno'.

JIRIMIA 2:2

mampatanou ra tanou ragitio ra ngaangai' ulun giu' ra Jirusalim, “Mamagun kau ru Israil, nakara' Ku ra mapara' boo gagaya' min paat ra akau lakat poyo mamulok, am mapara' boo gayo ru togom min Raki' paat ra akau nasauk ra ulun inuot ragili. Minaya' kau Raki' nansail ra tana' kaagisan, nansail ra tana' ondo' kolondo' poyo tinanaman.

JIRIMIA 2:27

Ngaangai' kau tauyuon. Akau no minindagu ra rondo' puun tataun koson ra ama' min am rondo' bulur koson ra ina' min. Baal ragitio masauk sabap ra nangiruan kau Raki' am kalo minatong Raki'. Kaa' paat ra akau makakapaganan, piawon min Aku koson mamayag ramuyun.

JIRIMIA 3:19

Indagu Tuhan, “Israil, moogot Aku mangapu rirun koson ra anak Kuno, am mangani' rirun ra pagun ondo' makabansuk ra guang, pagun ondo' moonsoi kaga' ra titikop ru tana'. Moogot Aku rirun mampiau Raki' ‘Ama' kuno’, am kalo noyo boo tumalikur intor Raki'.

JIRIMIA 31:22

Saboi sanggilan kau pagantangan, bansa' kau ondo' kalo gumagaya' Raki'? Nambaal Aku kia ra rorondo' ondo' bagu am makaimuag, makaimuag koson ra ruandu' manindung ra ungkuyon.”

JIRIMIA 31:9

Liliwa' mantangi' ulun Kuno sumaguli', makiasi' ilo paat ra Aku maningganai risilo muli'. Tingganayon Ku ilo mongoi ra sungoi-sungoi boborok, mansail ra ralan marata' maa' raginio kalo makasaru ilo. Aku koson ra sangulun ama' ra Israil, i Ipraim anak Kuno ra katuaan.”

GOSIA 2:15

Sabiton no boo Aku ra ralaki nano, am sala' ka boo Baal nano.

MALIAKI 1:6

Mindagu Tuhan Ondo' Maayo Kaga' Kuasa' ra imam-imam, “Sangulun anak mangurumat ra ama' nano am sangulun ulipon mangurumat ra tuan nano. Aku ama' min, kaa' kua kalo mangurumat kau Raki'? Aku tuan min, kaa' kua kalo malaa' kau Raki'? Magasab kau Raki', kaa' mangkuot kau, ‘Atan koson akai nagasab Rirun?’

MALIAKI 2:14

Mangkuot kou ra sasaban no ra Io kalo boo mangapu ra taak muno. Koson raginio baal no sabap ra Tuhan nakapandai ra okou kalo boo giminagaya' ra ruandu' inandu' muno paat ra akau mamulok. Ruandu' no rangan ru kaayagan am andu' min, kaa' liminungkang kou ra bantu' riso, kabalu' pana binantu' mu noyo ra saang ri Aki Kapuuno' koson magulayun gumagaya' riso.